Ev Gəzməli yerlər Yerin altındakı qəsəbə

Yerin altındakı qəsəbə

Yerin altında üstündən də fərqli məkan

Avstraliya

Düşünün ki, yeraltı bir qəsəbədə yaşayırsınız və ya belə bir yerə səyahət etmisiniz.Və qəsəbədə normal yaşayış üçün hər cür şərait var. Əslində təsəvvürümüzdə belə bir yeri canlandırmağa ehtiyac yoxdur. Bu cür qəsəbə onsuz da mövcuddur. Həm də Cənubi Avstraliyada…

Kuber-Pedi

Kuber-Pedi dünyanın ən quru qitəsində qupquru bir qəsəbədir. Bu qəsəbə opal daşı paytaxtı hesab edilir. Qəsəbə burada opal kəşf edildikdən sonra qurulub. Mədən işçiləri bölgəyə yerləşəndən buranın iqlimi ilə əlaqədar çox əziyyət çəkiblər. Bu səbəbdən də yer qazmağa və dözülməz istilərdən qorunmaq üçün evlərini yerin altında inşa etməyə başlayıblar. Bununla da yeraltı qəsəbə yaranıb. Qəsəbənin sakinləri evlərini ənənəyə uyğun olaraq yerin altında tikirlər. Çünki günəşli günlərdə burada 40 (hətta daha çox) dərəcə isti olur.

Kuber-Pedi

Kuber-Pedi qəsəbəsi 1980-ci ildən məşhurlaşmağa başlayıb. İlk dəfə 1981-ci ildə burada otel inşa edilib və həmin ildən qəsəbənin şanını eşidənlər bura axın etməyə başlayıb. Turistlər gecələmək üçün mağara otel və evlərə üstünlük verirlər.

Kuber-Pedi

Qəsəbə yerin üstündəki mini qolf meydançası ilə də məşhurdur. Bu meydançadan gündüzün yandırıcı istilərində istifadə edə bilməsələr də axşamları mütləq qolf oynayırlar.

Kuber-Pedi