İngiltərənin Maliyyə naziri Rişi Sunak büdcə tənzimlənməsini açıqlayıb. Koronavirus riskinə qarşı ölkə iqtisadiyyatının dəstəklənməsi üçün 30 milyard funt sterlinq təşviq paketinin müəyyənləşdirildiyini bildirib.
Sunakın sözlərinə görə inflyasiyanın bu il üçün 1,4 faiz, gələn il üçünsə 1,8 faiz proqnozlaşdırıldığını qeyd edib. Ümumi daxili məhsula nisbətdə İngiltərənin dövlət borcunun bu ilin sonunda 79,5 faiz, 2024-25-ci illərdə isə 75,2 faiz səviyyəsinə enəcəyi gözlənilir.
Nazir R.Sunak pərakəndə ticarət və turizm kimi sektorlarda ümumi dəyəri 51 min funt sterlinqdən az olan şirkətlərin işlətmə (əməliyyat) vergisindən azad ediləcəyini vurğulayıb. İşçilərinin sayı 250-dən az olan şirkətlərin iki həftəyə qədər xəstəlik bülletenləri üçün ödədikləri vəsaitlər hökumət tərəfindən şirkətlərə qaytarılacaq.
Nazir qeyd edib ki, öz işlərindəki gerilikləri aradan qaldıra bilmələri üçün kiçik şirkətlərə 1,2 milyon funt sterlinqə qədər kredit almaq imkanları yaradılacaq.
Maliyyə naziri İngiltərədə yanacaq vergisinin dəyişməyəcəyini vurğulayıb. 2020-ci il üçün iqtisadi böyümə proqnozunun 1,4 faizdən 1,1 faizə salındığını bildirib.
