Ev Turizm Xəbərləri CAREC ölkələri vahid turizm məkanının yaradılması məsələsini müzakirə ediblər

CAREC ölkələri vahid turizm məkanının yaradılması məsələsini müzakirə ediblər

CAREC

Fici Respublikasının paytaxtı Suva şəhərində keçirilən Asiya İnkişaf Bankının (AİB) Rəhbərlər Şurasının 52-ci İllik Toplantısı çərçivısində Mərkəzi Asiya Regional və İqtisadi Əməkdaşlıq Proqramı (CAREC) regionunda turizmin dayanıqlı inkişafına dair müzakıirələr aparılıb.

AİB-dən  verilən məlumata görə, müzakirələr zamanı CAREC ölkələrindəki iqtisadi dəhlizlərə əlavə olaraq turistlər üçün açıq dəhlizlər yaradılmasının vacibliyi qeyd edilib. Turistik səyahətlər üçün vahid məkanın yaradılması təklifi irəli sürülüb.

CAREC ölkələri regional turizmin inkişafı üçün birgə səy göstərməlidirlər“, – deyə göruş zamanı AİB-in Mərkəzi və Qərbi Asiya Departamentinin baş direktoru Verner Lipak bildirib.

Qeyd edək ki, CAREC katibliyi 2018-ci ildə CAREC-in 2030-cu ilədək strategiyası çərçivəsində “Regional turizm əməkdaşlığının təşviqi” araşdırmasını aparıb.

Xatırladaq ki, CAREC AİB-in Mərkəzi Asiyada regional əməkdaşlığa dair dəstəklədiyi təşəbbüsdür. Onun icrasına 1997-ci ildə başlanılıb. Hazırda bu proqram nəqliyyat, ticarət siyasəti və energetika sahələrini əhatə edir. CAREC Proqramı ilə Beynəlxalq Valyuta Fondu, Dünya Bankı, Avropa Yenidənqurma və İnkişaf Bankı, İslam İnkişaf Bankı və BMT-nin İnkişaf Proqramı sıx əməkdaşlıq edir.

CAREC-ə üzv olan ölkələr sırasında Azərbaycan, Əfqanıstan, Qazaxıstan, Çin, Qırğızıstan, Monqolustan, Pakistan, Tacikistan, TürkmənistanÖzbəkistan yer alır.