Martın 12-də Bakıda dəniz sahilində yeni ticarət mərkəzi – «Dəniz Mall» fəaliyyətə başlayacaq.
40-dan çox dünyaca məşhur brend, 20-dən çox beynəlxalq restoran konsepti olan “Dəniz Mall” 12 Mart saat 10:00-dan etibarən alıcıları qəbul edəcək.
Bakıda yeni ticarət mərkəzinin açılışı üzrə hazırlıqlar tamamlanmaq üzrədir.
Sidney Operası stilində, 8 guşəli ulduz formasında inşa edilmiş ticarət mərkəzində 5 mərtəbə var. Sahəsi 120 min kvadratmetr olan mərkəzdə əyləncə obyektləri, mağazalar, restoran və sinema olacaq. Mərkəzin 2019-cu ilin sonuna açılacağı bildirilsə də bu müddət bir neçə ay gecikib və 2020-ci ilin mart ayında baş tutacaq.
Son illərdə ölkədə açılan bir sıra iri ticarət mərkəzləri – «28 Mall», «Gənclik Mall» və «Gəncə Mall» kimi, «Dəniz Mall» da ölkənin ən byöük biznes qrupu sayılan «Paşa Holdinq» və ona yaxın strukturlara məxsusdur.
Layihənin müəllifləri «Dəniz Mall»ın ölkənin əsas əyləncə meydançası olacağını bildirirlər.
Mərkəzin binası 2007-ci ildə tanınmış dizayner Çapmanom Teylor tərəfindən layihələndirilib. Hazırlıq işləri elə o vaxt başlasa da, sonradan işlər dayanıb və yalnız 2014-cı ildən bərpa edilib.
Qeyd edək ki, əvvəlcə bu bina konqres mərkəzi, tədbirlərin və toyların keçiriləcəyi məkan kimi nəzərdə tutulub. Amma bu müddət ərzində Heydər Əliyev Mərkəzi və elə onun yaxınlığında Bakı Konqres mərkəzi işə düşüb. Nəticədə layihənin sifarişçiləri onu ənənəvi alış-veriş və ticarət məkanı kimi layihələndirməyi qərara alıblar.
Mərkəz ailəvi istirahət məkanı kimi nəzərdə tutulub və burada ticarət əyləncə obyektləri olacaq.
Artıq bir sıra tanınmış brendlər «Dəniz Mall»da olacaqlarını təsdiqləyiblər. Ticarət mərkəzində mağaza və əyləncə yerlərinin artıq 90%-nin icarəyə götürüldüyü bildirilir. Yeni mallda qiymətlərə gəlincə, burada icarə haqları digər mallardan ciddi fərqlənmir.
“Dəniz Mall”-da bu şirkətlərin olcağı artıq öz təsdiqini tapıb. “McDonald’s”, “Alma Store”, “Cinema Plus”, “Yargıcı”, “Swarovski”, “Kinder Land”, “Etam”, “Cinnabon”, “Flo”, “Starbucks”. Ticarət mərkəzinin supermarketi gözlənildiyi kimi, «Bravo» olacaq.
Fərqli konsepti, dənizə birbaşa mənzərəsi və böyüklüyü nəticəsində yeni ticarət mərkəzinin işə düşməsi ilə indiyədək populyar olan «Gənclik Mall» və «28 Mall»a axını bir qədər zəiflədəcək. Hərçənd sonuncuların metro stansiyasının yaxınlığında yerləşməsi onların populyardığını azaltmayacaq.
Yeni ticarət və əyləncə mərkəzi xüsusilə xarici turistlər arasında populyar ola bilər.
Bununla yanaşı, qeyd edək ki, «Dəniz Mall»ın fəaliyyətə başlaması iqtisadiyat. Xüsusilə turizm sektoru üçün bir qədər mürəkkəb vaxta təsadüf edib. Koronavirus təhlükəsi səbəbindən ölkəyə gələn turistlərin sayı kəskin azalıb, eləcə də dünya bazarında neftin qiymətinin son günər azalması əhalinin alıcılıq davranışlarına mənfi təsir edə bilər.
