Gürcüstanın Milli Turizm Administrasiyası ölkəyə misli görünməmiş sayda əcnəbi jurnalist dəvət edəcək.
Gürcüstan bürosu xəbər verir ki, bu barədə dövlət qurumu məlumat yayıb.
İyul ayının sonundan etibarən Avropa İttifaqı ölkələri, ABŞ, Cənubi Koreya, Qazaxıstan, Ukrayna, İsrail, Azərbaycan, Türkiyə, Qatar və BƏƏ-dən olan 200-ə yaxın jurnalist və bloqer Gürcüstanın turizm potensialı ilə tanış olacaq.
Xarici ölkələri təmsil edən televiziya, onlayn və çap media nümayəndələri Gürcüstanın müxtəlif bölgələri, kurortları və turizm mərkəzlərinə baş çəkəcəklər. Ölkənin turizm imkanları barədə reportaj və məqalələr hazırlayacaqlar.
