Sentyabrın 8-də rayonlara gediş-gəliş açıldıqdan sonra daxili turizmdə canlanma müşahidə edilir. Şəxsi avtomobillər, taksilərlə rayonlara istirahətə üz tutanların sayı kifayət qədərdir.
Lakin avtobuslarla sərnişindaşımaya qadağa qoyulması, qrup turlarının təşkil oluna bilməməsi səyahət qiymətlərinə təsirsiz ötüşməyib.
Fariz Hacıyev təklif edir ki, turzmin dirçəldilməsi üçün həftə sonları yalnız turizm şirkətlərinin turları olmaqla avtobusların Bakıdan çıxışına icazə verilsin. Onun sözlərinə görə, tur avtobuslarının hansı qaydada aparılması, bütün sanitar-gigiyenik qaydalar Dövlət Turizm Agentliyi tərəfindən aylar öncədən artıq hazırlanıb.
Qaydalara görə, Bakıdakı ictimai nəqliyyatdan fərqli olaraq, tur avtobuslarında yalnız ümumi tutumun yarısına icazə veriləcək ki, bu da öz növbəsində daha təhlükəsiz səyahət deməkdir.
Turizm şirkəti avtobus turlarına icazə ilə bağlı Dövlət Turizm Agentliyinə müraciət edib.
Agentlikdən isə REAL-a bildirdilər ki, qurum məsələ ilə bağlı təkliflərini hazırlayıb. Aidiyyatı dövlət strukturları ilə müzakirələr aparılır.
