Washington Times

“Gürcüstan dəvamlı olaraq, Rusiya aqressiyası ilə qarşı-qarşıya qalır və eyni zamanda, demokratik institutlarını və iqtisadiyyatını gücləndirməyə çalışır”. Muxalifet.az xəbər verir ki, bu barədə “Washington Times” tərəfindən yayılan “Gürcüstan yol kəsişməsində” adlı analitik məqalədə qeyd olunub. Məqalənin müəllifi ABŞ Dövlət Departamentinin rəsmi nümayəndəsinin müavini və ABŞ-ın Bəhreyndəki sabiq səfiri Adam Erelidir. Müəllifin sözlərinə görə, 2012-ci ildə Gürcüstanda ədalətli seçkilər vasitəsi ilə iqtidar sülh yolu ilə təhvil verildi və o vaxtdan sonra Gürcüstanda ədalətli seçkilər keçirilir. Məqaləyə əsasən, Gürcüstan medya azadlığı, qanunun aliliyi və şəffaflığın bütün parametrləri ilə yüksək dəyərləndirmələr alır. “Bir çox Avropa ölkələrindən fərqli olaraq, Gürcüstan əhalisinin 90 faizi Amerikanı dost hesab edir. 70 faizi NATO və Avropa İttifaqına inteqrasiyanı dəstəkləyir. Əfqanistandaki koalisiya partnyorlarımızdan isə ən çox itkilər Gürcüstanın oldu, ancaq gürcü liderləri irəliyə doğru yoluna davam edirlər” – deyə məqalədə bildirilib. Washington Times yazır ki, əhalinin Avropaya inteqrasiyanı dəstəkləməsinə rəğmən, Gürcüstanın Avro-atlantik strukturlarına tamamilə inteqrasiya edilməsi hələdə sual altındadır. Məqalənin müəllifi Fransa prezidentinin bəyanatını xatırladır və qeyd edir ki, Avropa İttifaqı genişlənmək istəmir. Sözügedən yazıda oda qeyd olunur ki, rus əsgərləri və Rusiyanın marionetləri Gürcüstan ərazisinin 20 faizi işğal etməyə davam etsələr də, eyni zamanda, Rusiya turizminin Gürcüstana qatqısı 89 faizi təşkil edir. Müəyyən şəxslər Gürcüstanın demokratik insitutların inkişafına mane olmağa çalışırlar və Rusiyanın Gürcüstanın daxili siyasətinə qarışması üçün imkan yaradırlar. Əhəmiyyətlidir ki, bu şəxslər ABŞ Dövlət Departamentinin müraciətini nəzərə alsınlar və zorakılıq nümayiş etdirməkdən qaçsınlar. Gələcəyin planlarını qurarkən isə, gürcülər bir tək şeydən əmin ola bilərlər: ABŞ-ın daimi və güclü dəstəyindən” – deyə məqalədə bildirilib. Muxalifet.az

BIR CAVAB BURAXIN

şərhinizi daxil edin!
Buraya adınızı daxil edin