İlon Maskın SpaceX şirkətinin kosmik turizm layihəsinə start verəcəyi tarix bəlli olub.
TED.az xəbər verir ki, ilk turistik səfər gələn ilin ortlarına planlaşdırılıb. Qeyd edək ki, SpaceX indiyədək kosmosa insan göndərməyib. Amma İ.Mask bu faktı dəyişdirməkdə, eləcə də sözügedən sahədə Amerika Birləşmiş Ştatlarının Rusiyadan asılılğına son verməkdə israrlıdır. İşlər yolunda getdiyi təqdirdə qarşıdakı aylarda Crew Dragon kosmik raketi ilə Beynəlxaq Kosmik Stansiyaya (BKS) astronavt göndəriləcək. Daha sonra isə layihə çərçivəsində kosmik turizmə start veriləcək. Axiom şirkəti ilə ortaq şəkildə aparılan layihədə iştirak edəcək üç nəfərdən biri artıq bəllidir.
Hazırda bu istiqamətdə testlər həyata keçirilir. Əgər layihə aş tutsa ortaq şirkətlər ciddi gəlir əldə edə biləcəklər. Çünki gəzinti hər turist 55 milyon dollara başa gələcək. NASA isə BKS-də keçirilən hər gecə üçün adambaşına 35 min dollar istəyir. Səfərin 10 gün davam edəcəyi nəzərdə tutulur.
