PAYLAŞ
“Tashkent travel mart” turizm sərgi-konfransı

Daşkənddə “B2B” formatında keçirilən “Tashkent travel mart” sərgi-konfransında Azərbaycan da təmsil olunub.

Sərgi-konfransda Azərbaycanla yanaşı, Özbəkistan, Gürcüstan, İspaniya, İsveçrə, İtaliya, Rusiya, Birləşmiş Ərəb Əmirlikləri, Cənubi Koreya və digər ölkələrin turizm şirkətləri iştirak edib.

Tədbirdə ölkəmizi “Ubm Group” turizm şirkətinin nümayəndəsi Tamar Akhalbedaşvili təmsil edib.

Sərgi-konfransda iştirakçı turizm firmaları öz xidmətləri haqqında məlumat verib. Digər ölkələrin turizm şirkətlərinin nümayəndələri ilə əməkdaşlıq haqqında müzakirələr aparıb, sənədlər imzalanıb.

Xarici turizm şirkətlərinin Azərbaycanın turizm sənayesinə böyük maraq göstərilib. Tamar Akhalbedaşvili bu şirkətlərlə əməkdaşlığın öz bəhrəsini verəcəyinə əminliyini ifadə edib.