PAYLAŞ
Florensiya

Gəzməli – Görməli

İtaliyaya gedib, oranın mədəniyyəti ilə bir neçə gün ərzində tanış olmaq mümkün deyil. Təkcə, YUNESKO qeydiyyatında olan 47 heykəl, saysız-hesabsız muzeylər, Adriatik dənizinin sahilləri və təbii ki, üzüm bağlarını görmək bir həftənizi alacaq. Sizə İtaliyanın ən görməli yerlərini və şəhərlərini təqdim edirik.

TURİN
Turin

İtaliyanın avtomobil paytaxtı, FIAT şirkətinin vətəni, 2006-cı il “Qış Olimpiya Oyunları”-nın təşkilatçı şəhəri. Turin- tarixi yerləri, muzeyləri gəzməyi sevən insanlarla yanaşı, şoppinq etməyi sevənlər üçün də əla yerdir. Burada Milanda olan bütün brend mağazalarına rast gələ bilərsiniz, sadəcə növbəsiz və səs-küysüz. Ən əsası burada qədim xristian relikti olan – Turin kəfəni ilə tanış ola bilərsiniz.

Getməli olduğunuz yer: San-Lorenzo kilsəsi. Burada həmin kəfənin surəti ilə tanış ola bilərsiniz.

VENESİYA
Venesiya

Çoxsaylı reytinqlərə görə, planetin ən romantik şəhəri, Venesiya karnavalının vətəni, “Qızıl şirin” məskəni. Çoxları Venesiyaya tanış olarkən burada San-Marko meydanında göyərçinləri yemləyir, kiçik qayıqlarla suda hərəkət edir. Lakin buradakı tarixi abidələri, ustaların bazarlarını və parmezan sarayını yaddan çıxarmaq olmaz.

Getməli olduğunuz yer: San-Marko meydanı, Müqəddəs Varnava kilsəsi (İndiana Johns filminin bir hissəsi burada çəkilib), Harry’s Bardır.

MİLAN
Milan

Dünya dəbinin paytaxtı, brend maqazinlər və butiklərin vətəni, vitrinlərində “Saldi” yazaraq böyük endirim vəd edən mağazaları. Şoppinq həvəskarları üçün əsl cənnət məhz Milandı. Lakin Milan təkcə “Gucci” və “Versace”dən ibarət deyil. Burada siz Da Vinçinin “Sonuncu şam yeməyi” freskasına saatlarla tamaşa edə, məhşur opera səhnəsi olan La Skalaya baş çəkə bilərsiniz.

Getməli olduğunuz yer: Vittorio Emanuele II qalereyası, Monza avtodromu və butiklərlə zəngin olan “qızıl dördbucaqlı” ərazisi.

ROMA
Roma

Romanı bir neçə günə gəzib qurtarmağı ağlınıza belə gətirməyin. Ona görə Romaya gedərkən turları əvvəldən planlaşdırmaq lazımdı. İlk dəfə üçün sizə “Roma küçələri ilə piyada” turunu məsləhət görürük. Bu tur özündə Romanın ən görməli 15 yerini cəmləşdirir.

Getməli olduğunuz yer: Əsas ticarət küçəsi olan Via del Korso, Kolizey, Romanın tarixini təqdim edən 5D “Zaman lifti” atraksion
FLORENSİYA
Florensiya

Şəhər intibah dövrün incəsənətinin sevərləri və şərab dadından doymayanların məkanıdır. Buradakı “Uffizi” qaleraysı dünyanın ən zəngin qalereyalarından biri sayılır. Florensiyanın üzüm bağlarında isə daima şərabların dequstasiyası və yeni şərabların təqdimat mərasimləri keçirilir. Əgər siz bu şəhərə ilk dəfə gedirsinizsə, sizə özündə şəhərin ən gözəl yerlərini cəmləşdirən “Florensiya küçələri ilə piyada” turunu seçməyi təklif edirik.

Getməli olduğunuz yer: San-Lorenzo bazarı, Santa-Maria-de-Floriya soboru, Gilli.

PALERMO
Palermo

Sicilya paytaxtında insanlar sakit şəhər həyatını sürürlər. Bura səs-küysüz, qalmaqalsız şəhərdir. Burada sakitcə şoppinq etmək, gözəl parklarda gəzərək, gördüyünüz hər bir fonta bir neçə qəpik ataraq arzularınızın həyata keçməsini diləmək sizin xatirələrinizdə uzun müddət qalacaq.

Getməli olduğunuz yer: Marionet kuklalar muzeyi, təzə balıq bazarı, Kapusinlərin katakombaları.