Azərbaycanın turizm imkanları Hindistanda nümayiş olunur
Qeyd edək ki, 2019-cu ildə Azərbaycana səfər edən Hindistan vətəndaşlarının sayı 65 min nəfər təşkil edib. Bu da 2018-ci illə müqayisədə 66.8 faiz artım deməkdir.
Ləki-Qəbələ dəmir yolu regionun turizm potensialının daha da inkişafına böyük təkan verəcək
Qırx üç kilometrlik Ləki-Qəbələ dəmir yolu təkcə Qəbələnin deyil, bütün regionun turizm potensialının daha da inkişafına böyük təkan verəcək.
AZƏRTAC xəbər verir ki, bunu Qəbələ Rayon İcra Hakimiyyətinin başçısı Səbuhi Abdullayev “Azərbaycan Respublikası regionlarının 2019-2023-cü illərdə sosial-iqtisadi inkişafı Dövlət Proqramı”nın icrasının birinci ilinin yekunlarına həsr olunan konfransda deyib.
Səbuhi Abdullayev çıxışında bildirib ki, bu gün rayonda təqribən 2500 yerlik 16 otel və mehmanxana tipli müəssisələr fəaliyyət göstərir. Ötən il bu müəssisələrdə 186 mindən çox yerli və əcnəbi turistlərə xidmət göstərilib. Təqribən bir o qədər də turist fərdi evlərdə qalıb. Gələn turistlərin 65 faizi, yəni, 121 min nəfəri dünyanın 45 ölkəsinin vətəndaşlarıdır.
Təkcə ötən il yerli əhəmiyyətli iki avtomobil yolu tikilərək istifadəyə verilib, 20 mindən çox əhalisi olan 10 yaşayış məntəqəsinin rayon mərkəzinə olan məsafəsini 25 kilometr qısaldacaq Bum çayı üzərində yeni körpünün tikintisinə başlanılıb. 25 kilometrlik Əmirvan-Seyidqışlaq-Vəndam avtomobil yolunun tikintisi üçün hazırlıq işləri aparılır.
FAO Azərbaycanda qida israfçılığının azaldılmasına kömək edəcək
“BMT-nin Ərzaq və Kənd Təsərrüfatı Təşkilatı (FAO) Azərbaycanda qida israfçılığının azaldılması istiqamətində layihə həyata keçirə bilər. Layihənin bu il ərzində başlanılması gözlənilir”.
Bu barədə “Report”a FAO-nun Azərbaycanda Tərəfdaşlıq və Əlaqələndirmə Ofisinin proqramlar üzrə mütəxəssisi Kaan Başaran deyib.
O vurğulayıb ki, layihənin məqsədi turizm sektorunda, iaşə obyektlərində israf olunan qidaların yenidən dəyərləndirilməsidir: “İlk növbədə, layihənin icrası ilə bağlı ilkin qiymətləndirmələr aparılmalıdır. Layihənin tərkib hissəsinə qida israfçılığının qarşısının alınmasında müasir standartın tətbiqi kimi məsələlər daxildir. Qida artıqlarının bioqaza dönüşdürülməsi (müxtəlif növ bioloji kütlənin köməyi ilə alınan qazlara bioqaz deyilir) heyvanlar üçün yemə çevrilə bilər”.
K.Başaran bildirib ki, Türkiyə hökuməti ilə FAO-nun tərəfdaşlığı çərçivəsində Mərkəzi Asiya ölkələri və Azərbaycan üçün proqramı var: “Sözügedən layihə həmin proqram çərçivəsində həyata keçirilməsi nəzərdə tutulur”.
İran saytında “Gəzməli və görməli şəhər – Bakı” sərlövhəli məqalə yayımlanıb
İranın “kahabar onlayn.ir” saytında “Gəzməli və görməli şəhər – Bakı” sərlövhəli məqalə yayımlanıb.
AZƏRTAC xəbər verir ki, məqalədə Bakının gözəlliyi və azərbaycanlıların qonaqpərvərliyinə geniş yer verilib. Qeyd olunub ki, Bakı qədimliklə müasirliyi özündə birləşdirən gözəl şəhərdir. Burada möhtəşəm konsert salonları və kinoteatrlar var. Bu salonlarda dünyanın müxtəlif ölkələrindən qastrola gələn məşhur müğənnilər konsert proqramları ilə çıxış edirlər.
Qədim tarixə malik olan şəhərdə çoxsaylı tarixi binalar var ki, bunlarda xüsusi maraq kəsb edir. Bakının yaxınlığında isə Qobustan qəsəbəsi yerləşir. Buradakı qaya üzərindəki rəsmlər min illər əvvəl çəkilib və onu deməyə əsas verir ki, burada çox qədim zamanlarda da insanlar məskən salıblar.
Şəhərin qurulmasında müasirliyə də böyük üstünlük verilib. “Alov qüllələri”, Heydər Əliyev Mərkəzi, müxtəlif ticarət mərkəzləri və otellər yeni üslubda tikilib və böyük marağa səbəb olur.
Məqalədə Azərbaycanın post-sovet məkanının ən inkişaf edən ölkə olması da vurğulanıb.
2020-ci il üçün lüks səyahət trendləri açıqlanıb
“Small Luxury Hotels of the World” şirkəti 2020-ci il üçün “Luxury Travel Trends” adlı hesabatını yayımlayıb.
AZƏRTAC xəbər verir ki, hesabat altı punkt üzrə hazırlanıb. Belə ki, hesabatda memarlıq, ətraf aləmi qoruma prinsipləri, plastik tullantıların az olduğu, ekoloji təmiz yeməklər təqdim edən otellərə xüsusi üstünlük verilib. Habelə otelin isinmə və yemək hazırlanmasında karbon istiliyindən (kömürdən) istifadə olunmaması da əsas punkt kimi götürülüb.
Sözügedən hesabatda Bakıdakı “Dinamo Hotel Baku” da yer alıb. Bu məkan dünya turizminin yeni istiqaməti kimi göstərilən Azərbaycanın ən yaxşı butik oteli olaraq siyahıya salınıb. Göstərilib ki, özündə Avropa və Asiyanın möcüzələrini ehtiva edən Azərbaycan turistlər üçün yenilikləri kəşf etmə ölkəsidir.
Azərbaycan stendi Türkiyədə keçirilən sərgidə diqqət mərkəzindədir
Türkiyənin Mədəniyyət və turizm naziri Mehmet Nuri Ersoy İstanbulda keçirilən EMİTT 2020 – Şərqi Aralıq dənizi Beynəlxalq Səyahət və Turizm Sərgisində təmsil olunan Azərbaycan stendinə baş çəkib.
AZƏRTAC Dövlət Turizm Agentliyinə istinadən xəbər verir ki, Azərbaycan stendi ziyarətçilər tərəfindən böyük maraqla qarşılanıb.
Beynəlxalq sərgi çərçivəsində turizm şirkətləri ilə B2B (Biznesdən biznesə) formatlı görüşlər keçirilib, qarşılıqlı əməkdaşlıq imkanları qiymətləndirilib.
Azərbaycan nümayəndə heyəti Türkiyə və digər ölkələrin kütləvi informasiya vasitələrinə ölkəmizin turizm potensialı barədə müsahibələr veriblər.
Xatırladaq ki, fevralın 2-dək davam edəcək 24-cü EMİTT sərgisi hər il keçirilir və dünyanın beş ən böyük turizm sərgisindən biri hesab olunur. Ötən il sərgidə dünyanın 94 ölkəsindən 1201 turizm şirkəti təmsil olunub. Sərgi ümumilikdə 57 mindən çox ziyarətçi qəbul edib.
Körfəz ölkələri Misirdə daha çox vəsait xərcləyəcəklər
Körfəz Əməkdaşlıq Təşkilatı (GCC) ölkələri 2020-ci ildə Misirdə 2,36 milyard dollar vəsait xərcləyəcəklər. AZƏRTAC “Egypttoday” portalına istinadla xəbər verir ki, Ərəb Səyahət Marketi şirkətinin məlumatına görə, ötən il bu ölkələrin vətəndaşlarının Misirə turist səfərlərində 11 faiz artım müşahidə olunub.
Küveytin Əl-Ənba qəzetinin məlumatına görə, artıq Səudiyyə Ərəbistanından Misirə uçuşların sayı 1 410-a çatıb. Səudiyyə Ərəbistanından olan turistlər 2019-cu ildə burada 633 milyon dollar xərcləyib və 2024-cü ildə bu rəqəmin 1,13 milyarda çatacağı gözlənilir.
Ötən il Misirin turizmdən gəliri 16,4 milyard dollara çatıb. Yaxın beş ildə bu rəqəmin 29,7 milyard dollara çatacağı ehtimal edilir. Misir turizmi üçün ən yaxşı bazar məhz GCC ölkələridir. Belə ki, ötən il Körfəz ölkələrindən 1,84 milyon turist gəlib və 2022-ci ildə onların sayı 9,1 milyon ola bilər.
Avropa ölkələri Misirin turizm bazarında birinci mövqeyə sahibdirlər. Belə ki, ötən il buraya 6,2 milyon avropalı turist gəlib və 2022-ci ildə bu rəqəmin 9,1 milyona qədər artması planlaşdırılır.
Misir koronavirus ucbatından 235 min çinli turisti itirə bilər
BMT-nin Dünya Turizm Təşkilatının Misir üzrə müşaviri Səid əl-Batuti bildirib ki, hər il Çindən Misirə 235 minə yaxın turist gəlir. Onun sözlərinə görə, koronavirus xəstəliyinin yayılması ilə əlaqədar bu il çinli turistlərin səyahəti baş tutmaya bilər.
AZƏRTAC “Egypttoday” portalına istinadla xəbər verir ki, təşkilatın müşaviri hər il 200 milyondan artıq çinlinin dünya üzrə turizm səfərlərinə çıxdığını qeyd edib. Eyni zamanda, dünyanın əksər ölkələrinin vətəndaşları da Çinə səfər edirlər. Koronavirus epidemiyası səbəbindən bütün bu səyahətlərin əhəmiyyətli dərəcədə azalacağını diqqətə çatdıran əl-Batuti bildirib ki, Çin vətəndaşları arasında çox populyar olan Misir istiqaməti də həmin turistləri itirə bilər.
Bu arada, Misirdə koronavirus xəstəliyinə qarşı əlavə tədbirlər də həyata keçirilir. Bu məqsədlə ölkənin şimalında xüsusi hospital ayrılıb, hökumət Çindən sarımsaq idxalını dayandırıb, məktəblərdə sanitar-epidemioloji vəziyyət ciddi nəzarət altına alınıb.
Kapadokya – Trabzon – Batumi
??? Sizləri Möhdəşəm ”Kapadokya – Trabzon – Batumi” turuna dəvət edirik.??? BAHARIN İLK GÜNLƏRİNİ KAPADOKYADA QARŞILAYAQ ?
“””””””””””””””””””””””‘”””””””””””””””””””
☘ Turun tarixi: 18.03.2020
☘ Turun müddəti: 3 gecə 4 gün
☘ Turun qiyməti: 189 $
“”””””””””””””””””””””””””””””””””””””””””
? Qiymətə daxildir:⤵
? Tur boyu xidmət göstərən transfer ( VİP avtobus )
? Oteldə gecələmə (1 gecə Trabzon, 2 gecə Kapadokya)
? Səhə yeməyi oteldə
? Yol boyunca ( Çay + Kofe )
? Fotossesiya
? Tur rəhbər
? Yol boyu əyləncəli və hədiyyəli oyunllar
“”””””””””””””””””””””””””””””””””””””””””””””
✅ Ekskursiya:⤵
KAPADOKYA
? Hava şarları
? Göyərçinlik vadisi
? Yeraltı şəhər gəzintisi ( 30 tl )
? Kapadokya-Üçhisar ( 10 tl )
? 3 Peri bacası
? Avanos
? Hayal Vadisi
? Vadi yürüyüşü-Hicking
? Asmali Konak ( 10 tl )
? Aşk və mavi konağı ( 5 tl )
✅ TRABZON ⤵
? Trabzon Forum AVM
? Uzungöl
✅ BATUMİ ⤵
? Ali və Nino heykəli
? Batumi bulvarı
? Yaxtada Qara dəniz gəzintisi (15 lari)
“””””””””””””””””””””””””””””””””””””””
Qiymətə daxil deyil:⤵
Muzeyə giriş biletləri
Günorta və axşam yeməyi
Uzun göl turu əlavə ( 10 $ )
“”””””””””””””””””””””””””””””””””””””””
Qeyd: ⤵
ℹ Qiymət 2 nəfərlik otaqda 1 nəfər üçün nəzərdə tutulmuşdur.
ℹ 0-5 yaş uşaqlar pulsuz (avtobusda oturmamaq və oteldə çarpayı istifadə etməmək ) şərti ilə
ℹ Ödənişlər yalnız günün məzənnəsinə uyğun olaraq qəbul edilir
ℹ Tur zamanı nəqliyyatda spritli içkilərin qəbulu və siqaretin çəkilməsi qəti qadağandır
“””””””””””””””””””””””””””””””””””””””””
☛Turun başlama tarixi: 18.03.2020
Toplaşma yeri: Gənclik M/S Atatürk parkı
Toplanış saatı: 19:00
Çıxış – 20:00
☛Turun bitmə tarixi : 24.03.2020
“””””””””””””””””””””””””””””””””””””””””
Əlavə məlumat və suallarınız üçün:⤵
070-264-60-30
Ötən il Acarıstana gedən azərbaycanlı turistlərin sayı açıqlanıb
