Azərbaycan iqtisadi göstəricilərinə görə “US News and World Report” jurnalının reytinqində 61-cidir

ABŞ-ın “US News and World Report” jurnalının tərtib etdiyi reytinqdə Azərbaycan iqtisadi göstəricilərinə görə 61-ci pillədə qərarlaşıb. Ölkəmiz əvvəlki reytinqlə müqayisədə mövqeyini 9 pillə yaxşılaşdırıb.

AZƏRTAC “US News and World Report”a istinadla xəbər verir ki, reytinqin tərtibatçıları siyasi, iqtisadi, sosial, mədəniyyət, turizm və digər sahələr olmaqla 20 parametr üzrə təhlillər aparıblar.

Azərbaycan “Biznesə başlamaq” reytinqində 5 pillə irəliləyərək 57-ci yerə çıxıb. “Sahibkarlığın inkişaf səviyyəsi” üzrə siyahıda isə 11 pillə yüksələrək 64-cü yerdə qərarlaşıb.

Reytinq “US News & World Report”, “BAV Consulting” konsaltinq şirkəti və Pensilvaniya Universiteti tərəfindən tərtib olunub.

Xatırladaq ki, 2016-cı ildəki reytinqdə Azərbaycan 60 ölkə arasında 53-cü, 2017-ci ildə 80 ölkə arasında 69-cu, 2018-ci ildə 64-cü, ötən il isə 70-ci yeri tutub.