Bölgə yavaş sürətlə bir-birindən ayrılan üç tektonik plitənin kəsişməsində yerləşir. 2005-ci ildə bölgədə hazırda uzunluğu 56 kilometr olan yarıq əmələ gəlib.
Alimlər gələcəkdə yeni okeanın peyda ola biləcəyi haqda xəbərdarlıq ediblər. Bu barədə Sputnik Azərbaycan Ria Novostiyə istinadən xəbər verir.
Tədqiqarçıların hesablamalarına görə, təxminən 5-10 milyon il sonra Afrikanın şərq hissəsində tektonik çat əmələ gələcək və nəticədə qitə iki hissəyə bölünəcək.
Qitənin bu hissəsi Efiopiyanın Afar bölgəsindədir. Bölgə yavaş sürətlə bir-birindən ayrılan üç tektonik plitənin kəsişməsində yerləşir. 2005-ci ildə bölgədə hazırda uzunluğu 56 kilometr olan yarıq əmələ gəlib.
“Bu dünyada yeganə yerdir ki, orada kontinental riftin okeanik riftə çevrilməsini öyərənə bilərsiniz”, – Böyük Britaniyanın Lids Universitetinin professoru Kristofer Mur qeyd edib.
Alimlər güman edirlər ki, bu hal qalxan maqmaya görə artan təzyiqlə bağlıdır. Hazırda onlar plitələrin hərəkətini GPS-in köməyi ilə izləyirlər.
Qeyd edək ki, hazırda dünyada 5 okean var: Atlantik okean, Hind okeanı, Şimal Buzlu okean, Sakit okean və Cənub okeanı.
