PAYLAŞ
Hindistan

Koronavirusun yayılmasının qarşısını almaq üçün Hindistan bütün turist vizalarını bir ay müddətinə dayandırıb.

KONKRET.az xəbər verir ki, bu barədə məlumatı “Sinxua” agentliyi yayıb.

Məhdudiyyətlər diplomatik, rəsmi, BMT vizaları və beynəlxalq təşkilatlar, iş və layihədən başqa bütün mövcud vizalara şamil olunur.

Vizalar 15 aprelə qədər dondurulacaq. Qərar 13 mart 2020-ci il tarixində saat 12: 00-da qüvvəyə minir.

“Hindistana yaxşı bir səbəblə getmək niyyəti olan hər hansı bir xarici ölkə vətəndaşı Hindistan diplomatik nümayəndəliyi ilə əlaqə saxlaya bilər” deyə nəşr bildirib.

Xatırladaq ki, bundan əvvəl Tramp Avropadan ABŞ-a girişi 30 günlük qadağan edib. Məhdudiyyətlər martın 13-dən qüvvəyə minəcək. Amerika lideri COVID-19-dan zərər çəkən vətəndaşlar və müəssisələr üçün vergi güzəştlərini də açıqlayıb.

Türkiyənin COVID-19 səbəbiylə turizm mövsümünü təxirə saldığı da bildirilib. Türk otelləri adətən mart ayının sonunda turist qəbul etməyə başlayırlar, ancaq koronavirusla əlaqədar səlahiyyətlilər, mövsümün başlanğıcını 15 aprelə qədər təxirə salmağa çağırıblar.