Tailanda səfər edən əcnəbilər iki həftəlik karantində qalmalı olacaqlar. Gezmeli.az “Qafqazinfo”a istinadən xəbər verir ki , bu barədə “The Thaiger” xəbər verib.
Tailandın Turizm və İdman naziri Pipat Ratçakitprakan bildirib ki, statusundan və vətəndaşlığından asılı olmayaraq, bütün əcnəbilər məcburi 14 günlük karantindən keçməli olacaqlar.
Ölkədə iki aydan çoxdur ki, COVID-19-a yoluxma halı qeydə alınmayıb. Amma xaricdən qayıdan və iki həftəlik karantində qalan repatriantlar arasında koronavirusa yoluxma halları olub.
