Səyahət həvəskarları üçün ən yaxşı yerlərin siyahısı hazırlanıb. 25 yerin daxil olduğu siyahı 30 rusiyalı jurnalist, bloqer və ekspert arasında aparılan sorğu əsasında tərtib olunub. Onlar getdikləri və getmək istədikləri ən cəlbedici yerləri açıqlayıblar.
“Hər istiqamətdə ən minimal qiymətlər göstərilib (misal üçün, iyunda yeddi gün səyahət müddəti götürülüb) və Moskvadan uçmaq üçün ən minimal müddət, viza əldə edilməsi və ölkələrin dil bilikləri nəzərə alınıb”, – deyə məlumatda bildirilib.
Siyahıda 15-ci yeri Bakı tutub.
“Bakı. Futbol sevənlər üçün burada Avropa Liqasının finalı keçiriləcək. İki sutkaya plaskart vasitəsilə və ya təyyarə ilə çata bilərsiniz.12,2 min rubldan başlayan qiymətlərlə”.
Reytinqdə ilk üç yeri Baykal, Yaponiya və İspaniyanın şimalındakı Qalisiya bölgəsi, son yerləri isə Venesiya, Hindistanın Hampi vilayəti və Çili tutub.
