Ev Turizm Xəbərləri Avropanın cırtdan ölkəsi-San-Marino

Avropanın cırtdan ölkəsi-San-Marino

San Marina

San-Marino İtaliyanın Emiliya Romanya bölgəsində Adriatik Dənizi sahilindən 10 kilometr qərbdə yerləşir, ölkənin tək qonşusu İtaliyadır.

Paytaxtı Monte-Titano üzərindəki San-Marino şəhəridir.

San-Marino Avropada Vatikan və Manakodan sonra ən kiçik ölkədir.

San Marinonun ordusu da dünyanın ən kiçik ordularındandır və cəmi 225 əsgəri vardır. Ordunun vəzifəsi sərhədlərin patrul keşiyini çəkmək, hökumət binalarını qorumaq, cinayətkarları tutmaqda polisə kömək etmək və ölkəni müdafiə etməkdir. San Marinonun 700 nəfərlik şəxsi heyəti olan polisi var.

San Marino çox partiyalı, demokratiya ilə idarə olunan bir demokratik respublikadır. Dövlət başçısı iki nəfərdən ibarət kapitan-qəyyumlardır. Bu kapitanlar hər 6 aydan bir baş tutan seçkilərlə yenilənir. Kapitan seçkiləri Böyük Şurada reallaşır. Böyük Şuranın 60 üzvü 5 illik sərbəst seçkilər ilə seçilirlər. İdarəedici qüvvə hökumətdir. Məhkəmə sistemi müstəqildir.

Ölkə Avropanın ən köhnə konstitusiyası olan 1600 illik tarixli bir konstitusiyaya malikdir. İcra vəzifəsini iki kapitan yerinə yetirir. Bu sistem 1243-cü ildə formalaşıb. Dünyada ən çox qadın dövlət başçısı görmüş ölkədir.

San-Marino mətbəxi İtalyan mətbəxi ilə oxşardır. Xüsusilə Emilia-Romanya bölgəsinin mətbəxinə bənzəyən San-Marino mətbəxinin ən xüsusi yeməyi şokoladlı kekslərdir. Həmçinin ölkə kiçik bir şərab sənayesinə də malikdir.

San-Marino turizmdə böyük inkişaf yolu qət edib . Ölkənin ümumdaxili gəlirinin 50% ni turizm təşkil edir. San Marinonu hər il 4 milyondan çox insan ziyarət etməkdədir. Bu il isə buranı ziyarət edənlərin sayı pandemiya səbəbindən xeyli azalıb.

San-Marino əhalisinin əhəmiyyətli bir hissəsi əkinçiliklə məşğul olmaqdadır. Ölkə kənd təsərrüfatı sektorunda ən çox pendir və şərab istehsal edir. San Marinonun çap etdirdiyi pullar və markalar kolleksiyaçılar tərəfindən rəğbət görür. Ölkə Kiçik Avropa Məktub Birliyinə üzvdür.