Ev Turizm Xəbərləri Dubay Hava Limanında işlər iqtisadi böhran səbəbindən dayandırılıb

Dubay Hava Limanında işlər iqtisadi böhran səbəbindən dayandırılıb

Dubay Hava limanı

Birləşmiş Ərəb Əmirliklərində (BƏƏ) illik 250 milyondan artıq sərnişin tutumu ilə dünyanın ən böyük hava limanlarından biri kimi dizayn edilmiş Dubaydakı “ElMektum” Beynəlxalq Hava Limanındakı genişləndirmə işləri, Körfəz Ərəb ölkələrindəki iqtisadi problemlər səbəbindən dayandırılıb.

“Marja” “Bloomberg” ə istinadən xəbər verir ki, Dubaydakı “El-Mektum” Beynəlxalq Hava Limanındakı genişləndirmə işləri, Körfəz bölgəsindəki iqtisadi durğunluq səbəbindən dayandırılıb.

BƏƏ-nin Emirates Hava Yolları üçün 36 milyard dollarlıq nəhəng mərkəz olması planlaşdırılır. Hava limanının ilk mərhələsinin başa çatdırılması üçün nəzərdə tutulan müddət 5 il təxirə salınıb.

Dubay Hava Limanları müdriyyətindən bildiriblər ki, uzunmüddətli planların nəzərdən keçirilib. Detalların hələ müəyyənləşdirilmədiyi bildirilib.

Regional gərginliklər və aşağı neft qiymətləri səbəbilə Dubay iqtisadiyyatı keçən il 1,9% ilə qlobal tənəzzülün yaşandığı 2009-dan bu yana ən aşağı artım sürətinə çatmışdı. Turizm sektoru 2017-ci ildən bəri sakitliyini davam etdirir. Bununla yanaşı, Emirates Hava Yollarının da Airbus-dan alacağı A-380 təyyarələrin sifarişlərini nəzərdən keçirmək qərarı verdiyi bildirilir.