2019-cu ilin yanvar ayında ölkəmizə 191,4 min xarici vətəndaş gəlib . Bu da ötən ilin eyni dövrü ilə müqayisədə 5 min nəfər və ya 3% çoxdur.
Bununla bağlı Dövlət Turizm Agentliyi məlumat yayıb.
Əcnəbilər arasında ən çox artım 22% artımla Gürcüstandan gələnlərdə müşahidə olunur. Əhəmiyyətli surətdə artım olan digər bazarlar Cənubi Asiya və Orta Asiyadır – bu regionlardan müvafiq olaraq 60,9% və 35,4% artım baş verib.
Ən yüksək artım tempi Cənubi Asiya ölkələri olan Pakistan və Hindistana, Mərkəzi Asiyadan Qazaxıstan və Türkmənistana məxsusdur. Yanvar ayında bu ölkələrin hər birindən 2000-dən çox xarici vətəndaş gəlib.
