ABŞ-ın Kaliforniya ştatında “Şüşəli plyaj” (Glass Beach) görənləri heyran edir

Amerikadakı möcüzəvi “Şüşəli plyaj”

ABŞ-ın Kaliforniya ştatında “Şüşəli plyaj” (Glass Beach) görənləri heyran edir

Ştatın Fort Bragg şəhərindəki bu plyaj 1949-cu ildən zibilxana kimi istifadə olunub. 18 il ərzində bu formada baxımsız qalıb. Daha sonra sahildə zərərli maddələr aşkar olunduğu üçün plyaj nəzarətə götürülüb.

Bu plyajın sahili tamamilə şüşədən ibarətdir. Plyajda qum, daş kimi şeylərə rast gələ bilməzsiniz. Şüşələrin illərcə okenanın sahili yumasından, yağış və küləyin təsirindən formalaşdığı deyilir.

Təbiətin özünü bərpası nəticəsində ərazi indi Təbii Qoruma Parkı (MacKerricher State Park) kimi fəaliyyət göstərir.

Plyaja girişə icazə verilsə də, şüşə götürmək qadağandır. Lakin üzərinizə baxış zamanı şüşə tapsalar, heç bir cərimə kəsilmir və onları geri alırlar. Qadağaya səbəb isə şüşələrdən zərgərlik məhsullarının istehsalında istifadə olunmasıdır.

Ərazidə 50-ci illərin zibil tullantılarının qalıqlarını az da olsa görmək mümkündür.

Fort Bragg şəhərinə yolunuz düşsə bu gözəl məkana baş çəkməyi unutmayın.