Azərbaycanın 2001-ci ildən təmsil olunduğu Dünya Turizm Təşkilatının Baş Assambleyasının 23-cü sessiyası Moskvada keçirilir.

65 turizm naziri və nazir müavini və 31 dövlət katibi də olmaqla, ümumilikdə, 1100-dən çox şəxsin iştirak etdiyi sesiyada turizm sahəsində innovativ texnalogiyalar, yeni iş yerlərinin yaradılması, kadrların hazırlanması və digər məsələlər ilə yanaşı ölkələrin turizm potensialı da müzakirə edilib.

Dünya Turizm Təşkilatının səfiri, Rusiya Dövlət Dumasının deputatı Vyaçeslav Fetisov Azərbaycanın müasir dövlət olduğunu vurğulayaraq, ölkənin bu sahədə liderlərdən olduğunu bildirdi.

“Mən Bakını çox sevirəm. Çox gözəl, qonaqpərvər, tarixi kaloriti ilə seçilən şəhərdir. Məmnuniyyətlə Bakıya gedirəm. Forumda səsləndiyi kimi, Bakıda turizm surətlə inkişaf edir. Bunun üçün bütün imkanlar var. Əlbəttə ölkə rəhbərliyi bu istiqamətdə mühüm addımlar atıb. Turizmin kompleks şəkildə inkişaf etdirilməsi və infrastrukturun dünya standartlarına cavab verməsi üçün mühüm qərarlar qəbul olunub ki, ölkə bu istiqamətdə liderliyə doğru irəliləsin. Azərbaycan müasir və dünyaya açıq ölkədir. İdman sahəsində Birinci Avropa Oyunlarının prizmasından baxsaq, infrastrukturun yüksək olduğunu görürük. Düşünürəm ki, bu, düzgün siyasətdir. Və ildən ilə həm kəmiyyət, həm də keyfiyyət artır. Azərbaycanlılara halaldır. Düşünürəm ki, ölkə rəhbərliyinin düzgün strategiyası nəticəsində Azərbaycan bu sahədə dünya liderliyinə nail olar”.

“Qlobal şəhərlərdə turizmin inkişaf strategiyaları” adlı plenar iclasda isə Azərbaycanı tədbirdə təmsil edən Azərbaycan Dövlət Turizim Agentliyinin rəhbəri Fuad Nağıyev ilk öncə ölkəmizin turizm potensialından sesiya iştirakçılarına məlumat verib. Çıxışını isə Azərbaycan Dövlət Turizm agentliyinin rəhbəri “Azərbaycan torpaqlarının bir hissəsinin işğal altında olmasına görə turizm potensialımızı tam göstərə bilmirik. Problem həllini tapandan sonra biz tam potensialımızı ortaya qoyacayıq” deyə başa vurub.

“Bizim cox gözəl ölkəmiz var. Bu zalda oturanlar bunun şahidi olublar. Təəssüflər olsun ki, bu gün biz bütün potensialımızı ortaya qoya bilmirik, Buna qonşu ölkə ilə olan konflikt imkan vermir. İnanırıq ki, bütün konfliktlər yaxın gələcəkdə başa çatacaq Və biz bütün potensialımızı təqdim edə biləcəyik”.

Birləşmiş Millətlər Təşkilatı nəzdində Dünya Turizm Təşkilatının baş katibi Zurab Pololikaşvili isə Bakı səfəri çərçivəsində başlanılmış layihələr və inkişaf strategiyasına davam ediləcəyini bildirdi.

“Biz təşkilatımızın əsas hissəsi – 35 ölkədən olan turizm nazirləri ilə Bakıda görüşümüz zamanı turizm sahəsində gündəmdə duran məsələləri müzakirə və həll etdik. Bakı görüşümüz çox maraqlı keçdi və onun məntiqi nəticəsi olaraq Azərbaycan turizm sahəsinə böyük yatırımlar etdi. Hazırda isə bu yatırımlar öz bəhrəsini verir. Biz Azərbaycanın seçdiyi konstruktiv və inkişaf strategiyasını dəstəkləyirik. Azərbaycan Turizm Agentliyi ilə yaxın münasibətdəyik. Planımız isə Bakıda müzakirə etdiyimiz və nəticə olaraq başladığımız lahiyələri davam etdirməkdir”.

Qeyd edək ki, Dünya Turizm Təşkilatının Baş Assambleyasının sessiyası ili 2 ildən bir keçirilir.

Oktyabrın 8-10-da Azərbaycan Turizm Bürosunun təşkilatçılığı ilə ölkəni təmsil edən turizm şirkətləri Pakistanın Karaçi şəhərində keçiriləcək “Pakistan Travel Mart” sərgisində iştirak edəcək.

Dövlət Turizm Agentliyindən bildirilib ki, ölkənin turizm sektorunda fəaliyyət göstərən 14 şirkətin qatılacağı sərgidə iştirakçılara Azərbaycan turizmin müxtəlif istiqamətləri üzrə potensialı, görməli yerləri, hotelləri, milli mətbəxi, turizm marşrutları barədə geniş məlumatlar veriləcək.

Sərgi zamanı Pakistanın turizm şirkətləri ilə B2B (Biznesdən-biznesə) formatlı görüşlər keçiriləcək, əməkdaşlığa dair qarşılıqlı fikir mübadiləsi aparılacaq.

“Pakistan Travel Mart” Pakistanda səyahət, turizm və qonaqpərvərlik sahələrində bütün maraqlı tərəfləri birləşdirən geniş spektrli səyahət və turizm sərgisidir.

2017-ci ildən etibarən hər il keçirilən sərgiyə dünyanın 20-yə yaxın ölkəsindən turizm şirkətləri qatılır. Sərgini ümumilikdə 25000-dən çox şəxs ziyarət edir.

Qeyd edək ki, 2019-cu ilin yanvar-avqust dövründə Azərbaycana səfər edən pakistanlı turistlərin sayı 29 min nəfər təşkil edib. Bu da ötən ilin eyni dövrünə nisbətdə 12.9% artım deməkdir.

“Azərbaycan rəhbərliyi turizmin hərtərəfli inkişafı üçün çox iş görür, buraya həm infrastruktur, həm qonaqpərvərlik, həm də müxtəlif tədbirlərin keçirilməsi aiddir“.

Bunu “Report”un Rusiya bürosunun Rusiya Dövlət Dumasının deputatı, Vahid Rusiya Partiyasının Ali Şurasının üzvü Vyaçeslav Fetisov deyib.

“Bakıya aşiqəm. Çox gözəl, qonaqpərvər, tarixi çalarları olan şəhərdir, orada olmaq çox xoşdur, məmnuniyyətlə gedirəm. Bakı postsovet məkanının əsas şəhərlərindən birinə çevrilir. Turizm geniş miqyasda inkişaf edir”, – o bildirib.

Azərbaycanda keçirilən idman tədbirləri barədə danışan deputat söyləyib ki, bu, turizmin sürətli inkişafını təşviq etmək üçün düzgün addımdır: “Ölkə rəhbərliyi müasir Azərbaycanı dünyaya həm də Birinci Avropa Oyunları, Formula-1 və s. kimi idman tədbirləri ilə nümayiş etdirməyə çalışır. Müasir, fantastik infrastruktur var. Hesab edirəm ki, bu, düzgün, səriştəli strategiyadır. Məni qonaq gözləyin, məmnuniyyətlə gələcəyəm. Artıq ekologiya ilə bağlı səfər planları var. Ekologiya turizmin inkişafı üçün vacib problemlərdəndir. Ekologiyası yaxşı olan ölkə həmişə üstünlük qazanır”.

“Hesab edirəm ki, azərbaycanlılar yaxşı işlər görüblər və ölkə rəhbərliyi də turizm sənayesinin inkişafı üçün düzgün strateji istiqamət götürüb. Azərbaycan turizm sahəsində liderlərdən birinə çevrilir”, – V.Fetisov fikrini yekunlaşdırıb.