Bu gecədən etibarən rayonlara gediş-gəliş açılır. karantin postları ləğv olunur. Avtobuslar istisna olmaqla fərdi avtomobillər və taksilərin hərəkətinə qadağa aradan qaldırılır. Yay mövsümü keçsə də bu yumşalmlar hələ də məzuniyyət planlarını təxirə salan, rayonlarda dincəlmək üçün qadağaların ləğvini gözləyənlərə müəyyən imkanlar yaradır. Turizm sektorunun nümayəndələri də hesab edir ki, qərar bu sahədə müəyyən canlanmaya gətirib çıxaracaq. Artıq turizm şirkətləri də iş başına qayıdıb.
Fariz Hacıyevin sözlərinə görə, bu il hotel və istirahət mərkəzlərinin qiymətlərində ötən ilki ilə müqayisədə təxminən 30 faiz ucuzlaşma müşahidə edilir.
Dövlət Turizm Agentliyi və Turizm Bürosu tərəfindən sanitariya və gigiyena qaydalarına əməl olunmasının effektivliyini təmin edir. Turizmin rəqabət qabiliyyətinin artırılması məqsədiilə xüsusi proqram – SAHMAN yaradılıb.
Qeyd edək ki, Nazirlər Kabineti pandemiya dövründə mehmanxanaların fəaliyyətinin təşkili Qaydalarında dəyişiklik edib. Sabahdan etibarən 48 saat ərzində COVID-19 testinin nəticəsinin neqativ olması barədə arayışı olmayan, xəstəlikdən sağalmış lakin testinin nəticəsinin neqativ çıxması tarixindən 14 gün keçməyən, koronaviruslu xəstələrlə təmasda olduğuna görə, özünütəcrid rejimində olan qonaqların mehmanxanaya qəbul edilməməsi ilə bağlı tələb ləğv olunur.
