SOVETİ ÖZÜNDƏ QORUYUB SAXLAYAN ŞƏHƏR

GƏZMƏLİ MİNSK ŞƏHƏRİ

Minsk hər zaman gəzməli ölkələr siyahısında ön sıralarda gedir. Əsasəndə şəhərin təmiz və gülərüz xalqı ilə ünsiyyət etmək insana xoş hisslər yaradır.

Bu qədər təmiz-səliqəli küçələri və qayda-qanuna riayət edən, dəqiq insanları nə zaman bir arada gördüyümü xatırlamıram. Öyrəşmədiyimiz qədər enli küçələri, geniş avtomobil yolları və təmizliyi ilə yadımda qaldı Minsk. 1 milyon 959 min nəfər sakini var.  Və bu insanların heçbiri yerə zibil atmır, tüpürmür, yol hərəkatı qaydasını pozmur.

SİZCƏ DƏ ÇOX GƏZMƏLİ DEYİLMİ?

Bəlkədə elə buna görədir ki, Minsk də özümü digər Avropa şəhərlərindəki kimi rahat hiss etmirdim. İçimdə bir narahatlıq var idi. Ancaq küçələrdə gəzməkdən və hər anı fotoaparatımın yaddaşına həkk etməkdən yorulmurdum. Əsasəndə bu parkda göl üzərində qayıq sürmək, insanların sənə müsbət reaksiyası Minsk şəhərini bir daha gəzməli görməli yerlər olduğunu sübut edir.

MƏDƏNİ SÜRÜCÜLƏR, QAYDA QANUNA RİAYƏT EDƏN PİYADALAR…

Minsk İkinci Dünya Müharibəsi zamanı Almaniyanın işğalına məruz qalıb, 80 faizi dağıdılıb. Çox çox sonralar özünə gəlməyə başlayıb. Demək olar bütün binaları yenidən tikilib. Bəlkədə, bu qədər gözəl şəhər salmanın sirri də bundadır… Geniş avtomobil yollarını yolboyu uzanan yaşıl parklar müşayiət edir. Sürücülərin mədəni olduğu qədər, piyadalar da qayda-qanuna riayət edəndirlər. Qaldığım müddətdə birdəfə olsun maşın yoluna çıxan piyada, piyadaya siqnal verən sürücü görmədim. Bəlkə də istirahət günləri olduğundan şəhərd əmaşınlar az idi. Nə bilmək olar – deyib, özümüzə təsəlli verək.

BELARUSYA – GEDİLMƏSİ GƏRƏKƏN ÖLKƏ

Vitebsk, Brest, Gomel, Mogilev, Grodno və paytaxt Minsk olmaqla 6 hissəyə ayrılıb Belorusiya. Qüsursuz şəhərsalma, ətraf kənd və qəsəbələri, müasir arxitektura örnəkləri və müasir dizaynlı parkları, meşələrlə əhatələnmiş, gedilməsi və gəzilməsi gərəkən ölkələrdəndir.

Sovetdənqalan küçə və dükanadları, Minskin səliqəsi tipik Avropa şəhəri düzəninə bənzəmir. Bu şəhər hələ də Sovet İttifaqını özündə qoruyub saxlayıb. Adicə küçə və dükanların adları çox şey deyir: “Lenin”, “K.Marks”, “Kommunistiçeskaya”…

Avropa şəhərlərinin hüzurlu havası sanki burada yoxdur. Şəhəri gəzərkən içində bir narahatlıq hiss edir insan. Hətta internet də, televiziya kanallarında xəbərlərdən gördüyümüz Şimali Koreyanı xatırladır.

MİNSKDƏ İNTERNET ÇƏTİNLİYİ

İnternet demişkən, şəhərdə yerləşən kafelərdə, ictimai yerlərdə pulsuz internet şəbəkəsinə bildiyimiz qaydada daxilolmaq olmur. İnternetə qoşulmaq istəyənin yerli mobil nömrəsi olmalıdır. Öncə mobil nömrəni daxil etməli, sonra sənə“sms”-lə göndərilən şifrəni qeyd edib,internetə qoşulmalısan. Eynən İstanbulun hava limanlarındakı kimi…Yerli insanların fikrincə, bu qayda vətəndaşları nəzarətdə saxlamaq üçün hələ 1994-cü ildən Lukaşenko hakimiyyəti tərəfindən qoyulub. Ötən ildənsə internet dövlət tərəfindən xüsusi nəzarətə götürülüb. Belorusiyada yaşayanlar internet brauzerlərində istifadəsi mümkün olan “İnkoqnito” opsiyasından da məhrumdular.

 ŞƏHƏRİN GÖRMƏLİ YERLƏRİ

25 mərtəbəli, nəhəng almaza bənzəyən milli kitabxanaya mütləq getmək lazımdır. Burada 14 milyondan artıq kitab var. Bundan əlavə, “Aleksandrovsky” və “Oktyabrskaya”  meydanları, “FrancyskaSkaryny” küçəsi, hökumətbinası, mədəniyyət sarayı, Beynəlxalq Tarixvə Mədəniyyət Muzeyi, “MüqəddəsRuh” Katedralı, “Aleksandr Nevsky” kilsəsi, “TraetskaePradmestse” bölgəsi, “GözyaşlarıAdası” – bunlar hamısı görülməli, gözəl yerləridir.

BAKIDAN MİNSKƏ NECƏ, NEÇƏYƏ GEDƏ BİLƏRİK?

Bakıdan Minskə Ukrayna və Azərbaycan Hava Yolları avia şirkətləri ilə gedə bilərsiniz. Gediş-dönüş qiymətləri təxminən 180-400 avro arası dəyişir. Mən Rusiya hava yolları ilə tranzit olaraq Moskva üzərində giriş etdim. Tək gediş 1 nəfərə 220 azn oldu. Qarşılığında Moskva şəhərinidə 12 saatlıq gəzmək şansımız yarandı. Çox yox, bir dəfə bu şəhərdən yolunuzu sala bilərsiniz. Şəhəri gəzməyə 2-3 gün kifayətdir. Məsələn, bir həftəsonunu burada keçirməyə nə deyirsiz? Hava limanından şəhər mərkəzinə təxminən 42 kilometrdir. Azərbaycandakı kimi taksiyə minmədən öncə mütləq qiyməti danışmalı, bacardığın qədər endirməlisən. Yoxsa, mənzil başına çatanda söyləyəcəyi qiymətə məsuliyyəti mən daşımıram. Yada Uber proqramı vasitəsi ilə ordan taksi çağırıb, ödənişidə kart hesabınızdan ödəyə bilərsiniz.

Viza məsələsinə gəlincə, Minsk Hava Limanından Belarusya ya giriş edən ölkədə 5 gün vizasız qalabilər. Girişin məhv Minsk Hava Limanından olması mütləqdir. Amma mən Moskva şəhərindən giriş etdiyimiz üçün mənə vizanı Moskvada verdilər. İşin maraqlısı onda idiki, mən Minsk şəhərinə giriş etdiyim zaman pasport kontrolu olmadı. Sonradan, bildimki Moskva üzərindən Minsk şəhərinə giriş edildiyi zaman pasport baxışı olmur, Moskvanın viza girişi Minskdədə keçərli oldu. Minskdən çıxış etdiyim zaman isə mənə Moskvada verdikləri kağız vərəqi vizanı təqdim etməyimi istədilər. Yaxşı ki, tullamamışdım. Əgər Moskva üzərindən Minskə giriş edəcəksinizsə sizə vizanı Moskvada verəcəklər. Həmən viza 30 günlük müddətində həm Rusiyada, həmdə Belarusyada qalmağa kömək edəcəkdir.