turizm

Şimali Afrikanın üç ölkəsi – Misir, Tunis və Mərakeşin COVID-19 pandemiyası dövründə turizm sektorunun fəaliyyətini bərpa etməsi risklidir.

AZƏRTAC xəbər verir ki, bu barədə Avropa İnvestisiya Bankının (EIB) son hesabatında bildirilib.

Qeyd olunub ki, iqtisadiyyatları turizm gəlirlərindən asılı olan ölkələr pandemiya dövründə daha dərin böhrana məruz qalıblar. Lakin hazırkı şəraitdə beynəlxalq turizmin bərpa edilməsi yeni növ koronavirusun daha çox yayılmasına səbəb ola bilər.

Hesabatda bildirilir ki, Şimali Afrika ölkələrində turizm sektorundan əldə olunan gəlir ümumi daxili məhsulun 20-40 faizini təşkil edir. Ümumilikdə əhalinin gəliri az və orta səviyyədə olan ölkələrin 25 faizi, yüksək gəlirli dövlətlərin isə 56 faizi pandemiya səbəbindən ciddi böhranla üzləşib. Misir Avropa İttifaqının Cənub Tərəfdaşlığı Proqramına daxil olan ölkələr arasında ciddi iqtisadi böhran yaşayan ölkələr sırasında yer alıb. Demək olar ki, humanitar fəlakətin yaşandığı Livan isə ən dərin böhran keçirən ölkədir. Bundan başqa, Mərkəzi Asiyada iki ölkə – Qırğızıstan və Tacikistan da ən dərin böhranla üzləşən ölkələr kateqoriyasına daxil edilib.

Bankın hesabatında bildirilir ki, Afrika və Sakit okean ölkələrinin yarıdan çoxu COVID-19 pandemiyası səbəbindən ağır iqtisadi problemlərlə qarşılaşıb.

BIR CAVAB BURAXIN

şərhinizi daxil edin!
Buraya adınızı daxil edin