“Abşeron yarmadasının xəstəlikdən azad zonayana çevirilməsi üzərində iş gedir”
Bu sözləri Qida Təhlükəsizliyi Agentliyinin sədri Qoşqar Təhməzli jurnalistlərə açıqlama verən zaman deyib.
“Bu sadəcə pilot bir layihədir. Azərbaycanın bütün regionlarını əhatə edəcək. Bizim iki gün öncə sərgidə təqdim etdiyimiz qida təhlükəsizlik göstəriciləri olan səhra labarotoriyaları da konseptin bir hissəsidir. Xəstəlikdən azad zona deyən zaman heyvan mənşəli xəstəliklərdən həmin zonanın azad olunması nəzərdə tutulur. Abşeron yarmadasının seçilməsi təsadüfi deyil. Bu layihənin üzərində beynəlxalq ekspertlərlə bizim yerli mütəxəssislər birlikdə öz rəylərini veriblər. Bu rəylərə əsasən, Abşeron müvafiq zona seçilib.
Burada köçəri heyvanlar daha az olduğuna görə, xəstəliyin bir yerdən digər yerə daşınmaması əmsalı daha yüksəkdir. Onunla əlaqədar olaraq da burada bütün heyvanların identifikasiya sistemi və izlənməsi həyata keçiriləcək. Layihə çərçivəsində ölkəyə idxal olunan və ölkədə doğulan heyvanın ölüm anına kimi keçirdiyi bütün xəstəliklərin qeydiyyatı baş tutacaq. Bu da bilavasitə ət, süd məhsullarda təhlükəsizliyin təmin olunsına imkan verəcək” -, deyə Qoşqar Təhməzli bildirib.
Qoşqar Təhməzli bildirib ki, hazırda Azərbaycanın bitkiçilik məhsullarının Avropa bazarlarına ixracı geniş vüsət alıb: ”Bu sahədə Azərbaycanın verdiyi fitosanitar və sağlamlıq sertifikatları beynəlxalq qurumlar tərəfindən tanınır. Məhsullarımız Avropa İttifaqı ölkələrinə asanlıqla ixrac olunur. Dövlət Turizm Agentliyi ilə birlikdə istirahət zonalarında tədbirlər planı həyata keçirilir. Həmin zonalar Qida Təhlükəsizliyi Agentliyi və Qida Təhlükəsizliyi İnstitutunun ekspertləri tərəfindən nəzarətə götürüləcək ki, istehlakçılarımız sağlam qida ilə təmin oluna bilsinlər“.
