PAYLAŞ
Kurort

Türkiyənin hakimiyyət orqanları ölkənin cənub-qərbində yerləşən Muğla əyalətində baş verən meşə yanğınları ilə bağlı vəziyyətin nəzarət altında olduğunu bildirirlər. Alov yaşayış məntəqələrinə və Egey dənizi sahillərində yerləşən populyar turist kurortlarına heç bir təhlükə yaratmır.

Bu barədə RİA Novosti agentliyinə istinadla xəbər verir.

Havanın yüksək hərarəti və güclü külək Türkiyənin Muğla əyalətində meşə yanğınlarına səbəb olub. Hakimiyyət orqanlarının məlumatına görə, yanğının alışma mənbələrinin əksəriyyəti söndürülüb, hazırda yaşayış məntəqələri və kurortlar üçün heç bir təhlükə yoxdur.

Turizm infrastrukturuna ziyanın dəyməsi halları qeydə alınmayıb. Canlı təbiətin bir hissəsi məhv olub. Biz buna görə çox təəssüflənirik. Payızda Muğla əyalətində yeni meşələr salınacaq”, – deyə Türkiyənin Kənd və Meşə Təsərrüfatı naziri Bəkir Pakdəmirli bəyan edib.

Türkiyənin Egey dənizi sahillərindəki kurortları üçün yanğın təhlükəsinin olmaması barədə məlumatı turoperatorlar da təsdiqləyir. Onların məlumatına görə, turistlərin maksimal narahatlığı yanıq iyi və tüstü ola bilər ki, bu da yalnız güclü külək vasitəsilə uzaq məsafəyə yayılır.

İstirahət edənləri otellərdən köçürmürlər. Bütün infrastruktur adi rejimdə işləyir, ekskursiyalar planlaşdırılan qrafik üzrə aparılır.