PAYLAŞ
infotur

Lənkəran Turizm İnformasiya Mərkəzi yay mövsümündə ölkəmizin cənub bölgəsinə gələn turistlərin maarifləndirilməsi üçün müxtəlif tədbirlər həyata keçirilib. Bölgənin turizm potensialının tanıdılması ilə bağlı infoturların təşkilinə başlanılıb.

infotur

Mərkəzin direktoru İlqar Əzimov bildirib ki, Lənkərana gələn turistlərin bölgəyə marağını artırmaq üçün müxtəlif addımlar atılıb. Burada istirahətin daha cazibədar olması təmin etmək məqsədilə otel və istirahət mərkəzlərində qalan turistlər üçün Lənkəran, Lerik, Astara, YardımlıMasallı rayonlarına infoturlar təşkil edilir.

İnfoturlar zamanı qonaqlara Lənkəranın turizm potensialı haqqında ətraflı məlumat verilib. Onların rayonun tarixi və memarlıq abidələri, muzeyləri, Xanbulançay dəryaçası, çay plantasiyası, sitrus plantasiyası, Hirkan Milli Parkı və digər görməli yerləri ilə əyani tanışlıqları təmin edilib. Yerli mətbəx nümunələrinin hazırlanması prosesi nümayiş olunub.

infotur

Belə infoturlar növbəti günlərdə Lerik, Astara, Masallı Yardımlı rayonlarına da təşkil olunacaq.

Xarici turistlər belə maraqlı turun təşkilinə görə Dövlət Turizm Agentliyinə və Lənkəran Turizm İnformasiya Mərkəzinə minnətdarlıqlarını bildiriblər.