Bütün əmlakını satıb dörd ay öncə İngiltərədən yola çıxan səyyah cütlük – Endi Devidson və Alissa Petter Bursaya gəlib.
10 il ərzində dünyanı gəzməyi planlaşdıran ər-arvad motosikletlə Fransa, Almaniya, Slovakiya kimi ölkələri gəziblər.
İndiyədək 5 min kilometr yol qət edən cütlüyün növbəti hədəfi Azərbaycandır. Onlar Azərbaycandan sonra Gürcüstan, Özbəkistan, Qazaxıstana da getməyi planlaşdırır.
Danimarkanın mərkəzində öz qayda-qanunları olan, özü yetişdirib və satan “xoşbəxt” insanların qurduğu Christiania qəsəbəsi var. Bu qəsəbə 45 ildir ki Kopenhagendə dimdik durmağı bacarır. Bu özünəməxsus qəsəbədə hər şey bizim öyrəşdiyimiz dünyadakı qayda-qanundan fərqlidir. Pahoo ilə birlikdə bu qəsəbəyə virtual səyahət etməyə nə deyirsiniz?
1971-ci ildə hippilərin və işsiz gənclərin tərk edilmiş hərbi əraziyə yerləşməsi ilə yaranıb. Bir müddət sonra istədiyi şeyləri edə biləcəkləri bohem həyat tərzi yaradıblar.Qəsəbənin girişində “Avropa Birliyi torpaqlarını tərk edirsiniz” yazısı asılan yerin öz bayrağı, hətta “Lon” adlı valyutaları belə var.
Bütün evlər Graffiti ilə rənglənib. Hətta zibil maşınları belə qəsəbənin tərzinə uyğunlaşıb.
Gündüz istehsal ilə məşğul olan insanlar, axşamları birlikdə əylənirlər. Qəsəbəyə dünyanın hər yerindən sənətkarlar, musiqiçilər gəlir. Axşamüstü gəzintiyə çıxanda hər küncdən fərqli musiqi alətlərini eşitmək mümkündür.
Qəsəbə qanunlarına görə avtomobil istifadəsi qadağan olunub. Burada sadəcə ekologiyaya zərərsiz nəqliyyat vasitələrinə icazə var.
Vətəndaşların vergi ödəmək məcburiyyəti yoxdur. Bundan başqa silah istifadəsi, kokain, metanfetamin kimi maddələr də istifadə etmək olmaz.
Ancaq marixuana tamamilə sərbəstdir. Əsas gəlir mənbəyi turistlər olan qəsəbənin dərzi, market, restoran kimi yerlərdən əldə edilən gəliri də ortaq kassaya toplanılır.
Bütün qərarlar ortaq məclisdə verilir. Christiania’da yaşayan hər kəs iclasda iştirak edə bilir. Oğurluq edən adam qeyd-şərtsiz qəsəbədən uzaqlaşdırılır.
Danimarka höküməti bir neçə dəfə buranı yığışdırmaq istəsə də, çox sərt üsyanla qarşılaşdığı üçün reallaşdıra bilməyib və 45 illik qəsəbə öz varlığını davam etdirir.
Misirin paytaxtı Qahirədə 19-cu əsrdə ortalığa çıxarılan və DNT testləri nəticəsində III Ramzesin oğlu olduğu təsdiqlənən mumyanı sərgiyə çıxarıblar.
Mumyanı digərlərindən fərqləndirən isə yaxşı mühafizə olunması və ağrıdan qışqırırmış kimi görünən üz ifadəsi ilə başqalarını təəccübləndirməsidir.
Misir Tarixi Əşyalar Nazirliyinin nümayəndələrinin açıqlamasına görə, “Məchul E.” Adlanan mumya Nil çayının qərb sahillərində məzarların yanında basdırılmış formada tapılıb. Eyni bölgədəki digər mumyalar ağ parçaya bükülüb qorunsa da, “Qışqıran mumya” qoyun dərisinə bükülmüş halda tapılıb.
1886-cı ildə kəşf olunan mumyanı incələyən tarixçilər Ramzesin oğlunun e.ə 1186-ci və 1155-ci illər arasında yaşadığını və həmin tarixlərdə zəhərlənərək öldürüldüyünü bildirib.
Sonrakı illərdə inkişaf edən texnologiya vasitəsilə mumyanın asılaraq öldürüldüyü və Ramzes ilə eyni DNT-ləri daşıdığı isbat olunub.
Tarixçilər mumyanın Kraliça Tayın oğlu olduğunu və anası ilə birlikdə atası III Ramzesə sui-qəsd etmək istədiyini bildirib. Bir çox tarixçiyə görə, Ramzes bu sui-qəsd nəticəsində ölüb.
“Qışqıran mumya”nın Şahzadə Pentavör olduğunu bildirən alimlər, mumyanın asıldıqdan sonra qoyun dərisinə bükülməsinin səbəbini onun aşağılanması və təhqir olunması üçün edildiyini bildirib.
Gəzməli – Görməli
İtaliyaya gedib, oranın mədəniyyəti ilə bir neçə gün ərzində tanış olmaq mümkün deyil. Təkcə, YUNESKO qeydiyyatında olan 47 heykəl, saysız-hesabsız muzeylər, Adriatik dənizinin sahilləri və təbii ki, üzüm bağlarını görmək bir həftənizi alacaq. Sizə İtaliyanın ən görməli yerlərini və şəhərlərini təqdim edirik.
İtaliyanın avtomobil paytaxtı, FIAT şirkətinin vətəni, 2006-cı il “Qış Olimpiya Oyunları”-nın təşkilatçı şəhəri. Turin- tarixi yerləri, muzeyləri gəzməyi sevən insanlarla yanaşı, şoppinq etməyi sevənlər üçün də əla yerdir. Burada Milanda olan bütün brend mağazalarına rast gələ bilərsiniz, sadəcə növbəsiz və səs-küysüz. Ən əsası burada qədim xristian relikti olan – Turin kəfəni ilə tanış ola bilərsiniz.
Çoxsaylı reytinqlərə görə, planetin ən romantik şəhəri, Venesiya karnavalının vətəni, “Qızıl şirin” məskəni. Çoxları Venesiyaya tanış olarkən burada San-Marko meydanında göyərçinləri yemləyir, kiçik qayıqlarla suda hərəkət edir. Lakin buradakı tarixi abidələri, ustaların bazarlarını və parmezan sarayını yaddan çıxarmaq olmaz.
Dünya dəbinin paytaxtı, brend maqazinlər və butiklərin vətəni, vitrinlərində “Saldi” yazaraq böyük endirim vəd edən mağazaları. Şoppinq həvəskarları üçün əsl cənnət məhz Milandı. Lakin Milan təkcə “Gucci” və “Versace”dən ibarət deyil. Burada siz Da Vinçinin “Sonuncu şam yeməyi” freskasına saatlarla tamaşa edə, məhşur opera səhnəsi olan La Skalaya baş çəkə bilərsiniz.
Romanı bir neçə günə gəzib qurtarmağı ağlınıza belə gətirməyin. Ona görə Romaya gedərkən turları əvvəldən planlaşdırmaq lazımdı. İlk dəfə üçün sizə “Roma küçələri ilə piyada” turunu məsləhət görürük. Bu tur özündə Romanın ən görməli 15 yerini cəmləşdirir.
Şəhər intibah dövrün incəsənətinin sevərləri və şərab dadından doymayanların məkanıdır. Buradakı “Uffizi” qaleraysı dünyanın ən zəngin qalereyalarından biri sayılır. Florensiyanın üzüm bağlarında isə daima şərabların dequstasiyası və yeni şərabların təqdimat mərasimləri keçirilir. Əgər siz bu şəhərə ilk dəfə gedirsinizsə, sizə özündə şəhərin ən gözəl yerlərini cəmləşdirən “Florensiya küçələri ilə piyada” turunu seçməyi təklif edirik.
Sicilya paytaxtında insanlar sakit şəhər həyatını sürürlər. Bura səs-küysüz, qalmaqalsız şəhərdir. Burada sakitcə şoppinq etmək, gözəl parklarda gəzərək, gördüyünüz hər bir fonta bir neçə qəpik ataraq arzularınızın həyata keçməsini diləmək sizin xatirələrinizdə uzun müddət qalacaq.
Xoşbəxt insanlar
Əlbəttə, bunun əsas səbəbi kimi həmin ölkələrdə yaşayış səviyyəsinin çox yüksək olmasını göstərmək düzgündür. Lakin skandinavlara xas bir neçə xüsusiyyət də var ki, bu ölkələrin insanlarının xoşbəxtliyinə birbaşa təsir edir. Bir sözlə, onları birləşdirən bir neçə xoş xüsusiyyət mövcuddur. Bu gün sizə məhz həmin xüsusiyyətlərdən yazacağıq.
Skandinaviya ölkələrində Yante adlanan qanun var – bu qaydalar insanlar arasında olan münasibətlərin tənzimlənməsində böyük rol oynayır. Bu qaydalara əsasən, insan özünü heç vaxt digərlərindən ağıllı hesab edib, təvazökarlıqdan əl çəkməməli, başqalarını alçaltmamalıdır. Skandinavlar özləri bəzən bu qanuna gülsələr də, əslində bu qaydalar onların cəmiyyətində dostyana atmosferin yaranmasına, sülh içində yaşamalarına çox böyük kömək edir. Bundan əlavə, bu qaydalar insanları boş lovğalıqdan da qoruyur.
Skandinavlar çox yaxşı bilir ki, həm ailəyə, həm də işə kifayət qədər vaxt ayırmaq lazımdır. Danimarkada bir çox ofislər artıq saat 5-də bağlanır və heç kim artıq iş görməyə məcbur edilmir. Həftəsonu işə çıxmaq barədə isə ümumiyyətlə söhbət gedə bilməz. Norveçdə isə bu yaxınlarda 6 saatlıq iş günü qüvvəyə mindi. Bu cür olduqda, həm effektivlik azalmır, həm də insanlar öz ailələri ətrafında xoş vaxt keçirmək üçün vaxt tapır.
Danimarkalıların “hygge” deyə çox maraqlı bir sözləri var – bu sözün mənası doğma ocağın, evin rahatlığı ilə yanaşı, həm də yaxınlarınla ünsiyyətdən yaranan istilikdir. Bu, bəzən şam işığında və ya kaminin yanında ailənin yığışması, şirin-şirin söhbətləşməsi anlarında baş verir. “Hygge” – rahatlıq, dəstək və yaxınlarının diqqətidir.
Malin Rudal “Danimarkalı kimi xoşbəxt olmaq” kitabında öz xalqının xoşbəxtlik sirrini paylaşır. Burada əsas olaraq, insanın istəklərinin reallığa uyğun olması, ambisiyalarının düzgün formalaşdırılmasını göstərir. Düşündükdə özünüz də əmin olacaqsınız ki, bir çox hallarda öz istəklərinizdə reallıqdan kənara çıxdığınız üçün məyus olmusunuz.
İSPANİYADAKI BU QƏSƏBƏYƏ BÖHRAN DA TƏSİR ETMƏYİB
“Avro böhranı” İspaniyaya da təsir edib. İşsizlik, yoxsulluq artıb. Ancaq İspaniyadakı bir qəsəbəyə bütün bunların heç bir təsiri olmayıb.
Türkiyə KİV-ləri yazır ki, hər şeyin yerli demokratiya və icma prinsipləri ilə idarə edildiyi Marinaleda qəsəbəsi “yeni bir utopiya”ya səfərin ünvanıdır.
Polisin, cinayətin və işsizliyin olmadığı, “Sosialist utopiya” olaraq xarakterizə edilən İspan qəsəbəsi ilə tanış olun…
İspaniyanın cənubunda Endülüs qəsəbəsi olan Marinaledada işsizlik yoxdur. Qəsəbə kənd təsərrüfatı kooperativləri sayəsində iqtisadi baxımdan da rifah içində yaşayır.
Marinaleda qəsəbəsində icmanın qurulması 1980-ci ilə gedib çıxır. Madriddə yaşayan bir aristokrata aid torpaqlarda gündəlik olaraq çalışan Marinaledalı əkinçilər “Tarlalarda kim çalışırsa, tarlalar onundur” deyərək onun ictimailəşdirilməsi üçün hərəkətə keçirlər.
1250 hektarlıq tarlaların ictimailəşdirilməsini tələb edən kəndlilərin aclıq tətilləri, nümayişləri, yürüşləri və digər yollarla mübarizəsi illərboyu davam edib.Çünki, gündəlik çalışmaq onlar üçün köləlikdən başqa bir şey deyildi. Aldıqları məvacib dolanışıqlarını təmin etməyə çatmadığı kimi, yaşanılmaz halda olan yerlərdə qalmaq məcburiyyətində idilər.
Qərarlı mübarizənin nəticəsində Endülüs region hökuməti 1991-ci ildə torpaqları aristokrattan alaraq ictimailləşdirir və Marinaleda kəndlilərin qurduğu kooperativə təhvil verilir.
Bu gün 2 min 600 əhalisi olan Marinaledadakı evlərin divarlarında çoxlu sayda şüar yer alır. Şüarlardan ən çoxu da “utopiyaya səfər” yazılıb. Bir divarda isə “Sərmayəyə qarşı ictimai döyüş” – sözləri yazılıb. Bələdiyyənin emblemində isə “Sülhə gedən bir utopiya” – yazılır.
Monasterio San Isidoro Santiponce Spain – Polisin, cinayətin və işsizliyin olmadığı kommunist qəsəbəsi
Marinaledada toplantıların keçirilməsi üçün istifadə edilən binaya “Xalqın evi” adı verilib və binanın girişində “Başqa bir dünya mümkündür” sözləri yazılıb. Pensiyaçılar, qadınlar boş zamanlarını bu binada həyata keçirilən mədəni və sosial fəaliyyətlərə sərf edirlər. Özəl mülkiyyətin olmadığı, tarlaların ictimaiyyətə məxsus olduğu Marinaledada bütün qərarlar xalqın qatıldığı toplantılarda qəbul edilir. Yəni, 100 faiz yerli demokratiya işləyir. Nə qədər vergi veriləcəyinə, əldə edilən çox gəlirin necə xərclənəcəyinə də bu yığıncaqlarda qərar verilir.
Bələdiyyə başçısı Sánchez Gordillo burada yaşayan insanların çox pula ehtiyacı yoxdur deyir. Bir çox yerdə mənzil kreditləri və yüksək kirayə problemləri yaşanarkən Marinaledada mənzil problemi də çoxdan həllini tapıb. 70 illiyinə kirayəyə götürülən evlər üçün aylıq 15 avro ödəyirlər. Qonşu kəndlərdə isə kirayə haqqı təqribən 500 avrodur
Yəqin ki, çox az adam bilir ki, Avropada elə dövlətlər var ki, Azərbaycan vətəndaşları həmin ölkələrə vizasız gedə bilərlər. Həmçinin bu ölkələr turizm xidmətlərinin ucuzluğu ilə də seçilir. Ölkə vətəndaşlarının vizasız gedə biləcəyi ölkələr isə Makedoniya, Albaniya, Monteneqro, Bosniya və Herseqovinadır.
Qeyd edək ki, bu ölkələr keçmiş Yuqoslaviyanın parçalanmasından sonra yaranıb. Məlumat üçün bildirək ki, Azərbaycan vətəndaşları Monteneqroya yalnız yay aylarında vizasız səfər edə bilərlər.
Azərbaycanlıların Avropada vizasız gedə biləcəkləri ölkələrə səyahət qiymətlərini təqdim edir.
Paytaxt Skopyeyə səfər zamanı şəhərin müasir tikililəri ilə yanaşı, tarixi yerlər ilə də tanış olmaq olar. Belə ki, paytaxt Skopyedə Makedoniya meydanı, daş körpü, döyüşçü abidəsi, saat qülləsi – “Saat Kula”ya da tamaşa etmək mümkündür. Bundan başqa, Skopye qalası və qədim Çarşiya bazarına da tamaşa etmək olar. Skopyeyə gediş-gəliş aviabileti 800 manatdan bir qədər baha başa gələcək.
Skopyedə qonaqlamaya gəlincə isə Makedoniya paytaxtında 4 ulduzlu hotellərdə qonaqlama 110-120 manatdan başlayır. Qiymətlərə səhər yeməyi də daxildir. 2-1 ulduzlu və ya ulduzsuz hotellərdə qiymətlər bir qədər də ucuz olur. Adətən, belə mehmanxanalarda nömrədə qonaqlama qiymətləri 80-90 manata və ya bir qədər də ucuz olur.
Skopyedə hostellərə gəlincə, paytaxtın mərkəzi küçələrində yerləşən bir neçə otaqlı hostellərdə 18-53 manat ödəməklə gecələmək mümkündür. Məlumat üçün bildirək ki, əgər turizm şirkəti ilə adıçəkilən ölkəyə 3 gecə, 4 günlük turpaket sifariş etsəniz, bu zaman 1 nəfər üçün 671 dollar ödəmək lazım olacaq.
Bir nəfərin iyun ayında Saraevo şəhərinə gedib-gəlməsi üçün 921 manat ödəmək lazım olacaq.
Saraevo şəhəri qərblə şərqin qovuşduğu şəhərlərdəndi. Belə ki, şəhərin şərq hissəsi Osmanlı imperiyası zamanı tikilmiş tikililərlə zəngindir. Şəhərin qərb hissəsi isə Avstriya-Macarıstan imperiyası vaxtı tikilən tarixi tikililərlə zəngindir.
Tirana şəhərinə gediş-gəliş bileti üçün 934 manat ödəmək lazım olacaq.
Tiranada çoxlu sayda parklar var. Bundan başqa, şəhərdə tarixi abidələrə də baş çəkmək olar. Belə ki, şəhərdə Zəngli saray, Kafedral sarayı və Süleyman Paşaya həsr olunmuş abidə var.
Məlumat üçün bildirək ki, əgər turizm şirkətlərinin birinin xidmətlərindən yararlanmaq qərarına gəlsəniz, 718 dollar ödəməklə Albaniyada 3 gecə, 4 gün istirahət etmək olar.
Azərbaycanda ölkənin multikultural dəyərlərini özündə ehtiva edən halal turizm modeli yaradılıb.
Bu barədə Azərbaycan Standartlaşdırma İnstitutunun baş direktoru vəzifəsini icra edən Namiq Tağıyev bu gün “Turizm ekskursiya xidmətləri. Halal idarəetmə sistemi. Mehmanxanalar” standartının tətbiqinə həsr olunan tədbirdə bildirib.
Son zamanlar müsəlman ölkələrindən çoxsaylı turistlərin gəldiyini institut rəsmisi “Turizm ekskursiya xidmətləri. Halal idarəetmə sistemi. Mehmanxanalar” standartının tətbiqinin də məhz bu zərurətdən irəli gəldiyini söyləyib.
Onun sözlərinə görə, “Turizm ekskursiya xidmətləri. Halal idarəetmə sistemi. Mehmanxanalar” standartı halal turizm xidmətlərindən biri olan halal xidmət göstərən mehmanxanalar başda olmaqla, istirahət mərkəzləri, motellər, digər mehmanxana tipli obyektlər üçün “Halal idarəetmə sistemi”ni əhatə edir.
Standartlarda müsəlman turistləri cəlb etmək məqsədilə onların halal prinsiplərinə uyğun olaraq, yaşayışının, qidalanmasının və asudə vaxtlarının səmərəli təşkili üçün tələblər öz əksini tapıb. Bu tələblərə uyğun fəaliyyət göstərən mehmanxanalarda alkoqol və donuz əti istifadə olunmur, yalnız halal prinsiplər əsasında hazırlanan yeməklər və şəxsi gigiyena vasitələri istifadəçilərə təqdim edilir. Həmçinin, kişilər və qadınlar üçün ayrıca su hovuzu, Spa xidmətləri göstərilir.
