Pakistanın hava fəzası vətəndaş aviasiya reysləri üçün yenə açıqdır. Uçuşlara olan məhdudiyyətlər Pakistan höküməti tərəfindən fevralın sonunda Hindistanla münaqişənin eskalasiyası fonunda tətbiq edilmişdi.
“Hindustan Times”-a istinadla bildirir ki, məhdudiyyətlərin qaldırılması barədə Pakistanın Vətəndaş Aviasiya İdarəsi elan edib.
Xatırladaq ki, fevralın 26-ı Hindistan HHQ Pakistanda olan və daha əvvəl Hindistan ərazisindəki 45 nəfərin tələfatı ilə nəticələnmiş terrakta görə məsuliyyəti üzərinə götürmüş “Caiş-e-Məhəmməd” (“Məhəmmədin ordusu”) qruplaşmasının düşərgəsinə zərbə endirmişdi. Bu hadisə növbəti gündən iki ölkənin münaqişəsinin kəskinləşməsinə səbəb oldu.
