Rafiq Abbasov: Mədəniyyət və təhsil mübadiləsi istiqamətində Azərbaycan-Çin əməkdaşlığının geniş perspektivləri var
“Regional İnkişaf” İctimai Birliyi macəra turizminin inkişafı ilə bağlı yeni layihəyə start verib
Heydər Əliyev Fondunun “Regional İnkişaf” İctimai Birliyi (RİİB) ölkədə macəra turizminin inkişafı, dağçılıq və ekstremal idman növlərinə marağın artırılması məqsədilə yeni layihənin icrasına başlayıb.
Fonddan APA-ya verilən xəbərə görə, Azərbaycan Respublikasının Gənclər Fondunun dəstəyi ilə “Vətənimdə qarış-qarış” layihəsi keçirilir. Layihə çərçivəsində macəra turizminə marağı olanların təlimatlandırılması, turizmin bu növü üçün əlverişli regionlarda yeni marşrutların müəyyən edilməsi həyata keçiriləcək. Turistlərin təhlükəsiz hərəkətinin təmini məqsədilə həmin ərazilərdə istiqamətləndirici nişan və məlumat lövhələrinin yerləşdirilməsi nəzərdə tutulur.
İsmayıllı rayonundan başlayan layihə çərçivəsində Sulut kəndi ərazisindəki Fit dağında yerləşən, XVII-XVIII əsrlərə aid “Buzxana” və “Qırxotaq əfsanəsi” abidələrinin marşrutu üzrə istiqamətləndirici nişan və məlumat lövhələri yerləşdirilib.
Layihə zamanı macəra turizminə marağı olan 30-dan çox gəncin həmin abidələrə yürüşü təşkil edilib. Peşəkar dağçılar yürüşdən əvvəl və yolboyu iştirakçılara dağ idman növləri haqqında məlumat verilib. İlkin tibbi yardım, ekstremal vəziyyətlərə psixoloji hazırlıqlar görülüb.
Layihənin respublikanın digər regionlarında da həyata keçirilməsi nəzərdə tutulur. Hazırda macəra turizmi üçün əlverişli bölgələrdə yeni marşrutların müəyyən edilməsi istiqamətində araşdırmalar aparılır.
Misir səfiri: “Bakı-Şarm-əş-Şeyx reysinin açılmasından sonra Azərbaycandan turist axını artıb”
“Bakı-Şarm-əş-Şeyx birbaşa reysinin açılmasından sonra Azərbaycandan Misirə turist axını artıb. İndi Azərbaycandan olan turistlər bütün il boyu Misir günəşi altında istirahət edə biləcəklər. Bu amil ölkələrimiz arasındakı turizm əlaqələrinin möhkəmləndirilməsində böyük rol oynayır”.
Bunu Misirin Azərbaycandakı səfiri Adel İbrahimiki ölkə arasında turizm sahəsində əməkdaşlığa dair mətbuat konfransında jurnalistlərə açıqlamasında deyib.
Səfir həmçinin qeyd edib ki, əvvəlki illərdə olduğu kimi, bu il də turistlərin təhlükəsizliyi ən yüksək səviyyədə qorunur.
Bu reys üzrə azərbaycanlı müştərilərə xidmət göstərən turoperatorun nümayəndəsi Rəvan Qulamlının sözlərinə görə, gələn yaydan etibarən Bakı-Şarm-əş-Şeyx marşrutu ilə uçuşların həftədə 2-3 dəfə edilməsi planlaşdırılır.
Qeyd edək ki, hazırda bu istiqamətdə uçuşlar həftədə 1 dəfə həyata keçirilir.
Səfir Adel İbrahim: Misirdə turistlərin təhlükəsizliyi ən yüksək səviyyədə qorunur
Bakı-Şarm-əş-Şeyx birbaşa reysinin açılmasından sonra Azərbaycandan Misirə turist axını artıb. Hazırda Azərbaycandan olan turistlər bütün il ərzində Misir günəşi altında istirahət edə biləcəklər. Bu, ölkələrimiz arasındakı turizm əlaqələrinin möhkəmləndirilməsində böyük rol oynayır.
Bu fikirləri Misirin Azərbaycandakı səfiri Adel İbrahim sentyabrın 23-də iki ölkə arasında turizm sahəsində əməkdaşlığa dair mətbuat konfransında deyib. Səfir qeyd edib ki, əvvəlki illərdə olduğu kimi, bu il də turistlərin təhlükəsizliyi ən yüksək səviyyədə qorunur. Diplomat Misirin turizm bölgələrini ziyarət etmək arzusunda olan, qədim Misir mədəniyyəti ilə tanış olmaq istəyən turistlərin istəyini nəzərə alaraq ölkəsinin azərbaycanlı turistləri hər mövsümdə qəbul etməyə hazır olduğunu qeyd edib.
Bu reys üzrə azərbaycanlı müştərilərə xidmət göstərən turoperatorun nümayəndəsi Rəvan Qulamlı deyib ki, gələn yaydan etibarən Bakı-Şarm-əş-Şeyx marşrutu ilə uçuşların həftədə 2-3 dəfə həyata keçirilməsi planlaşdırılır.
Qeyd edək ki, hazırda bu istiqamətdə uçuşlar həftədə 1 dəfə həyata keçirilir.
AVRO-2020-nin Fan Zonaları ilə bağlı seminar keçirilib
Rumıniyanın paytaxtı Buxarestdə AVRO-2020-nin oyunlarına ev sahibliyi edəcək 12 şəhərin Fan Zonalarının “Kreativ seminar”ı təşkil olunub.
“Report” xəbər verir ki, tədbirdə AVRO-2020-nin Bakı Fan Zonası üzrə meneceri Nigar Qasımova və Bakı Turizm İnformasiya Mərkəzinin direktoru Rüfət Bağırov iştirak edib.
Seminarda 12 ev sahibi şəhərin Fan Zona üzrə planları təqdim olunub, “Ev sahibi şəhərlər arasında körpüləri necə qurmaq olar?” mövzusunda müzakirələr aparılıb. Həmçinin Buxarestin Fan Zonasının məkanı iMapp tədbirində ictimaiyyətə elan olunub.
Qeyd edək ki, Avropa çempionatının 60 illiyi ilə əlaqədar olaraq, yarış ilk dəfə 12 iyun – 12 iyul 2020-ci ildə 12 müxtəlif ölkədə və 24 komandanın iştirakı ilə keçiriləcək. AVRO-2020-nin matçları Bakı ilə yanaşı, London (İngiltərə), Münhen (Almaniya), Sankt-Peterburq (Rusiya), Roma (İtaliya), Kopenhagen (Danimarka), Buxarest (Rumıniya), Amsterdam (Hollandiya), Dublin (İrlandiya), Bilbao (İspaniya), Budapeşt (Macarıstan) və Qlazqo (Şotlandiya) şəhərlərində təşkil ediləcək. Qrup mərhələsinin 3, 1/4 final mərhələsinin isə 1 oyunu Bakı Olimpiya Stadionunda keçiriləcək. 68700 nəfərlik arenada matçlar keçiriləcək. Müvafiq olaraq 13 iyun, 17 iyun, 21 iyun və 4 iyulda olacaq.
TBİLİSOBA FESTİVALI TURU – Go Travel
ŞOK ŞOK ŞOK !!!
Endirimin beləsini görməmişdiniz.
• TBİLİSOBA festivalına qoşulmaq istəyənlər üçün bundan daha əla fürsət ola bilməz ?
• TBİLİSOBA FESTİVALI TURU ?
• Tarix: 04-07 oktyabr (2 gün-1 gecə)
• Turun qiyməti: 59 AZN
● Qiymətə daxildir:
• Komfortlu nəqliyyat
• Oteldə səhər yeməyi
• Oteldə gecələmə
• Ekskursiyalar :
TBİLİSİ və MTSXETA şəhər gəzintiləri
• Festivalda iştirak
• Fotosessiya
• Tur rəhbəri
● Qeyd:
• Qiymət 2 və 3 nəfərlik otaqlarda bir nəfər üçün nəzərdə tutulmuşdur
• Hər ailədən 5 yaşa qədər bir uşaq pulsuz iştirak edə bilər
• Start: 4 oktyabr 21.30 Toplanış (gənclik metrosu yaxınlığı)
• Finiş: 7 oktyabr 06.00-07.00 (gənclik metrosu yaxınlığı)
● Ətraflı məlumat və qeydiyyatdan keçmək üçün: 070-264-60-30
Turizm sahəsində ölkələrarası əməkdaşlıq genişlənir
Sentyabrın 20-də Pekin şəhərində Azərbaycan Turizm Bürosu və ümumilikdə 400 milyon istifadəçisi olan Çinin “Ctrip” və “Qyer” onlayn platformaları arasında əməkdaşlığa dair anlaşma memorandumu imzalanıb.
Dövlət Turizm Agentliyindən Cebhe.info-ya verilən məlumata görə, memorandumun imzalanmasında məqsəd Çin bazarına yönəlmiş turizm məhsullarını ortaq əməkdaşlıqla inkişaf etdirməkdir. Azərbaycana səfər edən Çin vətəndaşlarının sayını artırmaqdır.
İmzalanma mərasimində çıxış edən Azərbaycan Turizm Bürosunun baş icraçı direktoru Florian Zenqstşmid bu haqda məlumat verib. Çinin turizmi üçün böyük potensialı mövcuddur.
O diqqətə çatdırıb ki, 2018-ci ildə Çindən Azərbaycana 13 min nəfər gəlsə də, təkcə bu ilin avqust ayının sonunadək bu say 17 min nəfər təşkil edib və bu tendensiya artmaqdadır.
Xatırladaq ki, Azərbaycan Turizm Bürosu sentyabrın 16-dan 21-dək Çinin Şanxay, Quançjou və Pekin şəhərlərində silsilə təqdimatlar keçirib.
“Azerbaijan-China Roadshow on Travel Trade” adlı tədbirdə Azərbaycandan 12, Çinin hər üç şəhərindən ümumilikdə 250-ə yaxın turizm şirkəti iştirak edib.
Turizmin müxtəlif istiqamətləri üzrə ixtisaslaşmış təşkilatlar arasında B2B (Biznesdən-biznesə) formatlı görüşlər keçirilib. İkitərəfli görüşlər zamanı mümkün əməkdaşlıq imkanları qiymətləndirilib. Gələcək tərəfdaşlıq üçün qarşılıqlı fikir mübadiləsi aparılıb.
Qeyd edək ki, 2018-ci ilin dekabr ayından etibarən Çinin Pekin şəhərində Azərbaycan Turizm Bürosunun rəsmi nümayəndəliyi fəaliyyət göstərir.
Portuqaliya əlilliyi olan insanlar üçün əlçatan turizmə görə mükafat almış ilk ölkədir
Dünya Turizm Təşkilatının (UNWTO) “Əlçatan turizm istiqaməti” adlı mükafatına layiq görülmüş ilk ölkə Portuqaliya olub.
AZƏRTAC Portuqaliya İqtisadiyyat Nazirliyinə istinadla xəbər verir ki, Portuqaliya əlilliyi olan insanlar üçün əlçatan turizmin təşkilinə görə xüsusi mükafata layiq görülmüş yeganə ölkədir. Mükafat ilk dəfə bu il UNWTO tərəfindən təqdim ediləcək.
Təşkilatın hesablamlarına görə, təkcə Avropada mobilliyə xüsusi ehtiyacı olan 90 milyon turist var. Buna görə də Portuqaliya turizmin əlyetərliliyi sahəsində lider kimi öz namizədliyini irəli sürməyi planlaşdırır. Fiziki imkanları məhdud olan insanların məsələləri üzrə dövlət katibi Ana Sofiya Antunes deyib: “Hökumət Portuqaliyanı həqiqətən inklüziv ölkəyə çevirməyə yönəlmiş addımlar atıb. Artıq geriyə yol yoxdur”.
Azərbaycanın turizm potensialı barədə seminar yaponiyalı iş adamları tərəfindən maraqla qarşılanıb
Tokionun “Bunkyo Civic Center” mərkəzində “Cross Border Club” şirkətinin və Azərbaycan-Yaponiya Dostluq Cəmiyyətinin birgə təşkilatçılığı ilə ölkəmizin turizm potensialı mövzusunda növbəti seminar keçirilib.
Seminara Yaponiyanın müxtəlif şəhərlərindən gəlmiş iş adamları qatılıb. “Cross Border Club”ın baş meneceri Kazuyasu İşida, Azərbaycan-Yaponiya Dostluq Mərkəzinin icraçı direktoru, agentliyin Yaponiyadakı xüsusi müxbiri Vüqar Ağayev ölkəmizin turizm potensialı barədə məlumat veriblər.
Əvvəlcə iştirakçılara Azərbaycanda sosial-iqtisadi sahədə əldə edilən uğurlar, müasir turizm obyektləri və burada yaradılan şərait barədə danışılıb. Qeyd edilib ki, Azərbaycan rəhbərliyinin turizm sahəsində həyata keçirdiyi çoxsaylı layihələr var. Ölkəmizdə bu sahəni dünya standartları səviyyəsinə qaldırıb. Ölkəmizdə təbii vasitələrlə müalicə yolu ilə xidmətlər təklif edən turizm müəssisələri barədə də məlumat verilib. Həmin müəssisələr sırasında nadir xüsusiyyətləri ilə seçilən Naftalan İstirahət və Sağlamlıq Mərkəzi və Naxçıvan “Duzdağ” Fizioterapiya Mərkəzi xüsusi qeyd olunub.
Qeyd edilib ki, iki ölkə arasında turizm inkişaf etdirilməlidir. Xüsusən də tibbi turizmin inkişaf etdirilməsi barədə layihənin həyata keçirilməsi istiqamətində iş uğurla davam etdirilir. Mərkəzin icraçı direktoru V.Ağayevin ötən yay Azərbaycana səfəri zamanı Naftalan İstirahət və Sağlamlıq, Naxçıvan “Duzdağ” Fizioterapiya mərkəzlərinin, o cümlədən “Duzdağ” otelinin rəhbərliyi ilə görüşərək həmin müəssisələrə yapon turistlərin səfərlərinin təşkili barədə müzakirələr apardığını diqqətə çatdırıb. Qeyd edilib ki, qarşı tərəfin nümayəndələri bu təklifə böyük maraqla yanaşaraq əməkdaşlığa hazır olduqlarını bildiriblər.
Seminarda Azərbaycanın digər ərazilərinin, xüsusən cari ildə 70 illiyini qeyd edən Sumqayıt şəhərinin turizm potensialı barədə də məlumat verilib. Qeyd edilib ki, yubiley ərəfəsində böyük abadlıq və quruculuq işlərinin aparıldığı Sumqayıt əcnəbi turistlərin sevimli əyləncə və istirahət mərkəzlərindən birinə çevrilib.
Azərbaycanın turizm potensialının təbliği ilə bağlı işin davam etdirildiyini qeyd edən K.İşida bu məqsədlə prodüseri olduğu WITV internet televiziyasında xüsusi verilişin hazırlandığını da deyib. Həmin verilişdə Sumqayıt şəhərinin sənaye və turizm potensialı barədə də ətraflı məlumatlar yapon tamaşaçıların diqqətinə çatdırılacaq.
Seminarda, həmçinin azərbaycanlı turistlərin Yaponiyaya səfəri çərçivəsində tibbi müayinənin təşkili ilə əlaqədar yapon tərəfinin apardığı iş barədə də məlumat verilib. “Mars consulting” şirkətinin meneceri Matsuşita Kazutsuqu bu haqda məlumat verib. O bildirib ki, azərbaycanlı turistlərin Tokionun ən müasir texnoloji avadanlıqla təchiz edilmiş səhiyyə müəssisələrində müayinədən keçməsi barədə razılaşma artıq əldə edilib.
Seminarda qarşılıqlı maraq doğuran digər məsələlər ətrafında da müzakirələr aparılıb.
Dubayda payız tədbirlərinə start verilir
