Türk Hava Yollarının Bakı nümayəndəliyi son günlərdə yayılmış söhbətlər eyni zamanda qaydalarla bağlı sərnişinlərə xatırlatma və xəbərdarlıq edib.
Turizmplus.az aviaşirkətə istinadən yeni məlumatları oxucuların nəzərinə çatdırır:
– Son günlər sərnişinlər və sizlər tərəfindən 15 Sentyabr sonrasında Türk Hava Yolları İstanbul – Bakı – İstanbul uçuşlarının ləğv olunub olunmayacağı ilə əlaqəli suallar alırıq. Nəzərinizə çatdırmaq istərdik ki, Türk Hava Yolları İstanbul – Bakı – İstanbul uçuşlarına həftəlik 11 uçuş olaraq davam edəcəkdir. Şirkətimizin planlarında uçuşların ləğvi yer almır, tərəfimizə uçuşların ləğv olunacağı ilə bağlı hər hansısa bir qadağa məlumatı gəlməmişdir.
– Son vaxtlarda ofisimizə gələn bəzi sərnişinlər bilet aldığı səyahət agentliyi tərəfindən uçuş ləğvinin olması barədə məlumatlandırılmadığı, uçuşunun ləğv olunmasından xəbərsiz olduğunu, neqativ Covid-19 testi almaq üçün ödəniş etdiyini, uçuş ləğvindən isə yalnız hava limanına getdikdən sonra xəbərdar olduğunu bildirir. Hal-hazırda mövcud qlobal pandemiya ilə əlaqədar ölkələrdə sərnişinlərin səyahəti, karantin və s. barədə qaydaların tez-tez dəyişə bildiyini, və ehtimal uçuş ləğv/dəyişikliklərini nəzərə alaraq yazılmış olan hər bir biletin satış meneceri tərəfindən sıx-sıx yoxlanılmasını və sərnişinlərin zamanında məlumatlandırılmasını xahiş edirik. Bu halda sərnişinlər həm səyahət agentliyi, həm də aviaşirkətdən razı qalacaqdır.
– Bəzi satış menecerləri səhvən “INVOL” biletlərdə dəyişiklik edərkən bu əməliyyatı cərimə ilə edir. Bir daha sizlərə xatırlatmaq istərdik ki uçuş ləğvi ( INVOL) olan sərnişin biletləri cəriməsiz dəyişdirilməlidir. Sərnişinin biletindəki bir uçuşun ləğvi sərnişinin səyahət planına təsir edirsə, biletdə yer alan bütün seqmentlərdə dəyişiklik cəriməsiz olaraq həyata keçirilməlidir.
