İyul ayında Azərbaycana 365 min əcnəbi qonaq səfər edib
Mərkəzi və Cənubi Asiyadan gələn səyahətçilərdə də müvafiq olaraq 39 faiz və 44 faiz artım qeydə alınıb. Ən yaxşı turistik bazarlar sayılan Rusiya və Türkiyədən gələnlərin sayı 4 faiz artıb.
Türkiyənin bilmədiyiniz kurortları
İnanılması çətin olsa da, amma büdcəli turistləri maqnit kimi özünə çəkən, onları “hər şey daxil” sistemi ilə cəlb edən Türkiyədə də sakit, xəlvəti və ardı-arası kəsilməyən turistlərin axınına uğramayan yerlər mövcuddur.
Gezmeli.az tonkosti.ru saytına istinadla qələbəliyi sevməyən turistlərin xoşuna gələcək Türkiyə kurortlarından bəhs edəcək.
Bu cür heyrətamiz məkanlardan biri Fəthiyənin ətrafında yerləşən Çalış qəsəbəsidir. Burada demək olar ki, elə bir infrastruktur yoxdur: sahilboyu tikilmiş kiçik otellər və Avropa və Şərq mətbəxlərinin nümunələrinin təqdim edildiyi bir iki balaca restoran. Amma sərbəst, təmiz və çox gözəl çimərliklər (doğrudur, rezin ayaqqabı ilə üzmək məsləhət görülür, çünki dənizin dibi daşlıdır) istirahət üçün çox əladır. Şəhər əyləncələrində iştirak etmək üçün isə piyada Fəthiyəyə getmək mümkündür.
İntrovert kurort həvəskarları üçün ən yaxşı istirahət məkanlarından növbətisi isə ecazkar dağ-dəniz mənzərəsi olan Ölüdənizdir. Buradakı mərkəzi Laquna sahilində səs-küylü ola bilər (insanlar idmanla məşğul olur və uşaqlarla istirahət edirlər), amma ətrafdakı Kidrak çimərliyində və nəhayətsiz qumluqları olan uzaqdakı Patara-Biçdə çox sakit və rahat şərait var.
Ölüdənizdə sakit dincəlmək istəyənlər tələsməlidir. Ətrafda sürətlə tipik otel kompleksləri tikilir. Məzuniyyəti oktyabra da planlaşdırmaq məsləhət deyil, çünki hava oyunları festivalı şəhəri yerli həvəskarların toplaşdığı mərkəzə çevirir.
Dənizin kənarında, qumluqda uzanıb dincəlməklə yanaşı ekskursiyalara getmək istəyənlər üçün Olimposa yollanmaq məsləhət görülür. Zəngin tarixi olan bu qədim şəhər günümüzdə milli park statusu alıb. Bu səbəbdən burada turizmi inkişaf etdirmək qadağan edilib. Burada otellərin yerinə koloritli pansionatlar, hətta ağaclarda tikilmiş bunqalo və taxtadan evlər mövcuddur. Çınqıllı, təmiz və dəniz tısbağalarının bol olduğu çimərlik, habelə Likiya sərdabaları, akropol və Yanartaş dağının ətəyi bu yerlərə xüsusi gözəllik bəxş edir.
Füsunkar türk çimərlikləri insan axınına uğrayan turizm məkanlarında uzaqlıqda “gizlənir”: Antalyadan 40 kilometr məsafədə yerləşən Kaputaş isə qayaların əhatəsindəki mənzərəli buxtadır. Akgöl gölünün yaxınlığında olan eyniadlı qoruq da gözəl istirahət məkanıdır. Dalyan rayonunda olan İztuzu tısbağa yuvaları və ağ-qızılı qumluqları, Marmarisin 80 kilometrliyində yerləşən Knidos isə təmiz suyu və dayvinq üçün əlverişli şəraiti ilə seçilir.
İstanbulun yaxınlığındakı sahildə də dincəlmək olar. Bərə ilə cəmi 1,5 saata siz meqapolisin səs-küylü atmosferindən Şahzadə adalarındakı idillik mühitə düşəcəksiniz. Böyükada və Heybəliada mərkəzi çimərlikləri daim dolub-daşır. Onların qonşuluğunda yaxşı infrastrukturu olan pullu istirahət zonaları və rahatlığı olmayan vəhşi yerlər var. Bu məkanlarda siz dənizin təmizliyindən və gözəl panoramdan zövq ala bilərsiniz.
Sumqayıt Regional Mədəniyyət İdarəsinin kollektivi Türkiyədə keçirilən festivallarda ölkəmizi uğurla təmsil edib – FOTOLAR
Sumqayıt Regional Mədəniyyət idarəsinin Abşeron rayon Novxanı kənd Sənətkarlıq klubunun “Xəzər ulduzları” mahnı və rəqs ansamblı festivalda iştirak edib. Türkiyənin Qaradəniz bölgəsində keçirilən festivallarda ölkəmizi uğurla təmsil edib.
Belə ki, Artvində keçirilən 10-cu Uluslararası Tülüm və Muzik festivalına, Rizədə keçirilən Uluslararası 30-cu Çay, Turizm və Yaz sporları festivalına və Trabzonda keçirilən Uluslararası Horon festivalına qatılan kollektivin ifasında “Qarabağ suitası”, “Yaylıqlarla rəqs”, “Qaval rəqsi”, “Ana yurd marşı” (rəqs-kompoziya) türkiyəli tamaşaçılar tərəfindən böyük maraq və alqışlarla qarşılanıb.
Artvində keçirilən Uluslararası Tülüm və Muzik festivalında Kamil Ağazadənin ifasında “Ana yurd marşı” (rəqs-kompoziya) ən yaxşı mahnı nominasiyasına layiq görülüb.
Rizədə keçirilən Uluslararası 30-cu Çay, Turizm və Yaz sporları festivalında kollektiv diplomla mükafatlandırılıb.
Kollektivin ən kiçik üzvü, balaca rəqqasə Gülnaz Zahirli Artvində keçirilən Uluslarası Tülüm və Muzik festivalında təşkil edilən gözəllik müsabiqəsində I yerə çıxıb. Trabzonda keçirilən Uluslararası Horon festivalında isə gözəllik müsabiqəsində III yerə layiq görülüb.
Qeyd edək ki, festivallarda Türkiyə, Azərbaycan, İran, Yunanıstan, Bolqariya, Rusiya, Dağıstan, Gürcüstan iştirak edib. Digər ölkələrdən rəqs və musiqi qrupları da tədbirdə olub.
Turist axını artıb, gömrük postunda sıxlıq yaranıb
Son günlərdə turist axınının və səyahətçilərin sayının artması Qərb Ərazi Baş Gömrük İdarəsinin “Mazımçay” gömrük postunda zaman-zaman nisbi sıxlıqların yaranmasına səbəb olub.
Dövlət Gömrük Komitəsindən verilən məlumata görə, gündəlik iş rejimində “Mazımçay” gömrük postunun idxal və ixrac nəzarət xəttləri vasitəsilə ümumilikdə 400 nəqliyyat vasitəsi sərhədi keçirdisə, ötən gün bu vəziyyət dəyişib. Gömrük postu vasitəsilə gömrük nəzarəti təmin edilməklə 440 nəqliyyat vasitəsi ölkə ərazisinə daxil olub. 460 avtomobil isə ölkəni tərk edib.
Avqustun 6-da günün birinci yarısına qədər isə 194 nəqliyyat vasitəsinin ölkə ərazisinə giriş olub. 191-nin isə çıxışı təmin olunub.
Hazırda “Mazımçay” gömrük postu gücləndirilmiş iş rejimində fəaliyyət göstərir. Sərnişinlərin və nəqliyyat vasitələrinin sürətli şəkildə sərhədi keçməsi üçün bütün zəruri tədbirlər həyata keçirilir.
Qeyd edək ki, hər il turizm mövsümündə, xüsusilə avqust ayında ölkə ərazisinə gediş-gəlişlərdə ciddi artım müşahidə olunur. Turizm sektorunun inkişafı ilə bağlı həyata keçirilən tədbirlər, eyni zamanda, ölkə iqtisadiyyatındakı ciddi inkişaf bu il həm turistlərin, həm də dincəlmək üçün xarici ölkələrə səyahət edən ölkə vətəndaşlarının sayının daha da artmasına səbəb olub.
Dünyanın ən böyük qapalı bazarı: Təbriz bazarı
Qədim tarixdən bəri İran şəhərlərinin strukturunda bazarlar mərkəzi yer tutub, ticarət marşrutlarının kəsişməsində yerləşib. Bu ərazilərdə bazarların eramızın 7-ci əsrindən başlayaraq mövcud olduğuna dair sübutlara rast gəlmək olar.
BBC-nin Farsca xidməti İran bazarları haqqında silsilə yazılar hazırlayıb. Onlardan biri dünyanın ən böyük örtülü bazarı sayılan Təbriz bazarıdır.
Ənənəvi bazarlar fəaliyyət göstərməkdə davam edən mədəni irsdir.
Burada iş görmək və istirahət etmək üçün yer və şərait var.
Bazar həyatını “şoppinqədək” endirən müasir ticarət mərkəzlərindən və ya mollardan fərqli olaraq köhnə bazarlar insanlara bir-biriylə söhbətləşmək, ünsiyyət qurmaq imkanı verir.
Beləliklə, köhnə bazarlar iqtisadi funksiyalarla bərabər sosial və mədəni funksiyalara da malikdir.
Cəmiyyətin müxtəlif təbəqələrinin nümayəndələri ənənəvi bazar həyatı kontekstində bir-birindən fərqli görünməyə çalışmırlar.
İran bazarları müxtəlif görünsə də, əslində çox oxşardır. Onlar hündürə yox, enə üzanan və ümumi bir dam altında fəaliyyət göstərən komplekslərdir.
Bazar məkanına məscid, məbəd, su anbarı, məktəb və hamam kimi bir-birini tamamlayan obyektlər daxildir.
Bundan əlavə, İran bazarlarının əsas elementləri müxtəlif şöbələr, qapalı dəhlizlər, bazara aid keçidlər və boş məkanlar, böyük və kiçik karvansaralar, anbarlar, böyük və misal üçün zərgərlik dükanları kimi kiçik obyektlərdən ibarətdir.
Təbriz bazarı
Təbriz bazarı kompleksinin tarixi 10-cu əsrə gedib çıxır.
Monqolların Elxanilər dövləti dövründə, yəni 13-14-cü əsrlərdə bu bazar İpək yolunun üstündə yerləşirdi və bu səbəbdən olduqca böyük bir əhəmiyyətə malik idi.
Qazan xan Təbriz şəhərini paytaxt elan etdi.
Həmin dövrlərdə yaşamış İran alimi və tarixçisi Həmdullah Mustovfi Qəzvini öz qeydlərində Təbriz şəhərini olduqca böyük bir şəhər kimi təsvir edib.
Elxanilər sülaləsi dövründən sonra bir müddət Təbriz şəhəri paytaxt kimi qalmaqda davam edib və Ağqoyunlu və Qaraqoyunlu dövlətləri dövründə də əhəmiyyəti yüksək olub.
Lakin illər keçdikcə səhərdə bazarın yerləşdiyi yer müxtəlif səbəblərə görə dəyişib.
Məsələn, 12-ci əsrdə baş verən zəlzələ Təbriz bazarının böyük bir hissəsinin dağıdılmasına səbəb olub.
Sonradan, Zəydilik və Qacar dövrlərinin sonunda memarlar bazarda bərpə işləri aparıblar.
Təbriz bazarının bum yaşadığı dövrlər Nəsir Xosrov və Yaqut Həməvi, İbn Bətutə, Markopulos və Jean Chardin-in səyahət qeydlərində də təsvir olunub.
Fətəli şah Qacarın dövründə vəliəhd Abbas Mirzənin iqamətgahının Təbrizdə yerləşməsi də bu şəhərdəki bumu daha da gücləndirmiş oldu.
Vəliəhd bazarın yaxınlığında, şərq tərəfdə, özü üçün bir saray tikdirdi.
Qərb tərəfdən isə bazarın bir ucu Cümə məscidinə gedib çıxır.
Bu gün, iki milyondan çox əhalisi olan Təbriz, İranın şimal-qərbində yerləşən yeganə meqapolis miqyasında olan bir şəhəridir.
Təbriz bazarı Təbriz şəhərinin tam mərkəzində yerləşir.
Təbriz bazarının və tavanının sahəsi 4000 kvadrat metrə çatır.
Təbriz bazarı İran bazarları arasında ən tam sosial quruluşa malikdir.
Kompleks özündə 2600-ə yaxın hücrə, dükan və mağaza, 2 növbəli iş rejimi, 1 qərargah, 2 məscid, 1 supermarket,3 dəhliz, 2 hamam, 1 məktəb və 1.5 marketləri birləşdirir.
Təbriz bazarının yerinə yetirdiyi funksiyaları texnologiya, distribütorluq və satış sahələrinə aid etmək olar.
Təbriz Bazar Kompleksi dünyanın ən böyük universal bazarlarından biri kimi tanınır.
Təbriz Bazar Kompleksi 2008-ci ildə İranın Milli Mədəni İrs Siyahısına və avqust ayında YUNESKO-nun Ümumdünya İrs Siyahısına daxil edilmişdir. Təbriz bazarının xarici görünüşü, şəhərin ümumi görünüşünə uyğun olaraq adi binalara bənzəyir.
Yağışlar və soyuq hava qapalı bazarın quruluşuna təsir göstərib. Təbriz bazarının tavanının hündürlüyü 5-6 metr təşkil edir və İranın tropik zonasında yerləşən bazarların tavanından daha qısadır, çünki istiliyi içəridə saxlamağa hesablanıb.
Təbriz bazarının ticarət sıralarının eni isə 4-5 metr enindədir.
Hər bir komanda müəyyən bir məhsula cavabdehdir. Ayaqqabılar, tekstil satıcıları, papaq istehsalçıları, çörəkçilər, dəyirmançılar, Çin tacirləri, meyvə-tərəvəz satıcıları – onların hamısının öz ayrıca yeri var.
Kiçik dükanların fərqli cəhəti onların qapalı olması, malların isə daha bahalı olmasıdır. Zərif kilimlər Müzəffəriyə dükanında satılır. Əmir dükanını isə qızıl və zərgərlik satışında ixtisaslaşıb. Ənənəvi Azərbaycan yun papaqları papaqçılar qrupu tərəfindən satılır.
Təbriz bazarının ticarət bölmələri şimal-cənub istiqamətlidir, odur ki, dəhlizlər şərq, şimal-şərq və cənub-qərb istiqamətində əsən küləklərin təsirinə məruz qalır. Dəhlizlər isti havanın çıxışını təmin etmək üçün bazar mərkəzi hissəsində yerləşir. Qışda qalın divarların istiliyi saxlaması üçün bazar dəhlizlərinin darvazaları qismən bağlı saxlanılır.
Təbriz bazarının bir hissəsi Nəsrəddin şah Qacar tərəfindən tikilmiş tarixi bir körpünün üzərində yerləşərdi.
Körpü 12-ci əsrdə sel nəticəsində dağılandan sonra onun yerində həmin körpünün təkrarlayan yenisi inşa edildi.
Təbriz bazar qrupları formaca fərqlidir, lakin təməlləri eynidir. Adətən dükanlar onları yaradan şəxslərin adını daşıyır.
Məsələn, Hacı Səfər Əli dükanının qurucusu, əslən Xoy çəhərindən olan və Təbrizdə yaşamış eyniadlı tacir olub.
Bazarın çılçıraq sistemi uzun dəhlizlərdə zəif və güclü işıq ardıcıllığını yaradır.
Novruz və ya Məhərrəm və Ramazan ayı kimi xüsusi günlərdə bu bazarın iqtisadi funksiyası kölgədə qalır, çünki bazar bayram məkanına çevrilir.
Xüsusilə şəhərdəki məscid və məktəblər, o cümlədən Sadıxiyə məktəbi də bazar kompleksinə daxil edildikdən sonra bu daha qabarıq özünü göstərir.
Təbriz bazarı İranın ən gur tarixi bazarlarından biri olsa da, yanğın kimi hadisələr də ondan yan keçməyib.
Bu ilin may ayında dükanlardan birində yanğın baş verib, bazarın bir hissəsinə 1 milyard tüməndən və 4 milyard dollardan çoxziyan dəyib.
Tarix boyu Təbriz bazarında həmişə yanğının baş verməsi riski yüksək olub.
Oktyabr və noyabr aylarında da Təbriz bazarında böyük yanğınlar olub.
Tikinti işləri zamanı elektrik enerjisində kəsilmələr Təbriz bazarı da daxil, İran bazarlarında, baş verən yanğınların əksəriyyətinin səbəbidir.
Təbriz Yanğınsöndürmə İdarəsinin statistikası da bazar kompleksindəki yanğınların əksəriyyətinin elektrik naqillərindən və qaynaq cihazlarından baş verdiyini təsdiqləyir. Digər yanğınlar ehtiyatsızlıqdan, yanan mayelərdən, qazdan və siqaret kötükləri səbəbindən baş verir.
Təbriz bazarındakı yanğınlar barədə Qacar dövrünün tarixçisi Etemad əl-Saltanah yazırdı: “Bir neçə il əvvələ qədər Təbriz bazarının damı tamamilə örtüldü, sahiblərin laqeydliyi isə yanğına səbəb oldu. ŞahzadəNəvab Vallah dörd-beş il əvvəl damların böyük hissəsini tağlarla örtdü və bu, vəziyyəti bir az yüngülləşdirməyə imkan verdi”.
Bu gün də Təbriz bazarının yanğından mühafizə tədbirlərinə ehtiyacı var, bazar dükanlarını anbar kimi istifadə etməmək və bazarda gecə-gündüz gözətçi olmaq ənənəsini canlandırmaq kimi sadə tədbirlər yanğının yayılmasının qarşısını ala bilər.
Bu ilin iyun ayının əvvəlində, mayın 9-da baş yanmış İke Kapilar Evi boşaldıldı və iyunun ortalarında bazar bərpa edildi. Bu, son iki onillikdə Təbriz bazarında aparılan bir çox bərpa işlərindən yalnız biridir.
Təbrizin tarixi bazarı ölkənin digər şəhərlərinin bazarlarını bərpa etmək üçün bir model olub.
Təbriz Bazarı Memarlıq sahəsində “Ağa Xan” Mükafatının beş qalibidir.
4 min dollarlıq mükafatın Təbriz bazarının bərpasına xərcləndiyi deyilir. Lakin bu təmir işlərinin heç biri bazarın təhlükəsizliyini təmin etməyib.
Bazarda hələ bir çox infrastruktur problemləri var, o cümlədən Təbrizdə köhnəlmiş kanalizasiya şəbəkəsi yenidən qurulmalıdır.
Mədəni İrs, Əl Sənətləri və Turizm Baş İdarəsi tərəfindən mərkəzləşdirilmiş şəkildə idarə olunan bazar tarixi eroziyaya məruz qalıb.
Təbriz bazarı, İranın bölgə bazarlarının misilsiz bir nümunəsidir.
Bununla belə, son illərdə şəhər dizaynına laqeyd yanaşılıb və bazara keçmişdəki kimi qayğı göstərilmir.
Təbii ki, bu, bazarın sosial-iqtisadi funksiyasını da azaldıb.
Hökümət və dövlət tərəfindən tədbir görülmədikcə, bazarın durumu getdikcə pisləşəcə bilər.
Azərbaycanda bir ildə turizmdən 56 milyon qazandılar
2018-ci ildə ölkədə fəaliyyət göstərən səyahət agentlikləri və turoperatorların gəlirləri 56 439 400 manat olub. Dövlət Statistika Komitəsindən Azvision.az -a verilən məlumata görə, ötən il bu müəssisələr tərəfindən 49 992 turizm yollayışı satılıb. Bunlardan 7390-ı ölkə daxilində səyahət etmək üçün Azərbaycan vətəndaşlarına, 36463-ü ölkədən kənarda səyahət etmək üçün Azərbaycan vətəndaşlarına, 6139-u isə Azərbaycan ərazisində səyahət etmək üçün əcnəbilər və vətəndaşlığı olmayan şəxslərə satılıb.
Bu müəssisələr tərəfindən ötən il satılmış turizm yollayışlarının ümumi dəyəri 66 570 700 manat olub.
2018-ci ildə səyahət agentlikləri və turoperatorlar tərəfindən qəbul edilmiş və göndərilən turistlərin sayı 83722 nəfər olub. Bunlardan 12777 nəfəri qəbul edilib, 70945 nəfəri isə göndərilib.
Qahirədən Qəbələyə ilk çarter reysi ilə 63 turist gəlib
Son illər Azərbaycanın turizm sektorunda böyük canlanma müşahidə olunur. Ölkəmizə gələn xarici turistlərin sayı ildən-ilə artır. Misirli turistlərin ölkəmizə gəlişini daha da asanlaşdırmaq məqsədilə “Zakher Travel” turizm şirkəti tərəfindən bu ilin avqustundan etibarən Misir Ərəb Respublikasının paytaxtı Qahirədən Qəbələ və Bakı istiqamətlərində birbaşa çarter reyslərinin həyata keçirilməsinə başlanılıb. İlk çarter reysi avqustun 7-də Qəbələ Beynəlxalq Hava Limanına reallaşıb. Təyyarədən enən 63 misirli turisti şirkətin nümayəndələri səmimiyyətlə qarşılayıblar. Turistlər üç gün Qəbələdə qaldıqdan sonra Bakıya yola düşəcəklər.
Şirkətin rəhbəri Cəfər Qarayev AZƏRTAC-ın bölgə müxbirinə bildirib ki, misirli turistlərin Azərbaycana səfəri bu ölkənin “Abosamra Travel” şirkəti ilə bağlanmış müqavilə əsasında həyata keçirilir. Çarter reysləri sentyabrın 7-dək davam edəcək. Bir ay ərzində 7 uçuşun həyata keçirilməsi nəzərdə tutulur. Turistlər üç gün Qəbələdə, dörd gün isə Bakıda 4 və 5 ulduzlu otellərdə yerləşəcəklər.
Turizm şirkətinin rəhbərinin sözlərinə görə, ilk çarter reysinin Qəbələyə reallaşması heç də təsadüfi deyil. Son illər Qəbələdə müasir standartlara uyğun turizm infrastrukturunun yaradılması istiqamətində çox böyük işlər görülüb. “Tufandağ” Qış-Yay Turizm İstirahət Kompleksi ilin bütün fəsillərində yerli və xarici turistlərin diqqətini özünə cəlb edir.
Cəfər Qarayev bildirib ki, bundan sonrakı uçuşlar Bakı şəhərinə olacaq. Sonuncu reyslə Bakıya gələn misirli turistlər öz ölkələrinə Qəbələ Beynəlxalq Hava Limanından qayıdacaqlar. Ümumiyyətlə, çarter reysləri vasitəsilə Azərbaycana 600-dək misirli turistin gələcəyi gözlənilir.
Qəbələ dünyanın məşhur turizm mərkəzlərindən birinə çevrilir ŞƏRH
Bütün fəsillərdə gözəlliyə qərq olan Azərbaycan yay fəslində də başqa bir ab-havada olur. Təbiətin bəxş etdiyi bütün yeraltı-yerüstü sərvətləri və iqlimi bu gözəlliyi daha da cəlbedici edir. Təbii ki, ölkəmizdəki, sabitlik, əmin-amanlıq istirahət üçün əlverişli bir məkandır. Turistlər də, məhz təbiəti bənzərsiz, əmin-aman bir ölkədə istirahətlərinin təşkilinə önəm verdikləri üçün seçdikləri məkanlar sırasında Odlar Diyarı kimi tanınan Azərbaycana üz tuturlar. Azərbaycanın Xəzərsahili istirahət və müalicə ocaqları, sanatoriya və kurortları, bir-birindən maraqlı yerli tarixi abidələri dünya turizm həvəskarlarının xidmətindədir.
Azərbaycanın nəfəsi turistlərdə başqa bir ovqat yaradır desək, fikrimizdə yanılmarıq. Mötəbər tədbirlərə ev sahibliyi edən, eləcə də, dünya ölkələrində ölkəmizlə bağlı xüsusi təqdim olunan reportajlar, yayımlanan verilişlər, yazılı medianın təqdim etdiyi məqalələr ölkəmiz haqqında mövcud olan real mənzərəni əks etdirmiş olur. Təqdim olunan materiallarda ölkəmizin qədim şəhərlərindən tutmuş bölgələrinə, ucqar kəndlərinədək uzanan rahat yolları, səliqəli hotelləri, çeşidli təamları, milli adət-ənənələri, yerli əhalinin mehribanlığı və s. amillər müxtəlif dinə, irqə məxsus insanlarda ölkəmiz haqqında olan təsəvvürləri daha da dərinləşdirmiş olur. Xüsusi ilə də, Azərbaycan mədəniyyəti, tarixi, hər daşına həkk olunan minilliklərin sorağı ölkəmizə marağı birə-beş artırmış olur. Təhlükəsizliyin yüksək səviyyədə təmin olunduğu bir məkanda istirahət etmək niyyətində olanlar ölkəmizə üz tutduqları üçün səhv seçim etmədiklərini dərk edirlər. İlbəil turistlərin sayında artımın baş verməsi də, məhz ölkəmizin bu və digər üstünlüklərə malik olmasına söykənir.
Xüsusi olaraq, vurğulayaq ki, turizm ölkəmizin iqtisadi inkişafında böyük perspektivlər açmasına da real zəmin yaradır. Bu məsələyə kompleks şəkildə yanaşan Azərbaycan Prezidenti İlham Əliyevin fərman və sərəncamlarına əsasən, ölkəmizdə turizm sənayesi həm daxili, həm də xarici qonaqları qəbul etmək üçün ildən-ilə inkişaf edir. Qeyd edək ki, turizm iqtisadiyyatımızın əlverişli hissəsi olmaqla, xırda və orta sahibkarlıq üçün də möhkəm baza yaradır, rayonda turizmin inkişafı yeni iş yerlərinin açılmasına kömək edir, regionun infrastrukturunun formalaşdırılması üçün əlverişli şərait yaranır. Bütün bunlar, əlbəttə, Azərbaycan Respublikası regionlarının sosial-iqtisadi inkişafı Proqramının və yoxsulluğun aradan qaldırılması Proqramının əsas müddəalarına cavab verir.
“AZƏRBAYCANIN İSVEÇRƏSİ”
Azərbaycanın belə gözəl məkanları sırasında Qəbələnin öz yeri və payı var. Bu diyarın təbiəti, uca dağları, yaşıl meşələri, təmiz havası, çayları, gölləri, şəlalələri, mənzərəli yerləri, həqiqətən də, istirahət üçün ən əlverişli məkanlar sırasındadır. Nadir təbii iqlim şəraiti, mineral bulaqları, tarixi İpək Yolunun üstündə yerləşən, Qədim Qafqaz Albaniyasının paytaxtı olan Qəbələ tarixi və müasirliyi özündə birləşdirir. Bu yerlərin təbii gözəlliyini yüksək qiymətləndirən Ümummilli Lider Heydər Əliyev Qəbələni “Azərbaycanın İsveçrəsi” adlandırıb.
Qəbələnin təbii sərvətləri sistemində onun mineral suları sırasında olan – mineral bulağı Qəmərvan kəndindən 5 km şimalda, Bum çayı dərəsində, 1388 metr hündürlükdə səthə çıxan termal-mineral sudur. Bulaq kükürdlü və dəmirli birləşmələrlə zəngindir. Suyunun kimyəvi və fiziki xassələrinə, müalicəvi əhəmiyyətinə görə, Qəmərvan mineral bulağı Qərbi Avropada məşhur olan Kuldur mineral suyu ilə analoq təşkil edir.
AZƏRBAYCAN TƏBİƏTİNİN YEGANƏ TƏBİİ ABİDƏSİ
Bitki örtüyünün zənginliyinə və növ tərkibinin müxtəlifliyinə görə seçilən Qafqaz meşələrinin ayrılmaz tərkib hissəsi olan Qəbələ rayonunun meşə örtüyü füsunkarlığı, al-əlvanlığına və heyrətamizliyinə görə diqqəti cəlb edir. Gur yağan leysan yağışlar, isti hava şəraiti bu ərazidə həmişəyaşıl sıx meşə örtüyünün inkişafına səbəbdir.
Qəbələnin dağ və düzən meşələri endemik və relikt bitkilərlə, meyvə və giləmeyvə ağac və kol bitkiləri ilə zəngindir. Azərbaycan təbiətinin yeganə təbii abidəsi olan rayonun Həmzəlli kəndindəki Qaracöhrə ağaclarının (yaşı 250-300 ildən çox) əmələ gətirdiyi sıx meşəlik, nəinki ölkəmizin, eləcə də, onun hüdudlarından çox-çox uzaqlarda yaşayan alim və tədqiqatçıların diqqətini özünə cəlb etmişdir. Burada qarağat, yasəmən, çaytikanı, şabalıd və cökə çiçəkləri, yaylaqlarda, çəmən və düzlərdə yayılmış kəkotu, qaraqınıq, sarıçöp, astraqal, baldırqan təbii şəkildə yayılan qızılgül və s. çiçəkli ot bitkiləri arıçılığın inkişafı və xalq təbabəti üçün geniş imkanlar yaradır.
1993-cü ildə rayonun Vəndam, Dəmiraparan, Həmzəlli, Bum və Qaraçay çaylarının hövzələrində, həmçinin, Əlvan (Alban) dərəsi ərazisində Qəbələ dövlət təbiət yasaqlığı yaradılmışdır. Qeyd olunan yasaqlıqda düzən və dağ-meşə lantşaftının müxtəlif ağac və kol bitkiləri, eləcə də, nəsli kəsilmək təhlükəsi olan dağ kəli, qarapaça, cüyür, ayı, qaban, vaşaq və s. nadir heyvanlar mühafizə olunur.
BU MƏKANIN HƏR YERİNDƏN ƏSRLƏRİN SƏSİ GƏLİR
Azərbaycanın ən gözəl məkanlarından biri olan Qəbələ həm də çoxlu sayda tarixi abidələri, maddi-mədəniyyət nümunələri ilə məşhurdur. Bu tarixi abidələr Qəbələnin tarixinin min illər bundan əvvəllərə gedib çıxdığını göstərir. Bu füsunkar yurd yerinin qədim tarixi, adət-ənənələri, xalq sənəti nümunələri çox zəngindir. Şanlı keçmişə malik və yüz illər boyu Qafqaz Albaniyasının paytaxtı olmuş Qəbələnin hansı daşını tərpətsən, haraya ayaq bassan orada min illər bundan əvvəlki tariximizin izlərini görmək olar. Buranın hər bir daşından əsrlərin səsi eşidilir. Təbii ki, bu məkanda tarix və mədəniyyət abidələrinin say baxımından çox olması turistlərin axınında önəmli rol oynayır. Əmili kəndində IV-VIII əsrlərə aid alban məbədi, Bum kəndində XIX əsrə aid məscid, Bayramkoxa kəndində IX-XIV əsrlərə aid Ustacan qalası, Şəfili kəndində XVII əsrə aid məqbərə, Həmzəli kəndində XVI əsrə aid Şıxbaba piri, Komrad dağının zirvəsindəki Komrad piri, Nic kəndində Hacı Qərib məscidi və s. xarici turistlərin Qəbələyə səfəri zamanı ən çox ziyarət edilən yerlərdir. Bu tarixi məkanların adını vurğulayarkən, Nic kəndinin yaxınlığında Yalovlu dağda eramızdan əvvəl III-I əsrlərdə insan məskənləri olduğunu da qeyd etməliyik. Mənbələrdə göstərilir ki, bu ərazidə dəmir bıçaqlar, xəncərlər, qılınclar, tuncdan hazırlanmış üzüklər, qızıl sırğalar, dəyirman daşları və başqa əşyalar aşkar edilib.
TURİZM-İSTİRAHƏT MƏRKƏZLƏRİ DAĞ, ÇAY VƏ MEŞƏ ZOLAQLARI İLƏ ƏHATƏ OLUNUB
Müasirliyi ilə tarixi özündə birləşdirən Qəbələdəki müasir tikililər ona başqa bir görkəm verib. Xüsusilə də, turistlərin müasir standarlara cavab verən məkanlarda istirahəti üçün tikilən otellər diqqəti cəlb edir. Bu turizm-istirahət mərkəzləri dağ, çay və meşə zolaqları ilə əhatə olunub. Hər bir obyektdə istirahət üçün gözəl şərait yaradılıb. Geniş ərazilərdə atla gəzinti, meşə gəzintisi, balıq ovu, göldə qayıqla gəzinti, üzgüçülük hovuzları, buz üstdə konki meydançası, alpinizm məşğələləri hər bir turisti maraqlandırır. Prezident İlham Əliyev Qəbələ rayonuna səfərləri zamanı
yeni beşulduzlu otel və istirahət mərkəzlərinin açılışında iştirak edir, turizmin daha da inkişafı üçün dəyərli tövsiyələrini verir. Dövlət başçısı çıxışlarının birində belə deyib: “Qəbələ, sözün əsl mənasında, sürətlə inkişaf edir, böyük quruculuq-abadlıq işləri aparılır. Burada turizm infrastrukturunun inkişafı üçün çox böyük işlər görülür və Qəbələ dünya miqyasında turizm mərkəzlərindən birinə çevrilməlidir”. “Qafqaz Resort” Hoteli öz cazibədar təbiəti, Şərqə məxsus qonaqpərvərliyi ilə regionun ən üstünlük verilən otellərindən biridir. 2008-ci il ildə ölkə Prezidenti İlham Əliyev tərəfindən rəsmi açılışı olan otel Böyük Qafqaz sıra dağlarının ətəyində, Dəmiraparan çayının sahilində yerləşir. “Qafqaz Riverside” Hoteli də Qəbələnin Dəmiraparan çayı sahilindədir. 2009-cu ildə ölkə Prezidenti İlham Əliyevin iştirakı ilə istifadəyə verilən otel müasir standartlara uyğun qurulub. Böyük Qafqaz sıra dağlarının ətəyində yerləşən “Qafqaz Sport”, “Qafqaz Karvansaray” və s. bu kimi otellərdə turistlərin istirahəti üçün hər bir şərait mövcuddur. Qəbələ rayonunda mövcud olan turizm obyektləri hər il nüfuzlu sərgilərdə, dünya səviyyəli ixtisaslaşdırılmış yarmarkalarda iştirak edir və bazarda özünün turizm imkanlarını nümayiş etdirir.
“TUFAN” DAĞ-XİZƏK YAY-QIŞ İSTİRAHƏT KOMPLEKSİ GÜN ƏRZİNDƏ ÜÇ MİN NƏFƏRƏ XİDMƏT GÖSTƏRMƏK İMKANINA MALİKDİR
Turizm məkanlarından söz açarkən, əlbəttə ki, “Tufan” Dağ-Xizək Yay-Qış İstirahət Kompleksinin qeyd etməmək mümkün deyildi. Azərbaycan isti iqlim qurşağında yerləşməsinə baxmayaraq, nadir ölkələrdəndir ki, ən yüksək dünya standartlarına cavab verən nəhəng qış turizm infrastrukturları və kompleksləri yaradır. Belə ki, turizm sahəsində məqsədli şəkildə həyata keçirilən layihələr qış turizminin inkişafına da yeni yollar açdı. “Şahdağ” Qış-Yay Turizm Kompleksinin yaradılması Azərbaycanın qış turizminin inkişafında uğurlara gətirib çıxardı. Qış turizminin inkişaf etdirilməsi ilə bağlı atılan növbəti addımlardan Qəbələdəki “Tufan” Dağ-Xizək Yay-Qış İstirahət Kompleksi oldu. Bu iri kompleksin inşası göstərir ki, Azərbaycanda turizmin inkişafına və bu sahədə infrastrukturun yaradılmasına xüsusi diqqət göstərilir. “Tufan” Dağ-Xizək Yay-Qış İstirahət Kompleksində nəhəng infrastruktur yaradılıb. Ərazidə insanların rahat istirahəti üçün hər cür şəraitə malik infrastrukturun, o cümlədən, mehmanxana, ofislər, uşaqlar üçün istirahət guşəsi və digər müvafiq obyektlər yaradılıb. Burada turistlərin istirahətinin təşkili üçün hər cür şəraiti olan restoranlar da yaradılıb. Ümumiyyətlə, bu nəhəng istirahət məkanı ilin bütün fəsillərində turistlərə kanat gəzintisinə, qış mövsümündə xizəklə sürüşməyə, xizəkçilik məktəbindən, otel və digər xidmətlərdən istifadə etməyə imkan verir. Kompleksin əhəmiyyətini artıran mühüm amillərdən biri də burada turistlərin trassa sistemini özlərinə uyğun seçmək imkanlarının olmasıdır. Bütün dağ-xizək trassası süni qar yaratma generasiya sistemi ilə təchiz edilib. Bütünlükdə, “Tufan” Dağ-Xizək Yay-Qış İstirahət Kompleksi gün ərzində üç min nəfərə xidmət göstərmək imkanına malikdir. Yaradılan şərait, bir daha təsdiqləyir ki, artıq turistlər ilin bütün fəsillərində Qəbələyə səfər edə bilirlər. Yay mövsümündə minlərlə qonağı qarşılayan bu məkan qışda da turistləri ən gözəl istirahət mərkəzinə çevrilib.
Rayonda turizm sektorunun inkişafı üçün ixtisaslı kadrlar hazırlayan Qəbələ Rayon Turizm və Otelçilik üzrə Peşə Tədrisi Mərkəzi respublikamızın müxtəlif bölgələrindəki turizm obyektlərinin də kadrla təmin edilməsi istiqamətində uğurla fəaliyyət göstərir. Ümummilli Lider Heydər Əliyevin layiqli davamçısı Prezident İlham Əliyevin məqsədyönlü siyasətinin nəticəsidir ki, bu gün ölkəmizin bütün bölgələri, o cümlədən, Qəbələ sürətlə inkişaf edir. Rayonun sosial-iqtisadi inkişafı və zəngin turizm potensialı yaxın illərdə Qəbələnin dünyanın məşhur turizm mərkəzlərindən birinə çevriləcəyinə zəmin yaradır.
RAYON TURİZMİNİN İNKİŞAF DİNAMİKASININ YÜKSƏLƏN TEMPLƏ DAVAM ETMƏSİNƏ ƏSAS OLAN AMİLLƏR
2010-cu ildə Qəbələdə ikimərtəbəli avtovağzal binası açılıb. Qəbələdə nəqliyyat sahəsinin inkişafına ciddi təsir göstərən avtovağzaldan rayonun bütün kəndlərinə marşrutlar işləyir. Həmçinin, ölkədaxili istiqamətlərdə və Türkiyə, Rusiya, eyni zamanda və MDB-nin digər dövlətlərinə avtobus reysləri fəaliyyət göstərir. 2011-ci ildə Azərbaycan Respublikasının Prezidenti İlham Əliyevin tapşırığı ilə Qəbələ rayonunda beynəlxalq standartlara cavab verən Qəbələ Beynəlxalq Aeroportu istifadəyə verilib. Aeroportda aviasiya təhlükəsizliyi, sərhəd və gömrük xidmətlərinin əməkdaşlarının rahat işləmələri üçün hərtərəfli şərait yaradılıb. Terminalda ən müasir təhlükəsizlik sistemləri quraşdırılıb. Sərnişinlərin qeydiyyatı və VIP salonu da ən son avadanlıqla təchiz olunub.
Qəbələnin son illər bir sıra beynəlxalq mədəni-kütləvi tədbirlərə ev sahibliyi etməsi də bu rayona işgüzar səfərə və istirahətə gələnlərin sayını dəfələrlə artırmışdır. Artıq ənənə halını almış və hər ilin yay aylarında keçirilən Qəbələ Beynəlxalq Musiqi Festivalında dünyanın müxtəlif ölkələrindən dünya şöhrətli musiqiçilər iştirak edirlər. Festivalda səsləndirilən klassik musiqiləri canlı dinləmək üçün yüzlərlə yerli və xarici musiqi həvəskarları Qəbələyə təşrif buyururlar. Qonaqlar musiqi bayramında iştirak etməklə yanaşı, rayonun müasir turizm obyektlərində dincəlir, tarixi abidələri ilə tanış olur və əsrarəngiz təbiətini seyr edirlər. Rayonda turizmin inkişaf dinamikası yüksələn templə davam edir.
NİCİN TİMSALINDA AZƏRBAYCANDA MÖVCUD OLAN MULTİKULTURALİZMİ GÖRMƏMƏK MÜMKÜN DEYİLDİ
Qəbələ həm də müxtəlif xalqların bir məkanda yaşadığı yerdir. Bura gələn turistlər multikulturalizmin Azərbaycanda yaşadığını və bu yaşam tərzinin sülh və dostluq üçün unikal model olduğunu öz gözləriylə görürlər. Azərbaycan xalqına bugünkü rifahı bəxş etmiş və ölkəmizdəki multikultural mühitin siyasi bünövrəsini yaratmış Ulu Öndər Heydər Əliyevin siyasətini ləyaqətlə davam etdirən Azərbaycan Prezidenti İlham Əliyev sülh və əmin-amanlığa, xalqlar arasında dostluğun möhkəmlənməsinə töhfələr verir. Cənab Prezidentin Sərəncamı ilə 2016-cı ili Azərbaycanda “Multikulturalizm İli” elan edilməsi sülhə, şəfqətə və barışa dünya miqyasında bir çağırış oldu. Fərqli dinin, fərqli etnosun yaşadığı Nicin timsalında Azərbaycanda mövcud olan multikulturalizmi görməmək mümkün deyildi. Fərqli dinin, fərqli etnosun yaşadığı Qəbələ rayonunun Nic kəndi udilərin ən iri yaşayış məskənidir. Azərbaycanın qədim yerli xalqlarından biri olan udilər haqqında hələ Herodot, Plini və Strabonun əsərlərində məlumat verilmişdir. Dünyanın etnik xəritəsində udi adlı etnos bu gün, əsasən, Azərbaycan ərazisində mövcuddur. Udilər Qafqazın qədim sakinlərindəndir, dilləri Qafqaz dilləri ailəsinin ləzgi yarımqrupuna məxsus olub, çoxlu qədim ünsürləri özündə qoruyub-saxlaya bilmişdir. Tarixən Günəşə, Aya sitayiş edən udilər IV əsrin əvvəllərində xristianlığı qəbul etmiş və bu günə kimi dinini saxlamışlar. Nic qəsəbəsindəki Alban-Udi xristian kilsəsi bura gələn xarici turistləri təəccübləndirməyə bilməz. Kilsədə səslənən arqan musiqisi insanları riqqətə gətirir. Qeyd edək ki, Qəbələ rayonunun Nic qəsəbəsində yerləşən “Çotari” Alban-Udi kilsəsi yerli sakinlərin vəsaiti hesabına 1723-cü ildə inşa edilib. Kilsənin adı qəsəbədəki Çotari məhəlləsinin adından götürülüb. Sovet hakimiyyəti illərində fındıq anbarı kimi fəaliyyət göstərmiş kilsədə 2003-cü ildə əsaslı bərpa və yenidənqurma işlərinə başlanılmış, 2006-cı ildə dindarların istifadəsinə verilmişdir.
Bu gün Qəbələdə udi xalq rəqslərinin sədaları altında keçirilən toy-düyün, müsəlman ölkəsindəki bir xristian məbədində bağlanan mənəvi ittifaq əsl tolerant mühitin ölkəmizdə olduğunun bir göstəricisidir. Dünyanın belə bir çətin zamanında yaşamağımıza baxmayaraq, Azərbaycanda multikulturalizm yaşayır. Əbəs yerə deyilmir ki, Azərbaycan dünyada tolerantlığın və multikulturalizmin paytaxtıdır.
TURİSTLƏRİN İSTİRAHƏT ÜÇÜN VERDİKLƏRİ QƏRAR: QƏBƏLƏYƏ SƏFƏR
Qədim Qəbələnin tarixi məkanları, gözəl təbiəti və müasir istirahət mərkəzləri turistləri heyran edir. Bu gün Qəbələyə gələn turistlərin sayı artmaqdadır. Mövcud turizm obyektlərində gün ərzində 2500 qonaq qarşılamaq, onlara yüksək səviyyədə xidmət göstərmək mümkündür. 2009-cu ildə 29 min 558, 2010-cu ildə 30 min 450, 2011-ci ildə 39 min 960, 2012-ci ildə 42 min 545, 2013-cü ildə isə 45 min 675 turist Qəbələ rayonuna gəlmişdir. 2014-cü ildə Qəbələ rayonuna gələn xarici və yerli turistlərin sayı 49 min 969 nəfər olmuşdur. Bu da 2013-cü ildə rayona gələn turistlərin sayından 4294 nəfər çoxdur. 2015-ci ildə isə Qəbələyə 80 min 200 nəfər yerli və xarici turist gəlmişdi. 2016-cı ildə gələn turistlərin sayı 99 min 700 nəfər olub. 2017-ci ilin 8 ayında Qəbələyə 218 min 118 turist gəlib. İstirahətə gələnlərin 89 min 217 nəfəri yerli, 128 min 901 nəfəri əcnəbi turistlərdir. Turistlərin əksəriyyəti Rusiya, Türkiyə, Böyük Britaniya, İraq, Ukrayna, Latviya, İran, Birləşmiş Ərəb Əmirliyi, Gürcüstan, Səudiyyə Ərəbistanı, Qətər, İsrail, Pakistan və Misirdən olub. 2018-ci ildə isə təkcə yay ərizində 277 min 283 nəfər turist səfər etmişdi. Göründüyü kimi, Qəbələni ən gözəl və rahat məkan kimi seçib istirahət etmək istəyən turistlərin sayı ilbəil artır.
Daşkəsəndə növbəti səyyar görüş keçirilib
Bu gün Daşkəsən Rayon İcra Hakimiyyətinin Başçısı Əhəd Abıyevin növbəti səyyar qəbulu Əhmədli kəndində olub. SİA-nın verdiyi məlumata görə, qəbulda rayon icra hakimiyyətinin məsul əməkdaşları, hüquq-mühafizə orqanlarının, aidiyyəti idarə, müəssisə və təşkilatların rəhbərləri, kənd sakinləri iştirak ediblər.
Görüşdə çıxış edən Daşkəsən Rayon İcra Hakimiyyətinin başçısı Əhəd Abıyev kənd sakinlərinin həyat səviyyəsinin yüksəldilməsi istiqamətində Prezident cənab İlham Əliyev tərəfindən qarşıya qoyulan vəzifələr haqqında geniş məlumat verib. Həyata keçirilən tədbirlər barədə danışıb, kənd təsərrüfatının ayrı-ayrı sektorlarının, o cümlədən turizmin inkişafı istiqamətində ərazidə görüləcək işlərdən söz açıb.
Rayon rəhbəri xüsusilə vurğulayıb ki, ötən dövrlərdə Əhmədli kəndinin də yerləşdiyi ərazi vahidliyində xeyli abadlıq-quruculuq işləri görülmüşdür.
Qəbulda sakinlər tərəfindən rayon mərkəzindən kəndə gələn avtomobil yolunun asfaltlaşdırılması, əlavə içməli su və təbii qaz xəttinin çəkilməsi, nasaz elektrik dirəklərinin dəyişdirilməsi və digər şəxsi məsələlər qaldırılıb.
Rayon İcra Hakimiyyətinin Başçısı Əhəd Abıyev sakinlərin müraciətlərinin həlli ilə bağlı aidiyyəti üzrə tapşırıqlarını verib. Əksər müraciətlər yerində həll edilib. Bəzilərinin icrası isə nəzarətə götürülüb.
Kənd sakinləri vətəndaşlara göstərilən diqqət və qayğıya görə ölkə Prezidentinə minnətdarlıqlarını bildiriblər.
DELTA HOTELS BY MARİOTT BODRUM – Go Travel
?QAYNAR TUR?
DELTA HOTELS BY MARİOTT BODRUM
(dəniz mənzərəli otaq növü ilə)
?2 böyük – 2060 USD
❗Qiymətə daxildir:
✈ – Aviabilet (gediş-dönüş)
? – 23kq baqaj + 10kq əl yükü
? – Otel (7 gecə / 8 gün)
? – Qidalanma gündə 5 dəfə (All inclusive)
? – Səyahət Sığortası
? – Transfer (Hava limanı – Otel arası nəqliyyat)
? – Hədiyyə (Dubay turu)
? – Tarix 01.09.19 – 08.09.19 – 2 nəfər üçün nəzərdə tutulmuşdur.
Əlavə məlumat üçün:
☎+994 12 564 60 30
?+994 50 664 60 30 (WhatsApp+Zəng)
?+994 55 664 60 30 (WhatsApp+Zəng)
?+994 70 664 60 30 (WhatsApp+Zəng)
? Fətəli Xan Xoyski 85 (Gənclik metrosunun çıxışı, Gənclik Mall ilə üzbəüz 200 nömrəli məktəbin yanı)
