Ev Blog Səhifə 52

Rusiyanın vəziyyəti çox ağır olacaq – Koronavirusa görə

0
Rusiya

Türkiyə

Qardaş ölkənin iqtisadiyyatının “anatomiyasına” baxanda görürük ki, Türkiyə qlobal virus böhranından ən çox itki görə biləcək ölkələrdən biri olacaq. Keçən il Türkiyə 180 mlrd. dollarlıq ixrac edib. İxracatda Avropanın payı 48%-ə yaxındı, ən çox ixrac Almaniyaya olunub. Avropada qeyri-ərzaq satışları durma nöqtəsinə gəlib. Türkiyənin ən çox ixracı məhz avtomobillər, məişət texnikası, geyim və tekstil məmulatlarıdır. Avtomobil ixracı tam dayanıb, hətta istehsalı da dayandıran şirkətlər var, tekstik istehsalı da durma nöqtəsinə gəlib, Avropa pal-paltar almır, yaxın həftələrdə də satışların bərpa olunması mümkün görünmür. Türkiyə iqtisadiyyatında ən böyük multiplikativ effektə malik olan sahə turizmdir – mövsümün pik dövründə ölkədə 11 mln. insan birbaşa, və ya dolayısı ilə turizm sektorunda çalışır. Sektor çöküb, mövsüm həmişə martda açılırdı, indi aprelə ertələnib, amma bu da mümkün deyil – bu il dünya üzrə turizm tam çökəcək, postvirus dövründə belə insanların səyahət fobiyasının qırılması aylar alacaq. Deməli, Türkiyədə həm ixrac, həm turizm ciddi çökmə yaşayacaq. Sərhədlərin bağlı olması aqrar sektora da təsir edib – meyvə-səbzə ixracı son 2 həftədə 60% azalıb. Aqrar sahədə də təqribən 8 mln. vətəndaş çalışırdı, logistika və pərakəndə satışı da qatsaq 10 mln. nəfər bu sahədə pul qazanırdılar. Türkiyənin digər lokomotiv sektoru olan tikinti sahəsi hələ ki, işini tam dayandırmayıb, amma satışlar dayanıb, xarici müştərilər daşınmaz əmlak alışını tam dayandırıblar. Daxili təlabat var, amma insanlar gözləmə mövqeyi tutub, heç kim əlində olan nəğd vəsaiti xərcləmək istəmir – çünki, böhranda “nəğd kraldır”. Bir sözlə, qardaş ölkədə bu il iqtisadiyyat ciddi daralacaq, lirənin dollar qarşısında məzənnəsi daha da aşağı düşəcək. Bir dolların 7,5 lirə olması mümkündür. Çünki ölkənin xidmət sektoru çox gec relsə düşəcək, əvvəlki qaydaya düşməsi aylar çəkəcək.

İran

Qonşu və tarixən bizə çox yaxın olan ölkədə pandemiyanın pik həddi hələ qarşıdadı, İrana qarşı sanksiyalar davam etdiyindən qonşu ölkədə iqtisadi fəsadlar daha ağırdır.

Son hesablamalara görə İranda işsiz insanların sayı ölkədə əmək qabiliyyətli insanların sayının 20%-nə çatıb. İranın daxili istehsalı primitiv də olsa var, hələ ki, daxili təlabatı pis-yaxşı ödəyə bilirlər. Əgər sanksiyalar götürülməsə İran iqtisadiyyatı bu ilin sonuna 30%-ə yaxın darala bilər, bu da çox böyük iqtisadi fəlakət sayılacaq. İşsizlik və qida çatışmazlığı yaxın aylarda ən böyük problem olacaq.

Rusiya

Şimal qonşumuzun ən böyük problemi tək neft-qazdan asılılıq, tək ucuzlaşan enerji daşıyıcıları qiymət deyil, əsas problem “kölgə iqtisadiyyatı”, qeydiyyatsız iş yerləridir. Orta və kiçik sahibkarların dəqiq sayı, dövriyyəsi bilinmir, iqtisadiyyatın strukturu primitivdir. Tək keçən həftə Rusiyanın valyuta ehtiyatları 29,5 mlrd. dollar azalıb – bu trend davam edəcək.

Virusla da bağlı Rusiyada pik nöqtə hələ qabaqdadır – hələ də 107 min Rusiya vətəndaşı xaricdən ölkəyə qayıtmağı gözləyir. Əksəriyyəti də virusun çox yayılmış ölkələrdən gəlirlər. Rusiyanın ənənəvi başıpozuqluğu, rusiyalıların intizamsızlığı hələ virusun nə qədər yayıldığını real rəqəmlərlə deməyə imkan vermir. Məncə, Rusiya virusun ən gec yayıldığı, beləliklə də ən gec virusdan qurtulacağı ölkə olacaq. Belə olsa, əgər Avropa və Çin virusa daha tez qalib gəlsələr bir müddət Rusiyanı izolyasiyada saxlayıb o ölkə ilə turist mübadiləsini saxlayacaqlar. Hətta iqtisadi münasibətlər də minimuma endirilə bilər – bunun üzərinə hələ uzun zaman aşağı səviyyədə qalacaq neft-qaz qiymətlərini də gəlsək Rusiyanın vəziyyəti çox ağır olacaq.

Koronavirusun turizm sektoruna təsirinin öyrənilməsinə dair müzakirələr aparılıb

0
Koronavirus

Koronavirusun turizm sektoruna təsirinin öyrənilməsinə dair müzakirələr aparılıb.

İqtisadiyyat Nazirliyininn mətbuat xidmətindən AZƏRTAC-a bildirilib ki, koronavirus (COVID-19) pandemiyasının turizm sektoruna təsirlərinin öyrənilməsi məqsədilə bu sahədə fəaliyyət göstərən sahibkarlıq subyektləri ilə müzakirələr aparılıb. İqtisadiyyat Nazirliyinin təşkilatçılığı, Dövlət Vergi Xidmətinin, Kiçik və Orta Biznesin İnkişafı, Dövlət Turizm agentliklərinin, Dövlət Məşğulluq Xidmətinin, Sahibkarlar Təşkilatları Milli Konfederasiyasının nümayəndələrinin iştirakı ilə videokonfrans formatında keçirilmiş müzakirələrdə turizmin də koronavirus pandemiyasınının neqativ təsirlərinə məruz qalan sahələrdən olduğu, o cümlədən daxili və xarici turist axınının azalması, əvvəlcədən sifariş verilmiş turların və otel sifarişlərinin ləğv olunması və digər müxtəlif tədbirlərin təxirə salınması səbəbindən sahibkarların itkilərlə üzləşdiyi qeyd edilib. Bu təsirlərin minimuma endirilməsi üçün çıxış yolları müzakirə edilib, təkliflər dinlənilib.

Sahibkarlara koronavirus infeksiyasının özəl sektora, o cümlədən turizmə təsiri minimuma endirilməsi üçün görülən işlərdən danışılıb. Nəzərdə tutulan tədbirlərin istiqamətləri barədə məlumat verilib. Müvafiq təkliflərin hazırlandığı bildirilib. Sahibkarlarla müzakirələr aparılıb. Özəl sektorun hazırkı şəraitdə sosial məsuliyyətinin daha da artırılmasının vacibliyi vurğulanıb. Bu baxımdan sahibkarlara işdən azad edilməyə, əməkdaşların ixtisarı hallarına yol verməmək, korporativ sosial məsuliyyət və ictimai həmrəylik nümayiş etdirmək tövsiyə olunub.

Çində iqtisadiyyatı dirçəltmək üçün 2,5 günlük həftəsonu tətili tətbiq olunacaq

0
Çin

Çində 2,5 günlük həftəsonu tətilinin tətbiqinə başlanılacaq.

Yeni növ koronavirus (COVID-19) epidemiyasının ölkə iqtisadiyyatına gətirdiyi tənəzzül fonunda atılan bu addımın məqsədi əhaliyə istirahət üçün daha çox vaxt ayrılmasını təmin etməkdir. Bununla da istehlakın təşviqinə nail olmaqdır. İlkin olaraq Çinin 3 vilayətində aprelin 1-dən 2,5 günlük həftəsonu tətili tətbiq ediləcək.

Ciansu vilayəti hökuməti istehlakın təşviqi məqsədilə plan da hazırlayıb. Bura bəzi turizm məkanlarına biletlərin qiymətində 50 faizlik endirimlərin tətbiqi, habelə müxtəlif təşkilatlar və şirkətlərin öz işçilərinə pulsuz səyahət vauçerləri verməsi də aiddir.

Vilayət hökumətinin açıqlamasında qeyd olunur ki, 2,5 günlük həftəsonu tətili işçilərə qısa müddətə səyahətə getməyə imkan yaradır. Bu da öz növbəsində turizm sektorunda istehlakı stimullaşdıracaqa. Nəticə etibarı ilə iqtisadiyyatın canlanmasına şərait yaradacaq.

Cıcian və Qansu vilayətlərinin rəhbərliyi də 2,5 günlük həftəsonu tətilinin iqtisadiyyatın dirçəlişinə dəstək olacağını düşünür.

Qeyd edək ki, Çin ictimaiyyətində, xüsusən də sosial şəbəkələrdə xeyli vaxtdır 2,5 günlük həftəsonu tətilinin tətbiqi ilə bağlı müzakirələr aparılırdı. COVID-19 infeksiyasının yayılması ölkədəki müəssisələrin, o cümlədən turizm və iaşə obyektlərinin, ticarət mərkəzlərinin böyük əksəriyyətinin bağlanmasına, nəticədə turizm və nəqliyyat da daxil olmaqla bir çox sektorda tənəzzülə səbəb olmuşdu. Son günlər Çində epidemioloji vəziyyətin yaxşılaşmasından yararlanan hökumət müxtəlif addımlarla iqtisadiyyatın dirçəlişinə dəstək verməyə çalışırlar.

Çin Turizm Akademiyasının hesabatına əsasən, ilin ilk rübündə daxili turizm dövriyyəsi ötən ilin eyni dövrü ilə müqayisədə təxminən 70, bütün il üçün isə 20,6 faiz azalmaq qeydə alınacaq.

Çində panda qoruqları turistlər üçün açıq elan edilib

0
panda

Çinin Çendu şəhərində yerləşən Böyük Pandanın Çoxaldılması üzrə Araşdırma Bazası turistlərin ziyarəti üçün açıq elan olunub.

Dünyada turistlərin pandaları görməsi üçün ən böyük məkanlardan olan Çendu bazası yeni növ koronavirus (COVID-19) epidemiyası ilə əlaqədar yanvarın 24-dən bəri ziyarət üçün bağlı idi. Çində son günlər virusa yoluxanların sayının azalması və xəstələrin böyük əksəriyyətinin sağalması epidemioloji vəziyyətin tədricən yaxşılaşmasına səbəbə olub. Panda qoruğunun yerləşdiyi Siçuan vilayətinin rəhbərliyi COVID-19 epidemiyası ilə əlaqədar fövqəladə hazırlıq vəziyyətinin səviyyəsini endirib ki, bu da bir çox turizm obyektinin açılmasına imkan yaradıb.

Çendu panda bazasında işçilərin və ziyarətçilərin sağlamlığının qorunması üçün turistlər müvafiq profilaktik və nəzarət tədbirlərinə əməl etməldirlər. Belə ki, turistlər bilet almazdan əvvəl onların COVID-19 xəstəsi olub-olmaması QR kod vasitəsilə elektron məlumat bazasında yoxlanılır və ya onlardan sağlamlıq haqqında arayış tələb olunur. Bundan başqa, kütləvilik olmaması üçün əraziyə buraxılan turistlərin sayı gündəlik 5 min nəfər müəyyən edilib.

Qeyd edək ki, Çendu bazası böyük pandanın çoxaldılması üzrə elmi-tədqiqat və turistik mərkəz olaraq tanınır. Heyvanların süni çoxaldılması üzrə dünyanın ən böyük mərkəzində 2400-ə yaxın bambuk ayısı yetişdirib ki, onların 140-dan çoxu böyük pandadır. Hazırda mərkəzdə 150-dən çox böyük panda saxlanılır.


Pandaların qorunması və nəsli kəsilmiş heyvanlar siyahısına düşməməsi üçün Çin hökuməti elmi mərkəz və qoruqlar yaradıb. Hazırda Çində həmin məqsəd üçün yaradılan 40 qoruq var ki, onların çoxu Siçuan vilayətində yerləşir. Çin qanunlarına görə, pandanı öldürəni ən ağır cəza – ölüm hökmü gözləyir.

Naxçıvanda bir gündə koronavirusla mübarizə üçün 800 min manat vəsait toplanıb

0
Naxçıvan

26 mart 2020-ci il tarixdə Naxçıvan Muxtar Respublikasında Koronavirusla Mübarizəyə Dəstək Fonduna dövlət qurumlarının kollektivləri, hüquqi və fiziki şəxslər tərəfindən vəsaitlərin köçürülməsi davam etdirilib.

AZƏRTAC-ın Naxçıvan bürosu xəbər verir ki, bununla da bir gün ərzində 740 min 411 manat vəsait Koronavirusla Mübarizəyə Dəstək Fonduna köçürülüb. Hazırda fondun hesabında 2020-ci il 26 mart tarixə ümumilikdə 1 milyon 658 min 520 manat vəsait vardır.

AZƏRTAC-ın Naxçıvan bürosu vəsait ödəyən təşkilat və qurumların, eləcə də fiziki şəxslərin siyahısını təqdim edir:

Naxçıvan Muxtar Respublikası İqtisadiyyat Nazirliyinin kollektivi 7215 manat

Naxçıvan Muxtar Respublikası Ağır Cinayətlər Məhkəməsinin kollektivi 3146 manat

Naxçıvan Qızlar Liseyinin kollektivi 4645 manat

Naxçıvan Muxtar Respublikası Dövlət Sosial Müdafiə Fondunun kollektivi 2 950 manat

Naxçıvan Muxtar Respublikası Dövlət Statistika Komitəsinin kollektivi 3955 manat

Naxçıvan Muxtar Respublikası Dövlət Gömrük Komitəsinin kollektivi 35332 manat

Naxçıvan Muxtar Respublikasının İnsan Hüquqları üzrə Müvəkkilinin (Ombudsman) kollektivi 1865 manat

Naxçıvan Muxtar Respublikası Dövlət Televiziya və Radio Verilişləri Komitəsinin kollektivi 7712 manat

Naxçıvan Muxtar Respublikası Daşınmaz Əmlak və Torpaq Məsələləri üzrə Dövlət Xidmətinin kollektivi 7333 manat

Naxçıvan Texniki-Peşə və Sürücülük Məktəbinin kollektivi 793 manat

Naxçıvan Muxtar Respublikası Dövlət Şəhərsalma və Arxitektura Komitəsinin kollektivi 2421 manat

Naxçıvan Muxtar Respublikası Turizm Departamentinin kollektivi 888 manat

“Naxçıvan Mətbəxi” Kulinariya Mərkəzi və Naxçıvan Turizm İnformasiya Mərkəzinin kollektivi 288 manat

Naxçıvan Muxtar Respublikası Dövlət Arxiv İdarəsinin kollektivi 2505 manat

Naxçıvan Şəhər Peşə Liseyinin kollektivi 648 manat

“Naxçıvan Lift Xidməti” publik hüquqi şəxsin kollektivi 1361 manat

Naxçıvan Muxtar Respublikası Əmək və Əhalinin Sosial Müdafiəsi Nazirliyi yanında Əmək Müfəttişliyi Xidmətinin kollektivi 1913 manat

Qızıl Aypara Komitəsinin kollektivi 767 manat

Hesablama Palatasının Naxçıvan Muxtar Respublika İdarəsinin kollektivi 3640 manat

Naxçıvan Muxtar Respublikası Əmək və Əhalinin Sosial Müdafiəsi Nazirliyi yanında Dövlət Sosial Təminat Xidmətinin kollektivi 772 manat

Naxçıvan Muxtar Respublikası Kənd Təsərrüfatı Nazirliyinin kollektivi 2763 manat

Naxçıvan Muxtar Respublikasının Nazirlər Kabineti yanında İcbari Tibbi Sığorta üzrə Dövlət Agentliyinin kollektivi 1477 manat

Naxçıvan Dövlət Texniki Kollecinin kollektivi 2525 manat

Naxçıvan Muxtar Respublikası Təhsil Nazirliyinin kollektivi 23464 manat

Heydər Əliyev adına tam orta məktəbin kollektivi 6905 manat

Naxçıvan Muxtar Respublikası Dövlət Vergi Xidmətinin kollektivi 12657 manat

Naxçıvan Dövlət Film Fondunun kollektivi 484 manat

Maliyyə Nazirliyi yanında Qiymətli Metallara və Qiymətli Daşlara Nəzarət İdarəsinin kollektivi 585 manat

Naxçıvan Muxtar Respublikası Televiziya və Radio Şurasının kollektivi 917 manat

Naxçıvan Muxtar Respublikası Auksion Mərkəzinin kollektivi 538 manat

Naxçıvan Muxtar Respublikası Yazıçılar Birliyinin kollektivi 185 manat

Naxçıvan Muxtar Respublikası Ali Məhkəməsinin kollektivi 10985 manat

Azərbaycan Milli Elmlər Akademiyası Naxçıvan Bölməsinin kollektivi 12543 manat

Naxçıvan Muxtar Respublikası Dövlət Nəqliyyat Xidmətinin kollektivi 2408 manat

Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsinin kollektivi 1823 manat

Naxçıvan Muxtar Respublikası Gənclər Fondunun kollektivi 472 manat

Bakı Şəhərində Naxçıvan Muxtar Respublikasının Daimi Nümayəndəliyinin kollektivi 2000 manat

Məmmədov Ziyafəddin Məcid oğlu 5000 manat

Bəyalı Kiçik Müəssisəsi 5000 manat

“Biznes İnşaat” Məhdud Məsuliyyətli Cəmiyyətinin kollektivi 400 manat

Naxçıvan Muxtar Respublikası Çernobıl Əlilləri İctimai Birliyinin kollektivi 220 manat

Qasımov Adil Müseyib oğlu 10000 manat

Araz-3 Məhdud Məsuliyyətli Cəmiyyəti 1045 manat

“Naxçıvan Meyvə-Tərəvəz Məhsulları” Məhdud Məsuliyyətli Cəmiyyətinin kollektivi 702 manat

“Naxçıvan Duz İstehsalı” Məhdud Məsuliyyətli Cəmiyyətinin kollektivi 2266 manat

“Şərq Qapısı” qəzeti redaksiyasının kollektivi 1114 manat

Azərbaycan Respublikasının İran İslam Respublikasındakı səfirliyinin kollektivi 3500 manat

Azərbaycan Respublikasının İran İslam Respublikasının Təbriz şəhərindəki Baş Konsulluğunun kollektivi 2000 manat

“Şərur-3” Məhdud Məsuliyyətli Cəmiyyəti 6000 manat

Əlahiddə Ümumqoşun Ordunun Mərkəzi Qərargahının kollektivi 55707 manat

Qasımov Hüseyn Əhəd oğlu 10 min manat

“Danyeri” AVM 10 min manat

“Naxçıvan Biznes Mərkəzi” Məhdud Məsuliyyətli Cəmiyyətinin kollektivi 389 manat

“Nur Qida” Məhdud Məsuliyyətli Cəmiyyəti 4000 manat

Həşimov Ələsgər Nəsir oğlu 200 manat

Babayev Mehdi Həsən oğlu 500 manat

Azərbaycan Respublikasının Pakistandakı səfiri Əlizadə Əli Fikrət oğlu 2000 manat

“Almalı Ticarət” Məhdud Məsuliyyətli Cəmiyyəti 500 manat

Şahbuz Rayon İcra Hakimiyyətinin kollektivi 13000 manat

“Şahənşah” Məhdud Məsuliyyətli Cəmiyyəti 10000 manat

“Aki Əczaçılıq Anbarı” Məhdud Məsuliyyətli Cəmiyyəti 40000 manat

Əhmədova Aytac İlyas qızı 250 manat

Məmmədova Günel İntizam qızı 200 manat

Niyazi Palaslıoğlu 1000 manat

Serkan Özer 2000 manat

Mücahit Ucar 5000 manat

Emin Ucar 10000 manat

Azərbaycan Respublikasının Birləşmiş Ərəb Əmirliklərinin Dubay şəhərindəki Baş Konsulluğunun kollektivi 2000 manat

Eyyubov Teymur Tərlan oğlu 350 manat

Ağayev Elşən Akif oğlu 25 manat

Talıbov Ümüd Sabir oğlu 25 manat

Məmmədov Fail Məcid oğlu 5 manat

Əliyev Aqil Etibar oğlu 10 manat

Ələsgərov Vüqar Maksim oğlu 1 manat

Mirzəyev Elşən Həsən oğlu 500 manat

Abdullayev Abdulla Süleyman oğlu 2000 manat

Quliyev İmran Şaban oğlu 1 manat

Xudizadə Seymur Sabir oğlu 1 manat

Əsədullayev Anar Mircəlal oğlu 500 manat

Tarverdiyev Rəşad Əli oğlu 50 manat

Naxçıvan Şəhər Baytarlıq İdarəsinin kollektivi 575 manat

Naxçıvan Muxtar Respublikası Veteranlar Şurasının kollektivi 580 manat

Naxçıvan Muxtar Respublikası Fövqəladə Hallar Nazirliyinin kollektivi 42853 manat

Naxçıvan Muxtar Respublikası Mədəniyyət Nazirliyinin kollektivi 1649 manat

Naxçıvan Muxtar Respublikası muzeylərinin kollektivləri 5147 manat

Heydər Əliyev Sarayının kollektivi 1088 manat

Naxçıvan Muxtar Respublikası kitabxanalarının kollektivləri 3620 manat

Naxçıvan Muxtar Respublikası Uşaq Filarmoniyasının kollektivi 310 manat

Naxçıvan Muxtar Respublikası Uşaq Teatrının kollektivi 292 manat

Naxçıvan Muxtar Respublikası Mədəniyyət Nazirliyinin Elmi Metodiki Mərkəzinin və mərkəzləşmiş mühasibatlığının kollektivi 690 manat

Naxçıvan Muxtar Respublikası Prokurorluğunun kollektivi 13947 manat

Azərbaycan Respublikası Xarici İşlər Nazirliyinin Naxçıvan Muxtar Respublikası İdarəsinin kollektivi 2560 manat

Naxçıvan Muxtar Respublikası Kənd Təsərrüfatı Nazirliyi Toxumçuluq və Bitkilərin Mühafizəsi İdarəsinin kollektivi 795 manat

Naxçıvan Muxtar Respublikası Əmək və Əhalinin Sosial Müdafiəsi Nazirliyi yanında Dövlət Tibbi-Sosial Ekspertiza və Reabilitasiya Xidməti publik hüquqi şəxsin kollektivi 367 manat

Naxçıvan Protez Ortopedik Mərkəzinin kollektivi 228 manat

Dövlət Tibbi-Sosial Ekspert Komissiyasının kollektivi 150 manat

Naxçıvan Muxtar Respublikası Antiinhisar və İstehlak Bazarlarına Nəzarət Dövlət Xidmətinin kollektivi 5361 manat

Naxçıvan Əlillərin Bərpa Mərkəzinin kollektivi 1048 manat

Naxçıvan Uşaqların Bərpa Mərkəzinin kollektivi 1037 manat

Məhdud Fiziki İmkanlılar üçün Regional İnformasiya Mərkəzinin kollektivi 599 manat

Naxçıvan Muxtar Respublikası Ekologiya və Təbii Sərvətlər Nazirliyinin Geoloji Axtarış və Kəşfiyyat İdarəsinin kollektivi 933 manat

Mərkəzi Seçki Komissiyasının kollektivi 1516 manat

Naxçıvan Muxtar Respublikası Baytarlıq Laboratoriyasının kollektivi 614 manat

Naxçıvan Muxtar Respublikası Ekologiya və Təbii Sərvətlər Nazirliyinin Arpaçay Dövlət Təbiət Yasaqlığının kollektivi 401 manat

Naxçıvan Muxtar Respublikası Ədliyyə Nazirliyinin kollektivi 10 944 manat

Naxçıvan Muxtar Respublikası Ədliyyə Nazirliyinin Məhkəmə Ekspertiza Mərkəzinin kollektivi 2638 manat

Şəhər və rayon məhkəmələrinin kollektivləri 7818 manat

Naxçıvan Muxtar Respublikası Ekologiya və Təbii Sərvətlər Nazirliyinin Meşə Tingliyi İdarəsinin kollektivi 722 manat

Naxçıvan Muxtar Respublikası Ekologiya və Təbii Sərvətlər Nazirliyinin Balıqartırma İdarəsinin kollektivi 134 manat

Naxçıvan Muxtar Respublikası Ekologiya və Təbii Sərvətlər Nazirliyinin Ordubad Milli Parkının kollektivi 941 manat

Ekologiya və Təbii Sərvətlər Nazirliyinin Arazboyu Dövlət Təbiət Yasaqlığının kollektivi 379 manat

Naxçıvan Muxtar Respublikası Ekologiya və Təbii Sərvətlər Nazirliyinin Şahbuz Dövlət Təbiət Qoruğunun kollektivi 848 manat

Naxçıvan Muxtar Respublikası Əmək və Əhalinin Sosial Müdafiəsi Nazirliyinin kollektivi 2241 manat

Naxçıvan Muxtar Respublikası Ekologiya və Təbii Sərvətlər Nazirliyinin kollektivi 3082 manat

Ekologiya və Təbii Sərvətlər Nazirliyinin Sədərək Rayon Su Monitorinqi Laboratoriyasının kollektivi 55 manat

Naxçıvan Muxtar Respublikası Ali Məclisinin Naxçıvanşünaslıq Mərkəzinin kollektivi 405 manat

Naxçıvan Muxtar Respublikası Ekologiya və Təbii Sərvətlər Nazirliyinin Hidrometeorologiya İdarəsinin kollektivi 4469 manat

Naxçıvan Muxtar Respublikası Əmək və Əhalinin Sosial Müdafiəsi Nazirliyi yanında Dövlət Məşğulluq Xidmətinin kollektivi 2872 manat

Naxçıvan Muxtar Respublikası Ekologiya Və Təbii Sərvətlər Nazirliyinin Meşə Təsərrüfatı İdarəsinin kollektivi 1432 manat

Naxçıvan Muxtar Respublikası Ekologiya və Təbii Sərvətlər Nazirliyinin Meşəsalma İdarəsinin kollektivi 1298 manat

Naxçıvan Muxtar Respublikası Dövlət Baş Sığorta Agentliyinin kollektivi 2152 manat

Naxçıvan Muxtar Respublikası Qaz İstismar Xidmətinin kollektivi 24718 manat

Naxçıvan Muxtar Respublikası İqtisadiyyat Nazirliyinin Sahibkarlığın İnkişafı Fondunun kollektivi 697 manat

“Naxçıvan Aqrolizinq” Açıq Səhmdar Cəmiyyətinin kollektivi 2000 manat

Naxçıvan Şəhər Təhsil şöbəsinin kollektivi 73074 manat

“Karton Tara” Məhdud Məsuliyyətli Cəmiyyəti 4000 manat

Daxili İşlər Nazirliyinin kollektivi 104445 manat

Qasımov Adil Müseyib oğlu 10000 manat

Babək Rayon inzibati ərazi dairəsi üzrə nümayəndəliklərinin kollektivi 5922 manat

Abdullayev Vəli Əsgər oğlu 1000 manat

“Naxçıvan İpoteka Fondu” Açıq Səhmdar Cəmiyyətinin kollektivi 811 manat

Mərkəzi Bankın Naxçıvan Muxtar Respublikası İdarəsinin kollektivi 4613 manat.

Türkiyədən Naxçıvana gəlmiş azərbaycanlı: “Kazarmadayıq. Dünən sağlam gəlmişdim, indi qızdırmadan yanıram”

0
azərbaycanlılar

“Burada bizə zülümdür. Elə bilin, bizi həbsxanaya salıblar”, bu sözləri martin 25-də Türkiyədən Naxçıvana gəlmiş azərbaycanlılardan biri deyir.

Onun sözlərinə görə, 160-a yaxın azərbaycanlı hazırda hərbi hissəyə yerləşdirilib, ancaq bu rəqəmi rəsmən təsdiqləmək mümkün olmayıb.

Onlar vaxtlı-vaxtında yemək verilmədiyini, su olmadığını, maska, əlcək, spirt verilmədiyini və bir çox adamın bir kiçik otaqda saxlandığını iddia edirlər.

BBC News Azərbaycancaya danışan vətəndaşlar daha yaxşı şəraiti olan bir yerə köçürülmələrini istədiklərini bildiriblər.

Məsələ ilə bağlı Nazirlər Kabineti yanında Operativ Qərargahdan hələlik şərh almaq mümkün olmayıb.

Azərbaycanda Covid19 koronavirusundan 3 nəfər ölüb. Hazırda 104 aktiv koronavirus xəstəsi nəzarət altındadır.

Azərbaycanın İran, Türkiyə, Rusiya kimi ölkələrlə sərhədi bağlıdır.

Lakin rəsmilər bildirir ki, xaricdə olan Azərbaycan vətəndaşlarının ölkəyə gətirilməsi üçün müxtəlif çarter reysləri təşkil edilir və bu günə qədər ümumilikdə10 min nəfərə yaxın şəxs ölkəyə gətirilib.

Türkiyədə, İstanbul hava limanında günlərdir təxliyə edilmələrini gözləyən bir qrup azərbaycanlı isə İğdıra gedərək martın 25-də Naxçıvana keçiblər.

“Bir həftə daşın üstündə yatdıq”

BBC News Azərbaycancaya danışan, hazırda Naxçıvanda olan Bakı sakini deyir ki, Türkiyədə təhsil alan qızının yanına gedib.

Lakin koronavirusla bağlı xəbərlərdən sonra İstanbulda hava limanına gəlib. O, bir həftə boyunca burada gecələdiyini, amma onlarla maraqlanan olmadığını bildirir.

“Bir həftə daşın üstündə yatdıq, sonra aksiya keçirdik. Azərbaycanlı iş adamları bizi üç gün otelə yerləşdirdi, biz xahiş etdik ki, sərhədi keçməyə kömək etsinlər”, o deyir.

Vətəndaşlar iki avtobusla İstanbuldan İğdır sərhədinə gəliblər.

“Bizi yoxladılar və dedilər ki, axşama kimi oteldə gözlədəcəyik, axşam isə təyyarə ilə Bakıya aparacaqlar. Amma gətirdilər əsgərlərin yanına”, o deyir.

Onun sözlərinə görə, qadın və uşaqların sayı 25-dir və onların hamısı bir kiçik otaqda saxlanırlar.

“Gecə səhərə kimi üşümüşük. Bir hamburger və bir çörək veriblər. Səhər-səhər də apardılar ki, səhər yeməyi verəcəyik, balaca parça pendir və bir az çörək verdilər”.

Müsahibimiz deyir ki, gecə çox soyuq olduğu üçün karantindəki qadınlardan bir neçəsinin halı pisləşib, təcili yardım çağırmalı olublar.

O, aidiyyatlı qurumlara zəng vursalar da, bir cavab ala bilmədiklərini deyir.

“23 nəfər balaca bir otaqdadır, kim xəstədir bilinmir. Xəstə olmayan da burada xəstəlik tuta bilər. Qorxa-qorxa yaşayırıq ki, görəsən hansımız xəstəyik”.

“Kazarmadayıq”

“Nə yemək var, nə içmək, nə də su. 159 nəfərə 90 çarpayı var. Gecə soyuq olub, çox uşaq soyuqlayıb. Hər yerə zəng vurmuşuq, bizə baxan yoxdur”, eyni yerdə saxlanan digər vətəndaş deyir.

O, dünən sağlam olsa da, hazırda vəziyyətinin yaxşı olmadığını qeyd edir.

“Kazarmadayıq. Dünən sağlam gəlmişdim, indi qızdırmadan yanıram, öskürürəm, burnum axır. Dünən həkim istədim, Əsgərlər dedilər bu sənə sonuncu xəbərdarlığımızdır, səndən bir də şikayət gəlməsin”, o deyir.

Astma xəstəsi olduğunu deyən bu şəxs dərmanının olmadığını, boğaz ağrısından gecəni yatmadığını bildirib.

Bu məsələlərlə bağlı Nazirlər Kabineti yanında Operativ Qərargahdan və TƏBİB-dən hələ ki, şərh almaq mümkün olmayıb.

Martın 24-dən aprelin 20-dək Azərbaycanda xüsusi karantin rejimi elan olunub.

Rəsmi məlumata görə, bu günədək İran, İtaliya, Türkiyə, Macarıstan, Belarus, Rusiya və başqa ölkələrdə olan 10 000-ə yaxın Azərbaycan vətəndaşının dövlət hesabına AZAL-ın xüsusi çarter reysləri və başqa nəqliyyat vasitələri ilə ölkəyə gətirilib.

Onların tibbi müayinədən keçirildiyi və dövlət hesabına 14-21 günlük xüsusi karantin rejimində yerləşdirildiyi bildirilir.

Bakıda və müxtəlif bölgələrdə karantinə yerləşdirilmiş vətəndaşlar şəraitdən tez-tez şikayətlənib.

İstanbuldan avtobusla Naxçıvana göndərilən azərbaycanlı: “Hamı gözləyir ki, gömrükdə necə olacaq”

Prezident Administrasiyasının Xarici siyasət məsələləri şöbəsinin müdiri Hikmət Hacıyev yerli mətbuatda yayılan müsahibəsində sosial şəbəkələrdə karantin şəraitindən narazılıq edənlərə cavab verib.

O deyib ki, “hər şeyə obyektiv baxmaq lazımdır və karantin sanatoriya deyil”. Heç kim elə qəbul etməsin ki, o bura istirahətə gəlib, onun üçün pulsuz turizm imkanlarıdır… Qlobal bir bəladır. Bəzi dövlətlər bunu qlobal müharibə kimi xarakterizə edirlər. O müharibə ki, burada düşmən belə görünmür”, cənab Hacıyev deyib.

O qeyd edib ki, vətəndaşlar hər məsələdə bəhanə, problem axtarmaq kimi yanaşmadan kənar durmalıdır və dövlətin yanında olmaq lazımdır.

Koronavirusdan sonra nə baş verəcək? – Cavabı bu xəbərdə…

0
koronavirus

Koronavirus səbəbindən turizmdə ən çox zərər çəkən sektorlar sırasındadır. Bütün dünyada yayılan epidemiya səbəbindən ölkələrarası hava və quru nəqliyyat əlaqəsi kəsilib, turistərin gediş-gelişi sıfıra enib.

Kənan Hənifəyev bildirib ki aviaşirkətlər başda olmaqla, hotellər, turizm nəqliyyat şirkətləri, restoranlar, iaşə obyektləri böyük zərər görür:

“İlkin ehtimallara görə, virusun bitmə və vaksinin əldə edilməsi 6-7 ay çəkəcək. Bu müddəti nəzərə alsaq, o zaman iyuna qədər mövcud vəziyyət müsbət yönə dəyişəcək. İyunda sərhədlər və iqtisadi proseslər bərpa olunsa, yenilənmə üçün daha 30-45 günə ehtiyac olacaq. Bundan sonra hər şey qaydasına düşsə, səyahətləri iyulun sonu, avqustun əvvəlinə planlamaq olar”.

Turizm mütəxəssisi qeyd edib ki, turizm sənayəsinin bərpası yüksək templə geri dönüş edə biləcək. Amma bərpa prosesinə qədər yüzlərlə şirkətin maliyyə sıxıntısı səbəbindən iflas edib-etməməsindən çox şey asılıdır:

“İnsanların aktiv səyahət etmək istək və arzuları, belə deyək, səyahət üçün darıxmaları turizm sahəsinin dinamik bərpasına səbəb olacaq. Həmçinin, beynalaxalq tədbirlərin, yarışların yenidən təşkili də turizm sektoruna dayanıqlıq verəcək”.

Fuad Nağıyev turizm sənayesinin nümayəndələrinə müraciət etdi

0
Fuad Nağıyev

Dövlət Turizm Agentliyinin sədri Fuad Nağıyevin turizm sənayesinin nümayəndələrinə müraciət edib.

Müraciətdə deyilir:

Hörmətli turizm təmsilçiləri və turizm sahəsində fəaliyyət göstərən sahibkarlar, ötən müraciətimizdə biz ümumi gedən proseslərdən, işçilərin ixtisarı və bu kimi bir sıra neqativ faktlardan xəbərdar olduğumuzu bildirdik, sahibkarları sosial məsuliyyətə dəvət etdik, cəmiyyətin və dövlətin rifahı naminə hər kəsi birliyə çağırdıq.

Sevindirici haldır ki, bir çox sənaye nümayəndələri hazırkı çətin dövrdə sosial məsuliyyətin əhəmiyyətini anlayaraq çağırışımıza müsbət cavab verdilər.

Bu hal dövlət tərəfindən yüksək qiymətləndirilir. Sosial məsuliyyətə əməl edərək sənayenin gələcək inkişaf perspektivlərini nəzərə alan sahibkarlar dövlətin diqqətindədir və tətbiq olunan məhdudiyyətlərin turizm sənayesinə təsirlərinin azaldılması istiqamətində ilk iş məhz sahibkarlara dövlət dəstəyinin verilməsi olacaqdır.

Biz sənayenin digər üzvlərini də sosial məsuliyyətlilik sərgiləyən, sosial-mənəvi öhdəlikləri yerinə yetirən sənaye təmsilçilərinə qoşulmağa dəvət edirik.

Bildiyiniz kimi, hazırda həm Bakıda, həm də regionda bir sıra hotellər xaricdən qayıdan vətəndaşlarımızı karantin rejimində yerləşdirilməsi üçün istifadə olunur. Bu məqsədyönlü addım ümumilikdə vətəndaşların təhlükəsiz şəraitdə sağlamlığını qorumaqla yanaşı hotellərin doluluğunu da təmin edir.

Biz karantin rejimində vətəndaşlara xidmət göstərən hotellərin bütün sıravi işçiləri və rəhbərliyi daxil olmaqla işçi heyətinə təşəkkür edirik. Bu çətin və məsuliyyətli dövrdə göstərdikləri fədakarlığa və əzmə görə minnətdarlığımızı bildiririk.

Əmin ola bilərsiniz ki, Dövlət Turizm Agentliyinin əməkdaşları, bütün aidiyyatı dövlət qurumları ilə birlikdə qlobal böhran nəticəsində ölkəmizin turizm sənayesinə dəyən zərərin minimuma endirilməsi üçün bütün gücləri ilə çalışırlar və ən qısa müddətdə sənayeyə dövlət tərəfindən göstəriləcək dəstək mexanizmləri ilə bağlı işlər yekunlaşacaq.

Cənab Prezident İlham Əliyev və Birinci Vitse-prezident Mehriban xanım Əliyevanın daim xüsusi diqqət və qayğı göstərdiyi bir sahə olaraq turizmin böhrandan sonrakı dövrdə daha sürətlə inkişaf edəcəyinə inanırıq.

Azərbaycanı turizm ölkəsinə çevirmək üçün bu günədək nümayiş etdirdiyimiz həmrəyliyimizi ölkəmizin və cəmiyyətimizin qarşılaşdığı bu çətin günlərdə də göstərməliyik.

Bir daha tövsiyələrə və çağırışlara müsbət cavab verən bütün sahibkarlara təşəkkür edir. Hər kəsi sosial məsuliyyətlilik nümayiş etdirməyə çağırırıq.

Əminliklə bildiririk ki, gücümüz birliyimizdədir və məhz birlikdə bütün çətinliklərin öhdəsindən gələrək daha böyük işlərə imza ata bilərik.

Lüks oteldən koronavirus paketi: 5 ulduzlu karantin

0
otel

İlk olaraq Çində ortaya çıxan və dünyaya yayılan koronavirus (COVID-19) epidemiyasında ən çox mənfi təsir görən sektorlar turizm və otelçilikdir.

Gezmeli.az xəbər verir ki, Böyük Britaniyanın “Daily Mail” qəzetində yer alna xəbərə görə, İsveçrədə bir otel artıq müştərilərinə yeni bir xidmət təqdim etməyə başlayıb.

Mətbuatda koronavirus paketi adlandırılan xidmət daxilində müştərilər 5 ulduzlu oteldə karantin altına alınır. Koronavirus testi edən otel 7/24 həkim və tibb bacısı dəstəyi də vəd edir.

Eyni xəbərə görə, otelin bu xidmət üçün təqdim etdiyi gündəlik qiymət 400 sterlinqdən başlayır. Müştərilərin əlavə tələblərinə görə qiymət 4 min sterlinqə qədər qalxır.

Ölkə mətbuatına danışan otelin direktoru “Bu vəziyyəti bir fürsət kimi gördük və artan tələbə cavab vermək üçün sürətlə hərəkətə keçdik” deyib.

Açıqlanan sonra məlumatlara görə, İsveçrədə koronavirusa yoluxanların sayı 10 mini keçib. Epidemiyada ölənlərin sayı isə 153-ə yüksəlib.

Qədim Bakı, Qız qalası və…

0
Bakı

Tarixi, gözəl Bakı şəhəri İranın qonşularından olan, Xəzər dənizinn sahilində yerləşən Azərbaycanın paytaxtıdır.

Çoxsaylı istirahət mərkəzlərinə malik Bakı bir çox görməli, tarixi məkanları ilə tanınır. Xüsusilə son illər şəhərdə turizmin inkişafı göz qarşısındadır. Bütün müasir görməli yerlərilə yanaşı, o, qədim tarixə, böyük keçmişə malikdir. Qız qalası və Şirvanşahlar sarayı kimi tarixi abidələri buna misal göstərmək olar.

Bir sözlə, Bakı qədim, ənənəvi simasını qoruyub saxlayır. Köhnə Bakı və ya İçərişəhərə səyahət etməklə, sanki əsrlər öncəyə qayıdacaqsınız.

İçərişəhər – qədim Bakı

Tarixi İçərişəhər ərazisi əslində bir çox görməli yerlərilə minilliklərdən gələn kimliyini qoruyub saxlayır. Tarixi qala divarları ilə qorunan bu ərazi qədim Bakı şəhəridir. O, UNESCO-nun Ümumdünya İrsi siyahısına salınıb.

Bu şəhər orta əsrlərdə Şirvanşahlar dövlətinin paytaxtı olub. Burada Şirvanşahlar hakimiyyətinin izləri bu gün də qalmaqdadır. Qədim İçərişəhər bu gün paytaxtın mərkəzinə çevrilib. Qız qalası kimi tarixi abidə, ənənəvi xalçaçılıq sexləri, müxtəlif gözoxşayan məkanlar, həmçinin ənənəvi restoranlar buranın bəzəyidir.

Qız qalası

Min ildən çox tarixi olan Qız qalası kərpicdən tikilmiş silindrik formalı tikilidir. O da UNESCO-nun Ümumdünya İrsi siyahısına daxil edilib. Maraqlıdır ki, qala XVIII əsrdə gözətçi qülləsinə çevrilənədək Zərdüşt məbədi olub. Qalanın daxilində spiralvari pilləkənlər 29 metr hündürlüyü olan qüllənin zirvəsinədək qalxır. Buradan İçərişəhərə gözoxşayan mənzərə açılır.

Şirvanşahlar sarayı

Şirvanşahlar sarayı 800 illik Şirvanşahlar dövlətinin qərargahı olmuş dəyərli tarixi abidədir. O da UNESCO-nun Ümumdünya İrsi siyahısında yer alan abidələrdəndir. Bu taxiri abidə əsas saraydan, məsciddən və s. ibarətdir. Onun içərisində bir məzar da var.

Bir sözlə, Şirvanşahlar sarayı ziyarət üçün olduqca maraqlı yerdir.

Milli Azərbaycan Tarix Muzeyi

300 minə yaxın dəyərli tarixi əsərin saxlandığı Milli Azərbaycan Tarix Muzeyi tarixçilərin və arxeoloqların diqqətini çəkən məkandır. Buranı hər gün çox sayda turist ziyarət edir. Muzeydə qədimdən müasir dövrədək tarixi əks etdirən etnoqrafik əsərlər nümayiş olunur.

Nizami küçəsi

Nizami küçəsi Bakının ən populyar, insanların gur olduğu küçələrindəndir. Oradakı çoxsaylı mağaza, kafe və restoran insanların əyləncəli, xoş bir axşam keçirməsinə şərait yaradır. Uzunluğu 3,5 kilometrə çatan küçə şair Nizami Gəncəvinin şərəfinə adlandırılıb. Burada barok, neoqotik və neoronesans üslubundakı binaların bənzərsiz memarlığı, eyni zamanda Stalin dövrünə aid üslub görənləri valeh edir.

“Kiçik Venesiya”

“Kiçik Venesiya” şəhərciyi Bakıda İtaliyanın Venesiya şəhərini xatırladan gözəl məkandır. O, Bakı bulvarında yerləşir. Bir neçə manat ödəməklə, burada kiçik qayıq icarə götürmək mümkündür. Qayıqla gəzinti ətrafın təbii mənzərəsindən zövq almağa imkan verəcək. 1960-cı illərdə yaradılmış bu şəhərcik turistlərin maraqlı gün keçirməsi üçün əla fürsətdir.

Təzəpir məscidi

Təzəpir məscidi unikal memarlığı, qızılı rəngli minarələrilə şəhərin göz oxşayan tarixi abidələrdən biridir. O, 1914-cü ildə tikilib. Lakin inşası tamamlandıqdan 3 il sonra 1917-ci ilin Oktyabr inqilabı baş verib. Nəticədə məscid Bakının bolşevik hakimiyyəti tərəfindən anbara çevrilib. Nəhayət, 1943-cü ildə o, məscid kimi fəaliyyət göstərməyə başlayıb.

İsmailiyyə Sarayı

İsmailiyyə Sarayı qotik üslubda inşa edilmiş möhtəşəm memarlıq əsəridir. Binanın inşası ilə bağlı acı rəvayət var. Rəvayətə görə, XX əsrin əvvəllərində Bakı milyonçusu və neft sənayesinin görkəmli şəxslərindən olmuş Ağa Musa Nağıyevin oğlu cavan yaşda vəfat edib. Atası oğlu İsmayılın xatirəsini əbədiləşdirmək üçün saray tikdirmək qərarına gəlib.

1913-cü ildə o, binanı Müsəlman Xeyriyyə Dərnəyinin sərəncamına verib. Azərbaycan Milli Elmlər Akademiyası da məhz bu binada yaradılıb.