TURİZM

Azərbaycan Turizm Bürosunun dəstəyi, Azərbaycan Turizm Bələdçiləri Assosiasiyasının (ATBA) təşkilatçılığı ilə təlimlər keçirilib. Bakıda turizm bələdçiləri üçün keçirilən təlimlər başa çatıb.

Dövlət Turizm Agentliyindən AZƏRTAC-a bildirilib ki, turizm bələdçilərinin texniki peşə biliklərinin beynəlxalq standartlar çərçivəsində təkmilləşdirilməsindən danışılıb. Təlimlər Ümumdünya Turizm Bələdçiləri Assosiasiyaları Federasiyası (WFTGA) ilə birgə həyata keçirilib.

Təlim proqramı rus və ingilisdilli qruplara bölünən 24 iştirakçıya Ümumdünya Turizm Bələdçiləri Assosiasiyaları Federasiyasının aparıcı təlimçisi İvana Curuvija və beynəlxalq təlimçi Səkinə Əsgərova tərəfindən tədris edilib.

Təlim çərçivəsində iştirakçılara 28 May, Nizami və Xaqani küçələri üzrə gəzinti turu, Heydər Əliyev prospekti, Üzeyir Hacıbəyli və Yusif Səfərov küçələri üzrə avtobus turundan danışılıb. Azərbaycan Milli Xalça Muzeyində məkan turu formalarında praktik və nəzəri biliklər tədris olunub.

Təlimlər dekabrın 14-dən start götürüb. Turizm bələdçilərinə, həmçinin beynəlxalq standartlara əsaslanan peşə etikası, qrup psixologiyası, məhdud fəaliyyət qabiliyyətli turistlərlə işdən danışılıb. Peşəkar tur planının tərtibatı kimi istiqamətlər üzrə məlumatlar verilib.

Qeyd edək ki, 2019-cu il ərzində ingilis, alman və rus dillərində olmaqla 60 turizm bələdçisini əhatə edən beş qrupa təlimlər keçirilib.

BIR CAVAB BURAXIN

şərhinizi daxil edin!
Buraya adınızı daxil edin