Bu Rusiya vətəndaşları Azərbaycana daxili pasportla gələ bilərlər – DETALLAR
F.Nağıyev əlavə edib ki, hazırda Azərbaycanda elektron vizaların verilməsi uğurıa tətbiq edilir. Onun sözlərinə görə, elektron vizaların olması ölkəyə daha çox turistlərin gəlməsinə imkan yaradır.
Bəzi qoruqlarda yeni idarəetmə modeli yaradılacaq
“Gələn il ərzində Şəkidəki “Yuxarı Baş”, İsmayıllıdakı “Basqal”, Qubadakı “Xınalıq” qoruqlarında tamamilə yeni idarəetmə modeli təqdim ediləcək”.
Milli.Az Trend-ə istinadən xəbər verir ki, bunu Dövlət Turizm Agentliyinin Aparat rəhbəri Kənan Qasımov Milli Turizm Sammitində çıxışı zamanı deyib.
Onun sözlərinə görə, turizm sahəsində ən vacib instusional islahatlardan biri Qoruqların İdarəetmə Mərkəzinin yaradılmasıdır: “Ötən il ərzində tabeliyimizdə olan qoruqlarda idarəetmə prosesinin həyata keçirilməsi, eyni zamanda tarixi irsimizi qorumaq üçün Qoruqların İdarəetmə Mərkəzi yaradıldı. Bu mərkəz Prezident İlham Əliyev tərəfindən yaradılanda qarşıya qoyulan məqsədlərdən biri bu idi ki, qoruqlarımızı, tarixi irsimizi qorumaq, eyni zamanda bunu turizmin inkişafına yönəltmək lazımdır. Bununla bağlı çoxfunksionallı fəaliyyət həyata keçirilməyə başlanıldı. Biz yalnız turistlərin qoruqlarımıza gəlib baxıb qayıtmalarını istəmirik. Eyni zamanda həmin qoruqlarda alternativ xidmətlərin təklif edilməsini təşkil edirik”.
K.Qasımov deyib ki, artıq “Yanardağ” qoruğunda bu islahatlar həyata keçirilib. Şəkidə “Yuxarı Baş”, İsmayıllıda “Basqal”, Qubada “Xınalıq” qoruqlarının strateji konsepsiyaları hazırlanıb və təqdim edilib:
Portuqaliya turizm üzrə “Oskar” mükafatı alıb, Lissabon isə istirahət turizmi üçün ən yaxşı şəhər kimi seçilib
Omanda nüfuzlu “World Travel Awards” müsabiqəsi başa çatıb.
AZƏRTAC xəbər verir ki, turizm üzrə “Oskar” sayılan bu müsabiqədə Portuqaliya dünyada ən yaxşı turizm istiqaməti hesab edilib.
Dalbadal üçüncü ildir ki, Lissabon istirahət üçün ən yaxşı şəhər sayılıb. Madeyra isə artıq beşinci dəfə dünyada ən yaxşı ada hesab edilib.
Portuqaliyanın Milli Turizm Agentliyinin prezidenti Luis Araujonun sözlərinə görə, onun ölkəsinin turizm “Oskar”ı alması faktı Portuqaliyada həyata keçirilən “Turizm-2027” strategiyasının uğurlu olmasının təsdiqidir. Bu strategiya Portuqaliya brendinin təbliğini, turizm sektoruna investisiyalar cəlb olunmasını və bu sahə üçün işçilər hazırlanmasına nəzarəti təmin edir.
Portuqaliyanın paytaxtı “Ən yaxşı şəhər” nominasiyasında dalbadal üçüncü dəfə qalib gəlib. Bu, o deməkdir ki, Lissabon qısamüddətli səfərlər üçün ideal seçimdir.
Bu mükafat onlayn sorğu nəticəsində təqdim edilir. Sorğuda geniş ictimaiyyətlə yanaşı, bütün dünyada turizm və səyahətlər sahəsində minlərlə peşəkar iştirak edib.
Qeyd etmək lazımdır ki, Portuqaliyada turistlərin sayı dalbadal 8-ci ildir ki, artır. Portuqaliya Turizm Nazirliyinin hesablamalarına görə, bu il turizm hesabına əldə edilən gəlir 27 milyon avroya bərabər olacaq.
Dövlət Turizm Agentliyinin keçirdiyi müsabiqənin qalibləri mükafatlandırılıb
Noyabrın 29-da işə başlayan “Azərbaycan Turizm Sammiti 2019”un açılış mərasimindən sonra 2018 – 2019-cu illərin icmalının təqdimatları keçirilib.
Çıxışçılar ötən ildən etibarən Dövlət Turizm Agentliyi və Azərbaycan Turizm Bürosu tərəfindən ölkə daxilində görülmüş işlərdən söhbət açıb. Ölkə xaricinə istiqamətlənən marketinq fəaliyyətlərindən, onun müsbət nəticələrindən danışıblar. Eyni zamanda 2020-ci ildə nəzərdə tutulan planlar haqda məlumat veriblər.
Təqdimatlarda, həmçinin hotelçilik, turizm agentlikləri, eləcə də bələdçilik sahələri üzrə formalaşdırılmış assosiativ birliklərin fəaliyyətindən söz açılıb. Bu növ ictimai təşəbbüslərin önəmindən və turizmə verdiyi töhfələrdən bəhs edilib.
İnteraktiv sual-cavab sessiyası ilə davam edən sammit zamanı auditoriyadan ünvanlanan suallar Dövlət Turizm Agentliyi və Azərbaycan Turizm Bürosunun rəhbərliyi tərəfindən ətraflı cavablandırılıb.
Bundan əlavə, Dövlət Turizm Agentliyinin sədri Fuad Nağıyev Azərbaycan Turizm Bürosunun baş icraçı direktoru Florian Zenqstşmid yerli kütləvi informasiya vasitələrinin iştirakı ilə baş tutan mətbuat konfransında jurnalistlərin maraq doğuran suallarını cavablandırıb.
Həmçinin Agentlik tərəfindən KİV nümayəndələri və fotoqraflar arasında keçirilən müsabiqənin qaliblərinə mükafatlar və diplomlar təqdim olunub.
Mükafat alanlar sırasında AZƏRTAC-ın əməkdaşı Ceyhun Alışlı da var.
Florian Zenqstşmid: Məqsədimiz 2023-cü ildə Azərbaycana 4 milyona yaxın turist cəlb etməkdir
Məqsədimiz 2023-cü ildə Azərbaycana 4 milyona yaxın turist cəlb etməkdir.
AZƏRTAC xəbər verir ki, bu sözləri Bakıda keçirilən “Azərbaycan Turizm Sammiti–2019” tədbirində Azərbaycan Turizm Bürosunun baş icraçı direktoru Florian Zenqstşmid söyləyib.
Bildirib ki, buna ölkədə turizm potensialını artırmaqla nail olmaq olar: “Hələ görüləcək işlər kifayət qədərdir. Bir sıra işlər həyata keçirmək istəyirik. Bəzi proseslərdə çətinliklər yaşanmaqdadır, amma biz bunun həll edilməsi istiqamətində işləyirik”.
Qeyd edək ki, bu ilin yanvar-oktyabr aylarında Azərbaycanı ziyarət edənlərin sayı ötən ilin eyni dövrü ilə müqayisədə 10,9 faiz artaraq 2,7 milyon nəfərə çatıb. Bu da 2019-cu ildə Azərbaycana gələn xarici vətəndaşların sayının 3 milyondan artıq olacağına əsas verir.
2 günlük LƏNKƏRAN – LERİK turu
?Yeni il – 2 günlük LƏNKƏRAN – LERİK turuna qoşulmağa tələsin ?
? Tarix : 01 – 02 Yanvar (1 gecə/ 2 gün)
? Qiymət – 99 AZN (hər şey daxil)
Qiymətə daxildir:
✔ Komfortlu Nəqliyyat
✔ Lənkəran Luxe Hoteldə Gecələmə (4*)
✔ Qidalanma: 2 dəfə Səhər yeməyi, 1 dəfə Nahar yeməyi, 1 dəfə Şam Yeməyi
✔ Ekskursiyalar:
Lənkəran Qala qapıları, Lənkəran Samovarı , Lənkəran Xanbulan gölü
Relax istirahət mərkəzi, Lerik Günəşli şəlaləsi
✔ Qayıdışda çay fasiləsi
✔ Fotosessiya (Şəkillər DVD diskdə pulsuz olaraq verilir)
✔ Tur rəhbəri
✔ Yolboyu əyləncəli oyunlar
– Qiymət 2 nəfərlik otaqda 1 nəfər üçün nəzərdə tutulub
Qeyd:
– 0-5 yaş uşaqlar pulsuz (1 uşaq).
Ətraflı Məlumat üçün:
070-264-60-30
Azərbaycan Turizm Bürosu: Kənd turizminin inkişafı üçün bir neçə istiqamət nəzərdə tutulur
“Kənd evləri turizminin inkişafı imkanlarının artırılması nəzərdə tutulur”.
APA-nın məlumatına görə, bunu Azərbaycan Turizm Sammitində mətbuat konfransında Azərbaycan Turizm Bürosunun Baş icraçı direktoru Florian Zenqstşmit deyib. Onun sözlərinə görə, bu sahədə çalışan insanların sayı mütləq şəkildə artırılmalı və onlar təlimə cəlb edilməlidir. “Kənd turizminin inkişafı üçün bir neçə istiqamət nəzərdə tutulur. Bunlardan biri münasib kənd evlərinin siyahıya alınması və onların icma şəklində formalaşdırılmasıdır. Digər istiqamət müəyyən islahatlar tətbiq etməklə ev sahiblərini fəaliyyətə cəlb etməkdən ibarətdir”.
İcraçı direktor bildirib ki, əsas məqsədlərdən biri büdcəsi daha münasib olan hotellərin ölkə vətəndaşlarına əlçatanlığını təmin etməkdir. “Müşahidələr göstərir ki, ölkəyə gələn turistlər 4 və 5 ulduzlu hotellərdə qalırlar. Amma Dövlət Turizm Agentliyinin aşağı büdcəli hotellərdə qalmaq istəyən turistlər üçün də müəyyənləşdirilmiş xüsusi dəstək çərçivəsində münasib hotellərin tikilməsi ilə bağlı təklifləri var. Kənd yerlərində yaşayanlar öz evlərini bu şəbəkəyə əlavə etməklə və münasib təlim keçməklə belə bir platforma yarada bilərlər. Təəssüf ki, onların nə belə bir şəbəkəyə qoşulma imkanları mövcuddur, nə də belə platformalar əlverişli şəkildə yerli və xarici turistlərə təqdim edilir. Dövlət Turizm Agentliyi ilə birlikdə münasib mülkiyyət tipli ev təsərrüfatlarının şəbəkəyə qoşulması, xarici və yerli turistlərə bu platformadan istifadə imkanlarının yaradılması müzakirə olunmaqdadır”.
Aviaşirkətlərə subsidiya verilsin – TƏKLIF
Azərbaycanda digər aviaşirkətlərə də (“AZAI”dan başqa) Bakı ilə yanaşı, ölkənin digər turizm regionlarına uçuş yerinə yetirməsi məqsədilə mütləq dərəcədə subsidiyalar verilməlidir.
Trend-in məlumatına görə, bunu Azərbayan Turizm Bürosunun icraçı direktoru Florian Zenqstşmid bildirib.
Onun sözlərinə görə, bu sahədə subsidiya siyasəti tətbiq olunmasa, aviaşirkətləri rayonlara yönəltmək çətin olacaq: “AZAL“ın bu sahədə xidmətlərini unutmaq olmaz. Amma daha aşağı büdcəli digər aviaşirkətləri də rayonlara uçuşlara cəlb etmək çox önəmlidir. Bu da gələcəkdə hava nəqliyyatı ilə ölkəyə turistlərin gəlməsini sürətləndirəcək. Edilən şikayətlər arasında hava yollarının biletlərinin kifayət qədər bahalı olması da mühüm amillərdən biri kimi tərəfimizdən müzakirə olunur. Bu istiqmətdə qiymətlərin aşağı salınması və digər işlərin görülməsi ilə bağlı Dövlət Turizm Agentliyi ilə müzakirə aparılır. Yaxın gələcəkdə tətbiq ediləcək yardım və dəstək mexanizmləri müzakirə olunmaqdadır”.
“Azərbaycana gələn turistlər aviabilet qiymətlərindən narazıdır”
“İctimai təşəbbüsləri dəstəkləyirik, sağlam rəqabət formasının yaranmasının tərəfdarıyıq”.
“Qafqazinfo” xəbər verir ki, bu sözləri bu gün keçirilən Azərbaycan Turizm Sammitində çıxış edən Dövlət Turizm Agentliyinin sədri Fuad Nağıyev deyib. O bildirib ki, sağlam rəqabət mühiti qiymət bazarına təsirsiz ötüşmür və bu da turistlərin səyahət üçün ölkəmizi seçməsində mühüm rol oynayır:
“Əhalinin maddi gəlirlərinin artımı da turizm sektorunun inkişafına xeyli töhvə verir və biz hazırda bu istiqaməti seçmişik. Mədəni irs bizim milli sərvətimizdir və onu qorumaq bizim vəzifəmizdir. Turistlərin bir dəfə yox, bir neçə dəfə ölkəmizə gəlməsini təşkil etmək lazımdır. Bizim də əsas məqsədimiz budur”.
Agentliyin Aparat rəhbəri Kənan Qasımov cari ilin icmalını təqdim edən zaman bildirib ki, ən vacib məsələlərdən biri statistik göstəricilərdir ki, qiymətləndirmələrə əsasən ötən ilə nisbətən turist axınında 10 faizə yaxın artım var: “Sorğulara əsasən ölkəmizə səfər edən turistlərin 60%-i ölkəmizə səyahət məqsədilə, 4% turist isə sağlamlıq məqsədilə gəlib.
Səyahət edən turistlər qonaqpərvərlik, milli mətbəx, qonaqlardan razı qalsa da, aviabilet qiymətlərindən, daxili nəqliyyatdan, görməli məkanların əlçatanlılığından narazıdır. Bu nəticələr bizim strategiyamızı müəyyən edir və bununla bağlı işlər aparılır. Hazırda sahibkarların işini asanlaşdırmaq üçün vergi güzəştlərinin tətbiq olunması ilə bağlı layihə hazırlanaraq dövlət orqanlarına təqdim olunub. Düşünürəm ki, gələn ildən siz yeniliklərlə tanış ola biləcəksiz.
Bundan başqa, turistlərə yardım mərkəzlərinin yaradılması yekunlaşmaq üzrədir. Artıq bununla bağlı müzakirələr yekunlaşıb və sistem növbəti ildən tətbiq olunacaq”.
Bakıda “Azərbaycan Turizm Sammiti 2019” keçirilib
