Qazaxıstan televiziyası Azərbaycanla bağlı veriliş yayımladı
Dövlət Turizm Agentliyi: Turizm şirkətləri sağlam rəqabət aparmalıdır
“Dövlət Turizm Agentliyi yeni turizm məhsullarının yaradılması üzərində işləyir”.
“Report” xəbər verir ki, bunu Agentliyin aparat rəhbəri Kənan Qasımov “Azərbaycanda aqroekoturizmin inkişaf perspektivləri” adlı “dəyirmi masa”da deyib.
Bundan başqa, onun sözlərinə görə, təmsil etdiyi qurumum məqsədi ölkədə peşəkar turizm şirkətlərinin fəaliyyət göstərməsidir.
“Dövlət Turizm Agentliyi kəndlərlə turizm şirkətləri arasında əlaqə yaratmağa çalışır. Şirkətin potensialı olmalıdır və onların rəqabəti bir-birini gücləndirməlidir. Bəzən şahidi oluruq ki, bir turizm şirkəti yüksəlmək üçün rəqibini aşağılamağa çalışır. Lakin rəqabət sağlam olmalıdır”, – K.Qaslmov qeyd edib.
Turizm və kənd təsərrüfatı sahələri üzrə modul dərsliklər hazırlanıb
“Kənd təsərrüfatı məhsullarının saxlanılması və anbarlanması üzrə logistika mütəxəssisi” ixtisası üzrə kurikulum proqramı hazırlanıb. Kurikulum proqramına uyğun olaraq 6 yeni modul dərslik çap olunub. Təhsil Nazirliyi tərəfindən nəşr hüququ (qrif) verilən modul dərsliklər artıq tələbələrin istifadəsinə təqdim olunub.
Təhsil Nazirliyindən Trend-ə verilən məlumata görə, yeni məzmunlu, praktik tapşırıqlar dərslikdə geniş yer alıb. Həmçinin dərsliklər Almaniya Əməkdaşlıq Cəmiyyətinin (GİZ) dəstəyi ilə hazırlanıb.
Qeyd edək ki, sözügedən təşkilat tərəfindən 2018-ci il ərzində Avropa İttifaqının maliyyə dəstəyi ilə “Qəbələ, İsmayıllı və Qax rayonlarının kənd təsərrüfatı və turizm sahələrində Dual peşə təhsili və təlimi pilotlarının yaradılması” (EDVET) qrant layihəsi çərçivəsində “Turizm təşkilatçısı”, “Mehmanxana inzibatçısı” və “Turizm sahəsində iaşə üzrə mütəxəssis” ixtisasları üzrə kurikulumlar tərtib olunub və 16 modul dərslik hazırlanaraq çap edilib.
Moskva və Kiyev arasında qaz tranziti və qarşılıqlı iddialar barədə razılıq əldə olunub
Moskva və Kiyev Ukrayna vasitəsilə qaz tədarükünün davam etdirilməsi şərtləri barədə razılığa gəliblər. Danışıqlar Minsk yaxınlığındakı “Syabrı” turizm kompleksinin atıcılıq və idman mərkəzinin ərazisində bağlı qapılar arxasında baş tutub.
APA “RİA Novosti”yə istinadən xəbər verir ki, bu barədə jurnalistlərə açıqlamasında “Qazprom”un nümayəndəsi bildirib.
“Rusiya və Ukrayna tərəfləri Ukrayna ərazisi ilə qaz tranzitinin davam etdirilməsi və qarşılıqlı tələblərin tənzimlənməsi barədə saziş protokolu imzalayıblar”, – deyə məlumatda bildirilib.
Bununla yanaşı, şirkət rəsmisi yeni qaz razılaşmasının təfərrüatlarına toxunmayıb.
Mavi yanacağın Ukrayna üzərindən tranzitinə dair mövcud müqavilənin müddəti bu ilin sonunda başa çatır. Moskva və Kiyev Avropa Komissiyasının iştirakı ilə ikitərəfli görüşlərdə və üçtərəfli formatda aparılan danışıqlarda sazişin uzadılması imkanlarını müzakirə ediblər.
Qeyd edək ki, bu ərəfələrdə Almaniyada Avropa Komissiyasının vitse-prezidenti Maroş Şefçoviçin tərəflərin “prinsipcə razılığa gəldiklərini” açıqlaması ilə nəticələnən görüş keçirilib. Danışıqlar Minskdə də davam etdirilib.
Bu arada, Ukrayna prezidentinin ofisi də Avropa Komissiyası, Ukrayna və Rusiya nümayəndələrinin Rusiya qazının Ukrayna ərazisindən Avropaya tranziti və qarşılıqlı iddiaların tənzimlənməsi barədə yekun razılığa gəldiklərini təsdiqləyib. Bu barədə ofisin mətbuat katibliyi məlumat yayıb.
“Avropa Komissiyası, Ukrayna və Rusiya nümayəndələri bu gün Rusiya qazının Ukrayna ərazisindən Avropa istehlakçılarına tranziti və qarşılıqlı iddiaların tənzimlənməsi ilə bağlı prinsipial mövqelər barədə yekun razılığa gəliblər”, – deyə məlumatda qeyd olunur.
Dünyada maraqlı Yeni il qarşılamaları – gül ləçəkləri olan suda çimmək, bir gilə üzüm, uzun spagetti…
Yeni il dünyanın müxtəlif ölkələrində böyük coşğu və sevinclə qarşılanır desək, yəqin ki, yanılmarıq. Hamı bu bayramı möhtəşəm hislərlə qarşılasa da, hər ölkənin bayramı keçirmək adət-ənənəsi fərqlidir.
Modern.az dünya ölkələrinində Yeni ilin necə qarşılanması və qeyd edilməsi ilə bağlı kiçik araşdırma edib.
İNGİLTƏRƏ
İngiltərədə “evə ilk gələn insan” anlayışı çox önəmlidir. Yəni, xalq olaraq ingilislər düşünür ki, Yeni il daxil olan kimi evə kim gəlsə onlara uğur gətirəcək. Buna görə saat 00:00-ı keçən kimi ən gözlənilən qonaq yaraşıqlı bir kişi olur. Onlar düşünür ki, əgər evə gənc, sağlam və yaraşıqlı bir kişi qonaq gələrsə, il uğurlu keçər. Bayram günü uşaqlar səhər tezdən oyanıb küçəlrə çıxır, şən mahnılar oxuyurlar. Uşaqların hava qaralandan sonra küçədə gəzməsini isə ingilislər uğursuzluq kimi qiymətləndirirlər. İngiltərənin bəzi ərazillərində köhnə adət-ənənələr də öz aktuallığını itirməyib. Belə ki, təsərrüfatla məşğul olan bəzi cütlüklər bayram səhəri öz həyətyanı ərazi və ya tarla, bağda yararlı olmayan məhsulu yandırıb, növbəti ilin daha məhsuldar olacağını düşünürlər.
ABŞ
ABŞ-da bayram günü “Hoppin John” adlı maş lobya bişirilir. Ümumiyyətlə, amerikalılar lobyanın tək yeni il bayramında yox, bütün il boyu bişirilməsinin uğur gətirəcəyini düşünürlər. Bayram günün ən məşhur adəti isə Nyu-Yorkda böyük ölçülü kristal topun binanın damından aşağıya doğru atılıb, sındırılmasıdır. Yeni ilin daxil olmasına saylı dəqiqələr qalmış Nyu-Yorkda hündür binanın üzərindən aşağı doğru atılan kristal topu illərdir ki, təkcə internet vasitəsilə milyarddan çox insan izləyir. Normalda amerikalılar 25 dekabr, yəni İsanın doğum gününü xüsusi qeyd etsələr də,Yeni il bayramı günü qonaqlıqlara gedib, axşam sevdikləri komandanın oyununu izləməyə üstünlük verirlər .
YAPONİYA
Yapon xalqı Yeni ilin ilk üç günü yemək bişirməyin uğursuzluq gətirdiyni düşünür. “Ömisoka” adlandırılan 31 dekabrı yaponlar ilin ən önəmli ikinci günü hesab edirlər. İlin ən önəmli günü isə 1 yanvardır. Bayram günlərində bu xalq təmizliyə çox önəm verir, ev, ofis və məktəblərdə təmizlik işləri görünür, axşam ən sevimli yemək bişirilir. Normalda, dünya ölkələrində hind toyuğunun bayram gününün ənənəvi yeməyi olsa da, yaponlar bayram axşamı “toshikoshiudon” adlanan ən uzun spagetti bişirirlər. Uzun spagetti bir ildən digər ilə qədər uzanan ömür yolunu təsvir edir.Yaponiyanın hər yerində bir növ alkoqollu spirtli içki hesab edilən “amazake” gecə yarısına qədər gözləmək üçün meydanlara toplaşan insanlara paylanır.
ARGENTİNA
Dünyanın əksər böyük ölkələrindən fərqli olaraq Argentinada insanlar bayram axşamını klublarda, qonaqlıqlarda və küçədə keçirməyi sevmir. Bayram günü axşam 21:00-da artıq hər kəsi iş yerlərini bağlayıb evə toplaşır. Cənubi Amerikanın bəzi yerlərində olduğu kimi bu ölkədə də əgər bayram axşamı kimsə əlində çamadanla şəhəri gəzməyə çıxırsa, həmin şəxsin ilboyu səyahət edəcəyi düşünülür. Eyni zamanda, Argentinada axşam paxla yeyərək yatmağın il ərzində uğur gətirəcəyinə də inam var.
PERU
Peruda bayram axşamı üzümü çox yeməyin il ərzində uğur gətirəcəyi düşünülür. Ölkənin paytax şəhəri Lima küçələri bayram günü böyük şənliklərə ev sahibliyi etmir. Yaşlı nəsildən fərqli olaraq Peruda gənclər bayram axşamı dəniz kənarında oturmağı, yeni ilə dəniz sahilində girməyi sevirlər. Hətta siz bir qədər geciksəniz, sahildə oturmaq üçün yer də tapa bilməzsiniz. Eyni zamanda, Peruda insanlar bayram günü gül ləçəkləri olan suda çimməyin şans yaradacağını da düşünürlər”.
BRAZİLİYA
Yay-qış Braziliya isti bir ölkə olduğu üçün yanvar ayı burada yayı təmsil edir. Yeni il, bayram kimi qeyd edilməklə yanaşı həm də turizm mövsümününü açılışı kimi xüsusi qeyd edilir. Ölkə bayram çərçivəsində bir çox oyunlara, “Müqəddəs Silvester Marafonunu”na ev sahibliyi edir. Marafon zamanı küçələrdə böyük insan axınına da rast gəlinir. 31 Dekabr axşma saat 00:00 olan kimi ölkədə böyük atəşfəşanlıq təşkil olunur, küçələr işığa qərq olur.
KUBA
Kubada bayram axşamı insanlar evin hər iki qapısını açıq qoyurlar. Onlar bununla köhnə ili yola salıb, Yeni ili qarşıladıqlarını düşünürlər. Kubalıların çoxu bayramı pivəxana və restoranda keçirməyi sevir. Bayram günü ilin hər ayı üçün bir gilə üzüm yemək Kubanın qədim adətlərindəndir. Digər Cənubi Amerika ölkələrində olduğu kimi burada da insanlar bayram günü ən bahalı və gözəl paltarlarını geyinib, əllərində boş bir çamadanla evin ətrafında gəzirlər. Bu üsulla onlar il ərzində edəcəkləri səyahətin ancaq xeyir işlər üçün olacağını düşünürlər.
FRANSA
Bir çox Fransa əyalətlərində bu günə qədər köhnə bir ənənəyə əməl olunmaqdadır. Yeni ildə ilk olaraq su dalınca bulağa gedən ev sahibəsi orada bayram sürfəsindən qoğal və ya bulka qoyur. Bu bayram payını ertəsi gün o biri sahibə götürür, əvəzində özü gətirdiyini bulaq başında qoyur. Qadınlar axşam olana qədər bir-birilərini bu cür qonaq edirlər.
BOLQARISTAN
Elə ki Yeni il təqvimə qədəm qoyur, saatın son zərbəsində Bolqarıstanda bütün evlərdə bir neçə dəqiqə işıqlar söndürülür. Yeni il öpüşmələri başlayır.
MACARISTAN
Bu ölkədə Yeni il günü uşaq tütəkləri, fit almaq və hədiyyə etmək dəbdir. Xalq inancına görə, bu musiqi alətlərinin təsirli səsi evdəki cinləri qova, evə sevinc və firəvanlıq gətirə bilər.
MOLDOVA
Moldovada Yeni ildə qonaqlar gözlənilən evlərdə buğda səpmək qəbul olunub. Hesab olunur ki, bununla yeni ildə bol məhsul və firəvanlıq olacaq.
YUNANISTAN
Yeni ili qarşılamaq üçün qonaqlığa gedən Yunanıstan sakinləri özləri ilə daş götürür və onu qonaq gözləyən evin kandarına atırlar. Əgər daş ağırdısa, onda deyirlər – “Qoy ev sahibinin sərvəti bu daş kimi ağır olsun”. Yox, əgər daş kiçikdirsə, onda “Qoy ev sahibinin gözünə düşən ləkə bu daş kimi kiçik olsun” deyirlər.
HİNDİSTAN
Bu ölkədə Yeni ili müxtəlif cür qarşılayırlar. Ölkənin şimal əhalisi özlərini ağ, qırmızı, çəhrayı və bənövşəyi çiçəklərlə bəzəyirlər. Ölkənin mərkəzində evləri bənövşəyi bayraqlarla bəzəyirlər. Qərbdə evlərin damında od qalayırlar. Bayram ərəfəsində analar böyük qablara uşaqlar üçün aldıqları hədiyyələri, şirniyyatları, gül qoyurlar. Yeni ilin ilk günü səhər uşaqları gözü bağlı nimçəyə yaxınlaşdırırlar ki, onlar özlərinə hədiyyə seçsinlər.
İTALİYA
İtaliyada Yeni il axşamı köhnə ev əşyalarının pəncərədən küçəyə atılması ənənəsi hələ də qalmaqdadır. Küçədən keçənlər üçün heç də təhlükəsiz olmayan bu adətə əməl edən italyanlar hesab edir ki, nə qədər çox mebel atsanız, Yeni il öz gəlişi ilə evinizə bir o qədər sərvət gətirə bilər.Böyüklər köhnə ev əşyalarını küçəyə atmaqda ikən uşaqlar bütün Yeni il gecəsi evin buxarına diqqət kəsilirlər. Məhz buxarıdan evə nağıllardakı sirli-möcüzəli Befan gəlməli və uşaqların ayaqqabılarına çoxdan gözlənilən hədiyyələrini qoymalıdır.
İstanbulu Avropadan tam ayıran böyük gəmi kanalı…
Türkiyə tərəfi Bosfor boğazına alternativ olacaq “İstanbul” kanalının tikintisi üzərində iş aparır. Bu barədə məlumatı Türkiyənin Prezidenti Ərdoğan verib. Prezident deyib ki, yeni layihənin Türkiyənin iqtisadiyyatına və inkişafına böyük təsiri olacaq: “Təsəvvür edin ki, hazırda Türkiyə boğazlardan keçən gəmilərə görə gəlir əldə etmir. Ancaq yeni kanal tikiləndən sonra vəziyyət tamamilə fərqli olacaq”.
Statistik məlumatlarda bildirilir ki, 2019-cü ilin üçüncü kvartalına görə, Dardanel boğazından 32 min 414 gəmi keçib ki, onlardan da 10 min 98-i yük gəmilərinin payına düşür. Eynilə Bosfor boğazından da bu sayda gəmilərin keçdiyi bildirilir. Xatıraladaq ki, kanalın uzunluğu 45 kilometr, eni isə 600 metr olacaq. Dərinliyi 25 metr olacaq kanalın buraxma gücü sutka ərzində 150-160 gəmi həcmindədir. Bu layihə, həmçinin, Bosfor boğazında yaranan sıxlığı da aradan qaldıracaq. Qara dənizlə Mərmərə dənizini birləşdirəcək layihə həm də İstanbulun Avropa hissəsini tam ayırmaqla bir adaya çevirəcək. Yeni kanalın sahilində yeni yaşayış komplekslərinin tikintisi planlaşdırılır. Hətta yeni limanın da tikintisi gözlənir. Kanalın tikintisi 5 il çəkəcək, minimal istismar müddəti isə 100 il olacaq.
Qeyd edək ki, bu layihə Türkiyənin tarixində ən böyük proje sayılır. Bununla Türkiyə həddən-ziyadə yüklənmiş Bosfor boğazına alternativ olaraq, Qara dənizi və Mərmərə dənizini süni su yolu ilə birləşdirmək niyyətindədir. Türkiyənin Baş naziri Rəcəb Tayyib Ərdoğan vəd edib ki, bu əsrin ən iri layihələrindən biri olacaq İstanbul kanalı Panama və Süveyş kanallarını kölgədə qoyacaq.
İstanbulun Avropa hissəsindən çəkiləcək kanal boyunca avtomobillərin hərəkəti üçün körpülər, kanalın sahilində yaşayış binaları, işgüzar zonalar salınacaq, habelə İstanbul üçün sayca üçüncü olan yeni hava limanı inşa ediləcək.
Türkiyədəki son seçkilərdən sonra start götürən bu layihənin eyni zamanda ekoloji fəlakətin qarşısını alacağı da bildirilir. Hazırda bu dar boğazla ildə 140 milyon tonadək neft daşınır.
Bu yaxınlarda İstanbulun hər iki tərəfində 2 yeni qəsəbənin tikintisi planı açıqlanıb. Bundan əlavə, yayda Bosfor körfəzi üzərindən üçüncü körpünün inşası üçün tender keçiriləcək. Yeri gəlmişkən, Türkiyə-Yaponiya konsorsiumu boğazın dibi ilə dəmir yol tunelinin inşasına başlayıb.
Qeyd edək ki, hazırda Bosfor boğazı qələbəliyinə görə dünyada dördüncü su magistralı sayılır. Lakin sahili girintili-çıxıntılı, axını aldadıcı olduğu üçün, burada düzgün istiqamət götürmək çətindir. Türkiyə çoxdan xəbərdarlıq edir ki, neftdaşıyan tankerlərin ölçülərinin artması ilə əlaqədar dəniz daşımalarının artması gec partlayan bombadır. Odur ki, bu ölkə neft kəmərlərinin öz ərazisindən çəkilməsinə üstünlük verir.
Sahillərində dəbdəbəli villalar, restoranlar ucaldılmış, turistlər üçün cəlbedici yerlərlə zəngin Bosfor boğazında 1979 və 1994-cü illərdə tankerlərin qəzaya uğraması nəticəsində müvafiq olaraq 41 və 28 adam həlak olub. Bütün bu faktlar sübut edir ki, yeni kanalın tikintisi həm də böyük zərurətdən irəli gəlib. Bu meqalayihənin Türkiyənin iqtisadiyyatına, ekologiyasına, turizm potensialına, hətta təhlükəsizliyinə də böyük faydası olacaq.
Rusiya-Azərbaycan: mədəni əlaqələr üçün əlverişli zəmin var
Qarşılıqlı mədəni əlaqələr ölkələrin münasibətlərində iqtisadi və siyasi əməkdaşlıqla müqayisədə heç də az rol oynamır. Buna görə də Rusiya və Azərbaycanın humanitar əlaqələri üçün ümumi sivil məkanın genişlənməsi və dərinləşməsi xüsusilə səciyyəvidir.
Rusiya-Azərbaycan Dostluq Mərkəzinin rəhbəri Nataliya Krasovskaya AZƏRTAC-ın müxbiri ilə söhbətində başa çatmaqda olan ilə mədəni baxımdan yekun vurur.
-Nataliya Rudolfovna, Rusiya-Azərbaycan mədəni əlaqələri sahəsində hansı hadisə şəxsən sizin üçün xüsusilə əhəmiyyətli olub?
-Bu ilin əvvəlində Dövlət Dumasının deputatı Dmitri Savelyevin rəhbərlik etdiyi Rusiya-Azərbaycan Parlamentlərarası Dostluq Qrupunun və bizim Rusiya-Azərbaycan Dostluq Mərkəzinin təşəbbüsü ilə Dövlət Dumasında “Rusiya ilə Azərbaycan arasında mədəni körpülər mədəniyyətlərarası dialoqun əsası kimi” mövzusunda dəyirmi masa keçirilib. Rusiya və Azərbaycan mədəniyyətlərinin Moskvada toplaşmış ən yaxşı nümayəndələri qarşılıqlı humanitar əlaqələr üçün vahid normativ-hüquqi baza yaradılmasının zəruriliyindən, mədəniyyət sahəsində dövlətlərarası strategiyanın vacibliyindən, müştərək layihələrə ehtiyac olmasından danışdılar. Çünki zaman özü mədəniyyətlərarası dialoqa yeni yanaşmalar tələb edir. Mahiyyət etibarilə bu müzakirə il ərzində ən müxtəlif səviyyələrdə çoxsaylı Rusiya-Azərbaycan tədbirləri “mövsümü”nün açılışı oldu. Bütövlükdə builki hadisələrdən danışmalı olsaq, heç şübhəsiz, əsas tədbirlərdən biri Azərbaycanda Rusiya Mədəniyyəti Günləri oldu. Yeri gəlmişkən, 2020-ci ildə Rusiyada Azərbaycan Mədəniyyət Günləri keçiriləcək. Yaradıcılıq nailiyyətlərinin bu cür mübadiləsi, sözsüz ki, hər iki tərəfi zənginləşdirir.
-Sizin mərkəz müxtəlif konsert və sərgilərin keçirilməsinə, eləcə də həmin tədbirlərin KİV-lərdə işıqlandırılmasına xeyli vaxt və qüvvə sərf edir. Lakin bu ilin ən əlamətdar trendlərindən biri milli mədəniyyətlər festivalları olub. Sizin fikrinizcə, bu festivalların populyarlığının artması nə ilə bağlıdır?
-Xalq diplomatiyasının bir vəzifəsi də müxtəlif millətlərdən olan insanlar arasında qarşılıqlı anlaşma və etimad mühiti yaratmaqdan ibarətdir. Bunun üçün ən yaxşı vasitə isə başqa mədəniyyətin müxtəlif forma və üslubları ilə təmasda olmaqdır. Məsələn, sentyabr ayında keçirilmiş “Nar” Azərbaycan mədəniyyəti festivalına gələn hər kəs bu meyvə ilə bağlı xalq rəvayətləri və ənənələrlə tanış olmaq, üstəlik, nardan istifadə edilməklə yemək hazırlamaq imkanı əldə etmişdi. Başqa bir məkanda azərbaycanlı sənətkarlar mis əşyalar və dulusçuluq məmulatları yaradırlar. Milli mahnı və rəqslərdən ibarət konsert proqramı təqdim edilir. Beləliklə, festivalın iştirakçısı bütün duyğu orqanlarını işə salaraq həm özü üçün çoxlu yeniliklər öyrənir, həm də başqa mədəniyyətdə iştirak etmiş olur, bu isə çox vacibdir. Ona görə festivallar formatı çox maraqlı və cəlbedicidir.
-Bu yaxınlarda Xalq Təsərrüfatı Nailiyyətləri Sərgisində yenidənqurma işlərindən sonra açılmış “Azərbaycan” Milli pavilyonu bu ölkənin mədəniyyətini öyrənməyə nə dərəcədə imkan verəcək?
-Yenilənmiş pavilyonu Azərbaycanın Birinci vitse-prezidenti Mehriban xanım Əliyeva açdı. Bu fakt respublika rəhbərliyi tərəfindən həmin obyektə verilən əhəmiyyətə dəlalət edir. Orada bütün bərpa işləri Heydər Əliyev Fondunun rəhbərliyi ilə həyata keçirilib. Pavilyonda daimi fəaliyyətdə olan sərgi meydançası, muzey ekspozisiyası, qiraət zalı və çayxana-kafesi olan kitabxana var. Pavilyona gələn hər kəs eyni bir məkanda Azərbaycanın tarixi, onun mədəniyyəti və hətta mətbəxi ilə də tanış ola bilər. Bundan əlavə, Azərbaycandan olan ustaların zəhmət çəkib yaratdığı naxışlar və heykəllər milli pavilyona autentiklik verir. Əslində bu pavilyon özü Azərbaycan mədəniyyətinin Rusiya torpağına köçürülmüş bir abidəsidir.
– Rusiyaya birinci səfəri zamanı Mehriban Əliyeva dövlətin birinci şəxsləri ilə görüşüb və mühüm müzakirə mövzularından biri gənclər forumları olub. Sizin fikrinizcə, bu cür tədbirlər mədəni mübadiləyə nə verir?
-Bizim mehriban qonşuluq münasibətlərində mövcud olan yaxşı cəhətləri qoruyub saxlamaq və çoxaltmaq üçün varislik təmin edilməlidir. Yeni gənc nəsillər yaşlı həyata qədəm qoyurlar və ölkələrimizin ümumi gələcəyi həmin nəsillər arasında dostluğun nə dərəcədə möhkəm olacağından asılıdır. Yaxın vaxtlara qədər Rusiya və Azərbaycan Gənclər forumu birdəfəlik tədbir kimi keçirilirdi, lakin indi onlar müntəzəm keçiriləcək. Forumlar çərçivəsində gənclər yeni dostlar, tanışlar qazanır, işləri uğurla gedən şəxslərin təcrübəsini öyrənir, özlərinin sosial və innovasiya layihələrini təqdim edirlər. Ortaq tarixi yaddaşın, multikulturalizmin və təhsilin qorunub saxlanması mövzusunda diskussiyalar xüsusi maraq doğurur. Bu cür şəxsiyyətlərarası ünsiyyət sayəsində möhkəm humanitar əlaqələr yaranır.
-Turistlər mübadiləsi qarşılıqlı mədəni əlaqələrin mühüm amilidir. Bu gün turizm sahəsində yaranmış vəziyyəti Siz necə qiymətləndirərdiniz?
-Rusiya və Azərbaycan arasında qarşılıqlı turist axını ilbəil artır. Bu, ölkələrimizin bir-birinə marağının artmasına dəlalət edir. Məsələn, keçən il Rusiyadan Azərbaycana 880 min turist səfər edib, bu isə müvafiq göstəricinin 1 milyondan yuxarı olacağı gözlənilir. Turistləri Rusiyaya gələn ölkələr arasında Azərbaycandan olan turistlər dördüncü yeri tuturlar. Cari ilin 9 ayı ərzində bizə 700 min azərbaycanlı səyahətçi gəlib. Bizim həmvətənlərimiz üçün Azərbaycana səfər bu ölkənin görməli yerləri ilə daha yaxından tanış olmaq, milli mətbəx nümunələrinin dadına baxmaq, Azərbaycanda tez-tez keçirilən dünyamiqyaslı tədbirlərdə iştirak etmək imkanı deməkdir. Şəxsi təhlükəsizlik hissi və azərbaycanlılarla ünsiyyətdə dil maneəsinin olmaması da böyük əhəmiyyət kəsb edir. Bu amillər həm milli mədəniyyətin öyrənilməsinə, həm də möhkəm dostluq münasibətlərinin inkişafına kömək edir.
-Məlumdur ki, Azərbaycanda rus dilinə xüsusi münasibət formalaşıb. Siz bu faktı humanitar mübadilə baxımından necə şərh edərdiniz?
-Rus dili xalqlarımız arasında qarşılıqlı anlaşma üçün bir növ açar olub. Bu üstünlükdən istifadə etmək lazımdır, çünki “humanitar” sözü ilk növbədə məhz şəxsiyyətlərarası ünsiyyət deməkdir. Azərbaycandakı rusdilli məktəblərin sayı barədə çoxlu statistik məlumatlar söyləmək, yaxud Rusiya ali məktəblərinin Azərbaycanda fəaliyyət göstərən filialları, Bakıda keçirilən beynəlxalq humanitar forum, azərbaycanlılar üçün səciyyəvi olan çoxəsrlik multikultiralizm ənənələri barədə çox danışmaq olar, lakin ən vacibi budur ki, xalqlarımız sıx mənəvi birlik hiss edirlər. Bu, humanitar sahədə ölkələrimizin əsas nailiyyətidir. Onu durmadan təkmilləşdirmək lazımdır, çünki hər hansı iqtisadi və siyasi niyyətlər yalnız sevgi ilə, xoş niyyətlə, xalq diplomatiyasının ən yaxşı ənənələri əsasında səmərə verə bilər.
Şamaxıda regional ixtisaslaşma və davamlı iqtisadi inkişaf mövzusunda konfrans keçirilib
Dekabrın 19-da Şamaxıda İqtisadiyyat Nazirliyi və rayon icra hakimiyyətinin birgə təşkilatçılığı ilə Şamaxı Şərab İxtisaslaşması Strategiyasının maliyyələşdirilməsi və həyata keçirilməsi imkanları və potensial layihə ideyaları haqqında fəal müzakirəni təşviq etməkdir. Bu məqsədilə aidiyyəti dövlət qurumlarının iştirakı ilə 1-ci Regional İxtisaslaşma Konfransı keçirilib. Konfransda İqtisadiyyat və Kənd Təsərrüfatı nazirliklərinin, 10 rayonun icra hakimiyyətinin, Azərbaycanda fəaliyyət göstərən donor təşkilatların nümayəndələri, KOB agentliyi, sahibkarlar və fermerlər iştirak ediblər.
AZƏRTAC-ın bölgə müxbiri xəbər verir ki, konfransda İqtisadiyyat Nazirliyinin Şamaxı Rayon İcra Hakimiyyəti ilə sıx əməkdaşlığı çərçivəsində iqtisadiyyatın şaxələndirilməsinə və davamlı regional inkişafa töhfə verməklə regionların və kənd yerlərinin inkişafına yönələn layihənin həyata keçirilməsi barədə danışılıb. Layihənin əsas məqsədi rəqabət qabiliyyətini artırmaqdır. İş yerləri açmaq və inklüzivliyi genişləndirmək üçün regional, sosial və iqtisadi fərqləri aradan qaldırmaqla, yerli və regional inkişafa dəstək verməkdir. Layihə çərçivəsində rayon icra hakimiyyəti “Azərbaycanda kənd yerləri və regional inkişafa dəstək” texniki yardım layihəsinin yerli və xarici ekspertlərlə birlikdə Şamaxı rayonu üçün şərab ixtisaslaşması üzrə inkişaf strategiyasını işləyib hazırlayıb.
Konfransda regionun inkişafını dəstəkləyən və regionlar arasında fərqi azaldacaq tədbir və layihələr müzakirə olunub. Habelə kənd təsərrüfatı sahəsində sahibkarların bilik və bacarıqlarının artırılacaq. Eləcə də Azərbaycanda sürətlə inkişaf edən turizm sektoru üçün marketinq və turizm məhsullarının inkişafı üzrə işlər aparılıb. Səyahət yerlərinin menecmenti imkanları istiqamətində dövlət qurumları və donor təşkilatlarla müzakirələr aparılıb.
Tədbirdə çıxış edən rayon icra hakimiyyətinin başçısı Tahir Məmmədov Şamaxıda üzümçülüyün və şərabçılığın mövcud vəziyyəti və inkişaf perspektivləri haqqında məlumat verib. Rayonun sosial-iqtisadi inkişafında bu sektorun rolunun önəmini vurğulayıb.
İqtisadiyyat nazirinin müavinin Sahib Məmmədov regionların sosial-iqtisadi inkişafı Dövlət proqramları çərçivəsində regionlarda sahibkarlığın və infrastruktur təminatının inkişafı artıb. Üzüm və şərab məhsullarının ixracına dövlət dəstəyi barədə iştirakçıları məlumatlandırıb. Nazir müavini, habelə çıxışında Avropa İttifaqının maliyyələşdirdiyi “Azərbaycanda kənd yerləri və regional inkişafa dəstək” layihəsinin zəruriliyini və regional inkişaf yanaşmasında Avropa İttifaqı ölkələri təcrübələrinin öyrənilməsinin vacibliyini qeyd edib.
Kənd Təsərrüfatı nazirinin müavini Elçin Zeynalov çıxış edərək, ölkədə üzümçülük və şərabçılığa dövlət dəstəyi və bu sahədə görüləcək işlərlə bağlı məlumat verib. Prezident İlham Əliyevin aqrar sahənin inkişafı ilə əlaqədar verdiyi sərəncamlardan, bu sərəncamların kənd təsərrüfatının dinamik inkişafındakı əhəmiyyətindən danışıb. E.Zeynalov Kənd Təsərrüfatı Nazirliyinin kənd təsərrüfatı məhsullarının istehsalı üzrə ixtisaslaşma strategiyası barədə də iştirakçıları məlumatlandırıb. Bu ixtisaslaşma sayəsində Şamaxı rayonunda əhalinin məşğulluq səviyyəsi və fermerlərin gəlirləri artacaq. Həmçinin şərab və üzüm məhsullarının ixracı artacaq, aqrar turizmin inkişafı üçün əlavə imkanlar yaranacaq. Nazir müavini, eyni zamanda, kooperativləşmənin və birgə fəaliyyətin fermerlərə verə biləcəyi töhfələr haqqında da ətraflı danışıb.
Konfransda Avropa İttifaqı Bakı ofisinin nümayəndəsi xanım Simona Gatti layihənin əhəmiyyətindən söz açıb. Davamlı regional inkişaf üçün əhatəli planlaşmanın vacibliyini vurğulayıb.
Tədbirdə rayon icra hakimiyyəti və Kənd Təsərrüfatı Nazirliyinin Şamaxı Dövlət Aqrar İnkişaf Mərkəzi tərəfindən layihə çərçivəsində hazırlanan strategiya və investisiya layihələri təqdim edilib. Habelə layihə heyəti, regional ixtisaslaşma strategiyası yanaşması və metodologiyası təqdim olunub.
Regional konfransda ölkədə fəaliyyət göstərən donor təşkilatların nümayəndələri çıxış edib. Şamaxıda ixtisaslaşma strategiyasının icrasına verə biləcəkləri töhfələr haqda məlumat veriblər.
Almaniya vizası
Almaniya Vizası
Almaniyaya səfər etmək üçün Azərbaycan vətəndaşlarına Almaniya vizası almaq vacibdir.
Vizanın 2 növü var:
- Qısamüddətli (90 günə qədər, turizm və ya işgüzar səfər)
- Uzunmüddətli (90 gündən artıq, təhsil, işləmək və ya ailə birləşməsi üçün)
GO Travel Almaniyaya viza dəstəyi göstərir. Səfərin müddətini təyin edib bizimlə əlaqə saxlaya bilərsiniz. Həmçinin siz Almaniya səfirliyi üçün ərizə formasını postun sonunda səhifəmizdən yükləyə bilərsiniz.
Viza ödənişləri
Viza rüsumu – 35 AVRO
0-12 yaş aralığında olan uşaqlar və təqaüdçülər üçün viza rüsumu tələb olunmur – pulsuz
Viza üçün tələb olunan sənədlər
- Xarici passport
- Gediş və dönüş biletlərinin bronu
- İşlədiyiniz müəssisədən və ya tələbəsinizsə oxuduğunuz təhsil müəssisəsindən arayış
- Lazımi xərclərin ödənəcəyinin sübutu və ya bankdan arayış
- Bankdan son 6 ay müddətində etdiyiniz əməliyyatların çıxarışı
- Bron etdiyiniz otelin vauçeri və ya sizə göndərilən dəvət məktubu
- Ən azı 30.000 avro məbləğində, bütün səfər müddəti və bütün şengen ölkələri üçün tibbi sığorta
- Şəkil 3.5×4.5 sm
- Hazır ərizə forması
- Şəxsiyyəti təsdiq edən sənədin və xarici passportun kopyası
Müraciət zamanı sizə lazım ola biləcək digər sənədlər
- Əgər evlisinizsə nikah şəhadətnaməsi və bununla yanaşı əgər 18 yaşına çatmamış övladınız (övladlarınız) varsa doğum haqqında şəhadətnamə
- Azərbaycan Respublikası ali və ya orta təhsil müəssisələrində təhsil alan və vizaya müraciət edən bütün tələbə və şagirdlər həmin təhsil müəssisəsində oxuduğuna dair arayış təqdim etməlidirlər
- Əlavə üstünlük kimi əgər adınızda hər hansı daşınan və ya daşınmaz əmlakınız varsa çıxarışları təqdim etmək
Qeyd: Passport və şəxsiyyət vəsiqəsinin surətlərindən başqa digər lazım olan bütün sənədlər inglis dilində və ya ingilis dilinə tərcümə olunmuş və notariatda təsdiq olunmuş olmalıdır.
Şəklin çəkilmə qaydası
- Şəkilin çəkilmə müddəti altı aydan gec olmamalıdır.
- 3.5 sm x 4.5 sm ölçüdə olmalıdır.
- Parlaq olmayan bir fonda çəkilməlidir.
- Şəklin fonun tünd olmamasına diqqət edilməlidir.
- Şəkildə bədənin əsasən çiyindən yuxarı hissəsinin olmasına diqqət yetirilməlidir, odur ki, şəkilin 70-80% – i üz nahiyəsindən ibarət olmalıdır.
Əməliyyat müddəti
Almaniya vizası üçün etdiyiniz müraciətin cavabı sizə 3 – 14 iş günü müddətində verilir.
Qeyd: Vizaların verilməsi birbaşa Konsulluq ilə əlaqəlidir, buna görə də Granit AS şirkəti olaraq vizaların verilməsinə tam zəmanət vermirik. Bütün qərarlar Konsulluğa məxsusdur. Turpaket alan müştərilərimiz üçün viza dəstəyi pulsuzdur.
Almaniya vizası üçün ərizə forması
Ətraflı məlumat
: +994 12 564 60 30
: +994 70 664 60 30
: İnstagram: @gotravel.az
: Fətəli Xan Xoyski 85, Bakı
: info@gotravel.az
: www.gotravel.az
Açar sözlər: almaniya vizası, almaniya viza dəstəyi, almaniyaya viza almaq, almaniya səfirliyi, almaniya vizası üçün ərizə forması
Azərbaycanın turizm imkanları: Əldə olunan nəticələr və gələcək perspektivlər
