Yunanıstanda və ya yunan adalarında gəzməli yerlər
Yunanıstanın gəzməli yerləri çox olsa da, onları tapmaq insanlar üçün elə də çətin olmur. Burada ilin 250 günü günəşli olur. Yunanıstan zəngin tarixi və mədəniyyəti ilə hər il milyonlarla turist cəlb edən bir ölkədir. Təbiətdə insana heyran edə biləcək bütün gözəlliklər var. Bu qədim sivilizasiyanın möcüzəli ölkəsi dünyanın bir çox tarixi abidələri ilə məşhurdur.Yunanıstan həmçinin qiymət və keyfiyyətinə görə ən yaxşı turizm ölkələrindən biridir. Bu ölkədəki ciddi iqtisadi böhranlara baxmayaraq, statistika göstərir ki, turistlər daimi Yunanıstana səfər edirlər. Həmçinin Avqust ayının 45 dərəcə istisində də qışın soyuğunda da bu ölkə turistlər tərəfindən ziyarət edilir…
Yunanıstan Çimərlikləri
Yunanıstan adaları yayın son günlərini keçirmək üçün ən yaxşı yerdir. Bu ölkədə yüzlərlə adalar var. Maori onun qumlu çimərliklərinə görə, Avropada ilk və Yunanıstanda ən yaxşı çimərlikdir. Mykonos adasında Psaru çimərliyi dünya ulduzlarının burada istirahət etdiyi ən məşhur yerdir. Yunanıstanın bütün sahilləri sosial və azaddır. Öz çiməriliyinizdə də rahatlayaraq günəş şüalarını qəbul eliyə bilərsiniz və sizin sahildə öz çimərlik ləvazimatlarınızdan istədiyiniz qədər istifadə etmək haqqınız var. Heç kimin sizə mane ola bilməz.
Əgər pulunuza qənaət etmək istiyirsinizsə mərkəzdən uzaqlaşaraq Santorini və Mykonos’dan başqa adalarada səyahət edə bilərsiniz. Başqa yerlərdə qiymətlər nisbətən ucuzdur. Əlbəttə ki, başqa adalara getmək üçün feribot lazımdır amma bunun əvəzində siz daha çox təcrübə qazanacaqsınız. Hava limanından nə qədər uzaq olsanız həyatınız daha rəngli olacaqdır.
Yunanıstanda qala biləcəyiniz münasib qiymətə otellər.
Əgər lüks otellər axtarırsınızsa, gündə 50 və 60 avroya mənzərəli və ya dağ görünüşlü iki nəfərlik otaq tapa bilərsiniz. Doğru seçim tapmaq elə də çətin deyil. Daha yaxşı seçimlər üçün Tilosa və Eristos kimi çimərliklərin otellərinə baxa bilərsiniz. Bu çimərliklərdə elə yerlər var ki, qalmaq üçün pulsuz yerlər təklif edilir. Yaz aylarında cütlüklər və hətta uşaqları olan ailələr bu pulsuz xidmətdən istifadə edərək bir ay bu evlərdə yaşayırlar. Çünki burada, dünyanın ən yaxşı mənzərələrini sonsuza qədər izləmək mümkündür. Gündüz gömgöy dəniz, gecə isə dənizdə işıq saçan, dənizi aydınlatan ulduzlu səma və ayın möhtəşəm görünüşü sizi gözləyir.
Və o möhtəşəm şəkil
Tarixə səyahət
Deyə bilərəm ki, Yunanıstan arxeoloqlar üçün bir cənnətdir. Bu ölkənin hər yerində tarix var. Hansı şəhərə gedirsiniz gedin, hansı məhəlləni gəzirsiniz gəzin burada tarixlə üz-üzə qalacaqsınız. Dünyanın ən böyük muzeylərindən biri Afinada yerləşir. Yeri gəlmişkən muzeylərə giriş biletlərinin qiyməti də o qədər yüksək məbləğdə deyil.
Tarixi yerləri ziyarət etmək istəyən turistlər, əlbəttə ki, Akropolu görməyi üstün tuturlar. Akropol, Afinanın tarixi əraziləri arasında xüsusi bir yerə sahibdir və bu, dünyanın hər yerində estetiyin simvolu olaraq qəbul edilir və şəhərin xüsusiyyətini artırır. Qədim sivilizasiya və müasirlik arasında bir körpü rolunu oynayan Akropol və arxeoloji muzeyi münasib qiymətə gəzə bilər və Yunanıstanın tarixini ən incə detallar ilə araşdıra bilərsiniz.
Akropol Afinanın mərkəzində yerləşir. 156 metr hündürlüyə çatır və 3 min illik tarixə malikdir. Bura keçmiş Afinanın dövlət və dini mərkəzi sayılırdı. Əgər Yunanıstana səyahət etmisinizsə buranı ziyarət etməyi unutmayın. Akropolu gəzəndə özünüzü Aristotellə fəlsəfi problemləri müzakirə edən edən tələbələr kimi hiss edəcəksiniz. Akropolun əhəmiyyətini artıran amillər sırasında Panfeon Afina və Erection məbədlərini qeyd etmək lazımdır.Onlar Dünya memarının nadir inciləridir. Yunan memarının ən böyük əsəri hesab olunan Panfeon məbədində istifadə olunan heykəl nümunələri, yunan sənətinin ən yüksək zirvəsi hesab edilir.
Yunan şərabı
Yunan tanrısının vətəninə gəlib onun şərabının dadına baxmamaq olmaz 🙂 Biraz yunan içkilərindən danışaq. Yunan içkiləri dünyada çox məşhurdur. Ən məşhur və ucuz şərab Reçinadır. Daha sonra şərab sevərlərə “Carras Porto” və ya “biblia chora” şərablarını təklif etmək olar. “Metaxa” isə ən məşhur yunan alkoqol içkisidir.
Yunan musiqisi
Yunan musiqisi təbiəti kimi, insana müalicə təsiri bağışlıyır və unudulmaz bir zövq verir. Hər yay Halkidiki yarımadasında Yunanıstanın ən böyük musiqi festivalı keçirilir. Buradakı həm etnik yunan, həm caz, həm də klassik musiqi şəhərin yorucu səs-küyünü sizə unutduracaqdır.
Yunan mətbəxi
Yunanıstanı səyahət edərkən onun mətbəxi ilə də tanış olursan. Bildiyimiz kimi yunanıstanın ən məşhur yeməyi yunan salatıdır. Onun hazırlanmasının sirri isə tazə tərəvəzlər və zeytun yağıdır. Yunan salatını yol kənarında, kafe, restoranlar daxil olmaqla hər yerdə tapa bilərsiniz. Digər məşhur yunan yeməkləri caciki (qatıq, sarımsaq və xiyar), moussaka və souvlakidir (kakab). Əgər bahalı lüks bir yerdə şam yeməyi yemək istiyirsinizə onda Mykonos adasına gedin. Belə ki, psarou sahilindəki “Nammos” restoranı ölkənin ən lüks yeri sayılır. Ümumiyyətlə, yunan mətbəxində onlar tez-tez tərəvəz və zeytun yağından istifadə etdikləri üçün yeməkləri çox faydalıdır. Burada müxtəlif balıq növləri də dadmaq mümkündür.
Yunanıstanın gəzməli yerləri haqqında hələ ki, deyəcəklərim bu qədər. 🙂
