PAYLAŞ
Şəhərdən kəndə layihəsi

Bu gün Azərbaycan Respublikası Kənd Təsərrüfatı Nazirliyinin tabeliyində Dövlət Aqrar Ticarət Şirkətinin “Şəhərdən kəndə” layihəsi çərçivəsində Şəki şəhərinə media-tur təşkil olunub.

Layihənin əsas məqsədi kənddə turizmin inkişaf etdirilməsi, sosial rifahın artırılmasıdır. Yeni xidmət sahələrinin açılması, alternativ satış kanalları, gəlirin diversifikasiyası, ailə bizneslərinə dəstək olmaqdır. Bu layihə çərçivəsində fermerlər üçün yeni məşğulluq imkanları yaranacaq. Məhsulları üçün alternativ satış kanalları əldə edə biləcək. Əlavə gəlir mənbəyi və gəlirin diversifikasiyası mümkün olacaq.

Layihənin əhali üçün faydaları maraqlı, fərqli və daha sərfəli istirahət imkanları, kənd təsərrüfatı mallarını yerində almaq və təbiətə daha yaxın olmaqdır. “Şəhərdən kəndə” layihəsi həmçinin dövlətin də maraqlarına xidmət etməkdədir. Bu layihə sayəsində aqrar sahibkarlıq, eləcə də kənd təsərrüfatı inkişaf edəcək, turizm potensialı güclənəcək, Ekoloji və aqrar maarifləndirmə həyata keçiriləcək, sosial rifah artacaq. Yeni xidmət sahələri yaranacaq, multikultural mühit inkişaf edəcək və şəhərə axın azalacaq”.